ਕੇਨਬਰਾ, 24 ਮਈ (ਪੋਸਟ ਬਿਊਰੋ)- ਐਂਥਨੀ ਅਲਬਾਨੀਸ ਨੇ ਕੱਲ੍ਹ ਆਸਟ੍ਰਲੀਆ ਦੇ ਨਵੇਂ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ, ਜਿਸ ਤੋਂ ਬਾਅਦ ਉਹ ਜਾਪਾਨ ਦੀ ਰਾਜਧਾਨੀ ਟੋਕੀਓ ਵਿੱਚ ਹੋਣ ਵਾਲੇ ਕਵਾਡ ਸ਼ਿਖਰ ਸੰਮੇਲਨ ਲਈ ਰਵਾਨਾ ਹੋ ਗਏ।ਉਂਜ ਆਸਟ੍ਰੇਲੀਆ ਵਿੱਚ ਅਜੇ ਵੋਟਾਂ ਦੀ ਗਿਣਤੀ ਜਾਰੀ ਹੈ, ਜਿਸ ਤੋਂਸਾਫ ਹੋਵੇਗਾ ਕਿ ਅਲਬਾਨੀਸ ਜਲਵਾਯੂ ਤਬਦੀਲੀ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੇ ਸੱਦਾ ਵਾਲੀਪਾਰਲੀਮੈਂਟ ਵਿੱਚ ਪੂਰਨ ਬਹੁਮਤ ਲੈ ਸਕਣਗੇ ਜਾਂ ਨਹੀਂ।
ਅਲਬਾਨੀਸ ਦੀ ਲੇਬਰ ਪਾਰਟੀ ਨੇ ਐਤਵਾਰ ਹੋਈਆਂ ਚੋਣਾਂ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਦੀ ਅਗਵਾਈ ਵਾਲੇ ਕੰਜਰਵੇਟਿਵ ਗਠਜੋੜ ਨੂੰ ਸੱਤਾ ਤੋਂ ਬਾਹਰ ਕਰ ਦਿੱਤਾ ਹੈ। ਇਸ ਗਠਜੋੜ ਦੇ ਤਹਿਤ ਪਿਛਲੇ 9 ਸਾਲ ਤੋਂ ਤਿੰਨ ਪ੍ਰਧਾਨ ਮੰਤਰੀ ਸੱਤਾ ਵਿੱਚ ਰਹੇ।ਸਹੁੰ ਚੁੱਕਣ ਲਈ ਰਾਜਧਾਨੀ ਕੇਨਬਰਾ ਰਵਾਨਾ ਹੋਣ ਤੋਂ ਪਹਿਲਾਂ ਅਲਬਾਨੀਸ ਨੇ ਆਪਣੇ ਗ੍ਰਹਿਨਗਰ ਸਿਡਨੀ ਵਿੱਚ ਕਿਹਾ ਕਿ ਮੈਂ ਇਹੋ ਜਿਹੀ ਸਰਕਾਰ ਦੀ ਅਗਵਾਈ ਕਰਨਾ ਚਾਹੁੰਦਾ ਹਾਂ, ਜਿਸ ਵਿੱਚ ਆਸ਼ਾਵਾਦ ਅਤੇ ਉਮੀਦ ਦੀ ਉਹੀ ਭਾਵਨਾ ਹੋਵੇ, ਜੋ ਆਸਟ੍ਰੇਲੀਆਈ ਲੋਕਾਂ ਨੂੰ ਪਰਿਭਾਸ਼ਤ ਕਰਦੀ ਹੈ।