ਦੋਹਾ, 22 ਜੂਨ (ਪੋਸਟ ਬਿਊਰੋ)- ਜਹਾਜ਼ ਸੇਵਾ ਦੇਣ ਵਾਲੀ ਅਮੀਰਾਤ ਦੇ ਮੁੱਖੀ ਟਿਮ ਕਲਾਰਕ ਨੇ ਕਿਹਾ ਕਿ ਭਾਰਤ ਵਿੱਚਕੋਈ ਏਅਰਲਾਈਨਜ਼ ਚਲਾਉਣਾ ਸੌਖਾਲਾ ਨਹੀਂ ਅਤੇ ਜੇ ਟਾਟਾ ਗਰੁੱਪ ਏਅਰ ਇੰਡੀਆ ਨਾ ਚਲਾ ਸਕਿਆ ਤਾਂ ਦੇਸ਼ ਵਿੱਚ ਉਸ ਨੂੰ ਕੋਈ ਨਹੀਂ ਚਲਾ ਸਕਦਾ।ਕਲਾਰਕ ਨੇ ਕਿਹਾ ਕਿ ਏਅਰ ਇੰਡੀਆ ਨੂੰ ਯੂਨਾਈਟੇਡ ਏਅਰਲਾਈਨਜ਼ ਜਿੰਨਾ ਵੱਡਾ ਹੋਣਾ ਚਾਹੀਦਾ ਹੈ। ਇਸ ਨੂੰ ਆਪਣੇ ਘਰੇਲੂ ਬਾਜ਼ਾਰ ਦੇ ਨਾਲ ਹੀ ਵਿਦੇਸ਼ਾਂ ਵਿੱਚ ਪ੍ਰਵਾਸੀ ਭਾਰਤੀਆਂ (ਐਨ ਆਰ ਆਈ) ਅਤੇ ਭਾਰਤ ਵਿੱਚ ਹੁੰਦੀਆਂ ਆਰਥਿਕ ਸਰਗਰਮੀਆਂ ਦੇ ਕਾਰਨ ਇੰਨਾ ਵੱਡਾ ਹੋਣਾ ਹੀ ਚਾਹੀਦਾ ਹੈ।
ਏਅਰ ਇੰਡੀਆ ਦੇ ਬੇੜੇ ਵਿੱਚਇਸ ਵਕਤ ਲੱਗਭਗ 128 ਜਹਾਜ਼ ਹਨ, ਜਦ ਕਿ ਸ਼ਿਕਾਗੋ ਵਿਚਲੇ ਯੂਨਾਈਟੇਡ ਏਅਰਲਾਈਨਜ਼ ਦੇ 860 ਜਹਾਜ਼ ਹਨ। ਕਲਾਰਕ ਨੇ ਇਹ ਗੱਲਾਂ ਇੰਟਰਨੈਸ਼ਨਲ ਏਅਰ ਟ੍ਰਾਂਸਪੋਰਟ ਐਸੋਸੀਏਸ਼ਨ (ਆਈ ਏ ਟੀ ਏ) ਦੀ 78ਵੀਂ ਸਾਲਾਨਾ ਆਮ ਬੈਠਕ ਮੌਕੇ ਕਹੀਆਂ।ਉਧਰ ਲਫਥਾਂਸਾ ਗਰੁੱਪ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਕਾਸਰਟਨ ਸਪੋਰ ਨੇ ਕਿਹਾ ਕਿ ਭਾਰਤੀ ਕੌਮਾਂਤਰੀ ਯਾਤਰੀ ਬਾਜ਼ਾਰ ਵਿੱਚਵੱਡਾ ਵਾਧਾ ਖਾੜੀ ਖੇਤਰ ਦੀ ਏਅਰਲਾਈਨਜ਼ ਕਾਰਨ ਰਿਹਾ ਹੈ ਅਤੇ ਉਨ੍ਹਾਂ ਦਾ ਗਰੁੱਪ ਏਅਰ ਇੰਡੀਆ ਨੂੰ ਆਪਣੀ ਬਾਜ਼ਾਰ ਦਾਹਿੱਸਾ ਮੁੜ ਹਾਸਲ ਕਰਨ ਲਈ ਇੱਕ ਮਜ਼ਬੂਤ ਯੂਨਿਟ ਬਣਾਉਣ ਦੇ ਲੲ ਿਭਾਰਤ ਸਰਕਾਰ ਦੇ ਵਿਚਾਰ ਦੀ ਸ਼ਲਾਘਾ ਕਰਦਾ ਹੈ। ਜਰਮਨੀ ਦਾ ਲਫਥਾਂਸਾ ਗਰੁੱਪ, ਸਵਿਸ ਅਤੇ ਆਸਟ੍ਰੇਲੀਅਨ ਏਅਰਲਾਈਨਜ਼ ਸਮੇਤ ਵੱਖ-ਵੱਖ ਯੂਰਪੀ ਏਅਰਲਾਈਨਾਂ ਬ੍ਰਾਂਡ ਚਲਾਉਂਦਾ ਹੈ।