ਹਾਂਗਕਾਂਗ, 14 ਅਗਸਤ (ਪੋਸਟ ਬਿਊਰੋ)- ਪੂਰਬੀ ਚੀਨ ਵਿੱਚ ਦਰਜਨਾਂ ਲੋਕਾਂ ਵਿੱਚ ਪਾਏ ਗਏ ਨਵੇਂ ਵਾਇਰਸ ਉੱਤੇਹੋਰ ਨਿਗਰਾਨੀ ਦੀ ਲੋੜ ਹੈ, ਜੋ ਭਾਵੇਂ ਅਗਲੀ ਮਹਾਮਾਰੀ ਦਾ ਕਾਰਨ ਨਹੀਂ ਬਣ ਸਕਦਾ, ਪਰ ਇਹ ਵਾਇਰਸ ਆਸਾਨੀ ਨਾਲ ਜਾਨਵਰਾਂ ਤੋਂ ਮਨੁੱਖਾਂ ਤੱਕ ਪਹੁੰਚ ਸਕਦਾ ਹੈ ਅਤੇ ਇਸਵੱਲ ਕਿਸੇ ਦਾ ਧਿਆਨ ਵੀ ਨਹੀਂ ਜਾਂਦਾ ਹੈ। ਇੱਕ ਰਿਪੋਰਟ ਵਿੱਚਵਿਗਿਆਨੀਆਂ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਲਾਂਗਿਆ ਹੇਨਿਪਾ ਵਾਇਰਸ ਨਾਂਅ ਦੇ ਵਾਇਰਸ ਨੇ ਲਗਭਗ ਤਿੰਨ ਦਰਜਨ ਕਿਸਾਨਾਂ ਅਤੇ ਹੋਰ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲਿਆ ਹੈ। ਵਿਗਿਆਨੀਆਂ ਦੀ ਟੀਮ ਅਨੁਸਾਰ ਇਹ ਸਿੱਧੇ ਜਾਂ ਅਸਿੱਧੇ ਰੂਪ ਵਿੱਚ ਲੋਕਾਂ ਵਿੱਚ ਫੈਲ ਸਕਦਾ ਹੈ। ਇਸ ਨਾਲ ਕਿਸੇ ਦੀ ਮੌਤ ਨਹੀਂ ਹੋਈ, ਪਰ 2018 ਅਤੇ 2021 ਵਿਚਾਲੇ ਸ਼ੇਡੋਂਗ ਅਤੇ ਹੇਨਾਨ ਸੂਬੇ ਦੇ ਹਸਪਤਾਲਾਂ ਵਿੱਚ 35 ਅਸਬੰਧਤ ਬੁਖਾਰ ਦੇ ਰੋਗੀਆਂ ਵਿੱਚ ਇਹ ਪਾਇਆ ਗਿਆ ਹੈ। ਪਿਛਲੇ ਹਫਤੇ ਨਿਊ ਇੰਗਲੈਂਡ ਜਰਨਲ ਆਫ ਮੈਡੀਸਨ ਵਿੱਚ ਚੀਨੀ ਤੇ ਅੰਤਰਰਾਸ਼ਟਰੀ ਖੋਜਕਾਰਾਂ ਦੀ ਟਿੀਮ ਨੇ ਲਿਖਤ-ਪੜ੍ਹਤ ਵਿੱਚ ਇਸ ਵਾਇਰਸ ਉੱਤੇ ਪਹਿਲਾਂ ਵਿਗਿਆਨਕ ਖੋਜ ਨੇ ਬਿਮਾਰੀ ਦੇ ਕਹਿਰ ਉੱਤੇ ਵੱਧਦੀ ਚਿੰਤਾ ਕਾਰਨ ਵਰਲਡ ਪੱਧਰ ਉੱਤੇ ਧਿਆਨ ਖਿੱਚਿਆ ਹੈ।