ਬਿਸ਼ਕੇਕ, 17 ਸਤੰਬਰ (ਪੋਸਟ ਬਿਊਰੋ)- ਦੁਨੀਆ 'ਚ ਪਿਛਲੇ 7 ਮਹੀਨਿਆਂ ਤੋਂ ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਚੱਲ ਰਹੀ ਹੈ।ਇਸ ਦੌਰਾਨ ਅਜ਼ਰਬਾਈਜਾਨ ਅਤੇ ਅਰਮੇਨੀਆ ਵਿਚਾਲੇ ਜੰਗ ਵੀ ਸ਼ੁਰੂ ਹੋ ਗਈ ਹੈ।ਕਿਰਗਿਸਤਾਨ ਅਤੇ ਤਾਜਿਕਸਤਾਨ, ਜੋ ਹੁਣ ਸੋਵੀਅਤ ਸੰਘ ਦਾ ਹਿੱਸਾ ਹੈ, ਵਿਚਕਾਰ ਵੀ ਲੜਾਈ ਛਿੜ ਗਈ ਹੈ।ਸ਼ੁੱਕਰਵਾਰ ਨੂੰ ਦੋਵਾਂ ਪਾਸਿਆਂ ਤੋਂ ਭਾਰੀ ਹਥਿਆਰਬੰਦ ਗੋਲਾਬਾਰੀ ਵਿਚ 24 ਲੋਕ ਮਾਰੇ ਗਏ ਸਨ ਅਤੇ 87 ਜ਼ਖਮੀ ਹੋ ਗਏ ਸਨ।ਦੋਵਾਂ ਦੇਸ਼ਾਂ ਨੇ ਇਸ ਝੜਪ ਦਾ ਦੋਸ਼ ਇਕ-ਦੂਜੇ 'ਤੇ ਲਗਾਇਆ ਹੈ।
ਸੂਤਰਾਂ ਮੁਤਾਬਕ ਇਸ ਹਫਤੇ ਤੋਂ ਹੀ ਦੋਹਾਂ ਦੇਸ਼ਾਂ ਵਿਚਾਲੇ ਛੋਟੀਆਂ-ਮੋਟੀਆਂ ਝੜਪਾਂ ਸ਼ੁਰੂ ਹੋ ਗਈਆਂ ਸਨ ਪਰ ਸ਼ੁੱਕਰਵਾਰ ਨੂੰ ਅਚਾਨਕ ਇਹ ਵੱਡੀ ਹੋ ਗਈ।ਤਾਜਿਕਸਤਾਨ ਦੀ ਫੌਜ ਨੇ ਕਿਰਗਿਸਤਾਨ ਦੇ ਸਰਹੱਦੀ ਸ਼ਹਿਰ ਬਾਟਕੇਨ 'ਤੇ ਟੈਂਕਾਂ, ਤੋਪਖਾਨੇ ਅਤੇ ਰਾਕੇਟ ਲਾਂਚਰਾਂ ਨਾਲ ਗੋਲੇ ਅਤੇ ਰਾਕੇਟ ਦਾਗੇ।ਇਸ ਅਚਾਨਕ ਹੋਏ ਹਮਲੇ ਕਾਰਨ ਸ਼ਹਿਰ ਵਿੱਚ ਭਗਦੜ ਮਚ ਗਈ।ਸਥਿਤੀ ਨੂੰ ਗੰਭੀਰ ਹੁੰਦਾ ਦੇਖ ਕੇ ਕਿਰਗਿਸਤਾਨ ਸਰਕਾਰ ਨੇ ਐਮਰਜੈਂਸੀ ਆਪਰੇਸ਼ਨ ਚਲਾਇਆ ਅਤੇ ਸ਼ਹਿਰ 'ਚ ਰਹਿ ਰਹੇ 1 ਲੱਖ 36 ਹਜ਼ਾਰ ਲੋਕਾਂ ਨੂੰ ਬਾਹਰ ਕੱਢਿਆ।
ਕਿਰਗਿਜ਼ਸਤਾਨ ਬਾਰਡਰ ਸਰਵਿਸ ਮੁਤਾਬਕ ਸ਼ੁੱਕਰਵਾਰ ਸਵੇਰੇ ਤਜ਼ਾਕਿਸਤਾਨ ਦੀ ਫੌਜ ਨੇ ਕਿਰਗਿਸਤਾਨ ਸਰਹੱਦੀ ਚੌਕੀਆਂ 'ਤੇ ਹਮਲੇ ਸ਼ੁਰੂ ਕੀਤੇ ਤਾਂ ਲੜਾਈ ਸ਼ੁਰੂ ਹੋ ਗਈ।ਇਸ ਦੇ ਨਾਲ ਹੀ ਬਾਟਕੇਨ ਸ਼ਹਿਰ ਦੇ ਹਵਾਈ ਅੱਡੇ 'ਤੇ ਕਈ ਰਾਕੇਟ ਲਾਂਚਰਾਂ ਤੋਂ ਰਾਕੇਟ ਦਾਗੇ ਗਏ।ਕਿਰਗਿਸਤਾਨ ਦੀ ਫੌਜ ਮੁਤਾਬਕ ਤਾਜਿਕਸਤਾਨ ਦੀ ਫੌਜ ਨੇ ਸ਼ਹਿਰ ਦੇ ਨਾਗਰਿਕ ਇਲਾਕਿਆਂ ਨੂੰ ਵੀ ਨਹੀਂ ਛੱਡਿਆ ਅਤੇ ਉਥੇ ਬੰਬਾਰੀ ਕਰ ਕੇ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ।ਇਸ ਤੋਂ ਬਾਅਦ ਕਿਰਗਿਸਤਾਨ ਦੀ ਫੌਜ ਨੇ ਵੀ ਜਵਾਬੀ ਕਾਰਵਾਈ ਕੀਤੀ ਅਤੇ ਤਜ਼ਾਕਿਸਤਾਨ ਦੇ ਪਿੰਡਾਂ 'ਤੇ ਬੰਬਾਰੀ ਸ਼ੁਰੂ ਕਰ ਦਿੱਤੀ।