ਟੋਕੀਓ, 23 ਮਈ (ਪੋਸਟ ਬਿਊਰੋ)- ਜਾਪਾਨ ਦਾ ਕਿਓਟੋ ਸ਼ਹਿਰ ਆਪਣੇ ਚੈਰੀ ਬਲਾਸਮ ਲਈ ਮਸ਼ਹੂਰ ਹੈ। ਹਰ ਸਾਲ ਅਪ੍ਰੈਲ ਅਤੇ ਮਈ ਦੇ ਵਿੱਚ ਰੁੱਖਾਂ ਉੱਤੇ ਫੁੱਲ ਖਿੜਨ ਲੱਗਦੇ ਹਨ, ਜੋ ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਆਕਰਸ਼ਤ ਕਰਦੇ ਹਨ, ਪਰ ਜਲਵਾਯੂ ਪਰਿਵਰਤਨ ਦਾ ਅਸਰ ਇਨ੍ਹਾਂ ਉੱਤੇ ਵੀ ਪੈਣ ਲੱਗਾ ਹੈ। ਇੱਥੇ ਅੱਜਕੱਲ੍ਹ ਬਸੰਤ ਸਮੇਂ ਤੋਂ ਪਹਿਲਾਂ ਹੋ ਰਹੀ ਹੈ। ਆਈ ਓ ਪੀ ਜਰਨਲ ਇਨਵਾਇਰਮੈਂਟ ਰਿਸਰਚ ਲੈਟਰਸ ਵਿੱਚ ਛਪੀ ਖੋਜ ਮੁਤਾਬਕ ਕਿਓਟੋ ਦੇ ਚੈਰੀ ਬਲਾਸਮ ਜਲਵਾਯੂ ਪਰਿਵਰਤਨ ਦੇ ਅਸਰ ਹੇਠ ਮਿਥੇ ਸਮੇਂ ਤੋਂ 11 ਦਿਨ ਪਹਿਲਾਂ ਖਿੜ ਰਹੇ ਹਨ।
ਪੇਪਰ ਦੇ ਮੁੱਖ ਲੇਖਕ ਅਤੇ ਪ੍ਰਮੁੱਖ ਜਲਵਾਯੂ ਵਿਗਿਆਨੀ ਨੇ ਦੱਸਿਆ ਹੈ ਕਿਨਾ ਕੇਵਲ ਮਨੁੱਖ ਨੇਜਲ-ਵਾਯੂ ਪਰਿਵਰਤਨਨੂੰ, ਸਗੋਂ ਅਰਬਨ ਵਾਰਮਿੰਗ ਨੇ ਵੀ ਕਿਓਟੋ ਦੇ ਚੈਰੀ ਬਲਾਸਮ ਦੇ ਫੁੱਲ ਖਿੜਨ ਦੀਆਂ ਤਰੀਕਾਂ ਨੂੰ ਪ੍ਰਭਾਵਤ ਕੀਤਾ ਹੈ। ਫੁੱਲਾਂ ਦਾ ਜਲਦੀ ਖਿੜਨਾ, ਜਿਵੇਂ 2021 ਵਿੱਚ ਸੀ, ਸਦੀ ਵਿੱਚ ਇੱਕ ਵਾਰ ਹੁੰਦਾ ਹੈ ਅਤੇ ਪਿਛਲੇ ਸਾਲ ਚੈਰੀ ਬਲਾਸਮ 26 ਮਾਰਚ ਨੂੰ ਖਿੜੇ ਸਨ, ਜੋ ਪਿਛਲੇ 1000 ਸਾਲਾਂ ਵਿੱਚ ਪਹਿਲੀ ਵਾਰ ਹੋਇਆ ਸੀ। ਇਸ ਸਾਲ ਇੱਕ ਅਪ੍ਰੈਲ ਤਕ ਫੁੱਲ ਪੂਰੀ ਤਰ੍ਹਾਂ ਖਿੜ ਗਏ। ਮਾਹਰ ਕਹਿੰਦੇ ਹਨ ਕਿ ਬਸੰਤ ਦਾ ਸੰਕੇਤ ਦੇਣ ਵਾਲੇ ਫੁੱਲਾਂ ਦੇ ਪਿੱਛੇ ਠੋਸ ਵਿਗਿਆਨ ਹੈ। ਚੈਰੀ ਬਲਾਸਮ ਤਦ ਤਕ ਨਹੀਂ ਖਿੜਦੇ, ਜਦ ਤਕ ਤਾਪਮਾਨ ਲਗਾਤਾਰ ਕਈ ਦਿਨ ਇਸ ਦੇ ਖਿੜਨ ਦੇ ਲਈ ਲੋੜੀਂਦਾ ਗਰਮ ਨਾ ਹੋਵੇ। ਆਮ ਤੌਰ ਉੱਤੇ ਕਿਓਟੋ ਵਿੱਚ ਇਹ ਤਾਪਮਾਨ ਮਾਰਚ ਦੇ ਸ਼ੁਰੂ ਹੁੰਦਾ ਹੈ, ਜਦ ਤਾਪਮਾਨ ਕਰੀਬ 9-10 ਡਿਗਰੀ ਸੈਲਸੀਅਸ ਤਕ ਪਹੁੰਚ ਜਾਂਦਾ ਹੈ। ਮਨੁੱਖੀ ਪ੍ਰਭਾਵ ਦੇ ਬਿਨਾਂ ਇਹ ਪੰਜ-ਛੇ ਡਿਗਰੀ ਤਕ ਹੋਵੇਗਾ। ਖੋਜ ਤੋਂ ਪਤਾ ਲੱਗਾ ਕਿ ਜਲਵਾਯੂ ਪਰਿਵਰਤਨ ਦੇ ਕਾਰਨ ਚੈਰੀ ਬਲਾਸਮ ਦੀ ਸ਼ੁਰੂਆਤ ਵਿੱਚ ਕਰੀਬ ਛੇ ਦਿਨਾਂ ਦਾ ਫਰਕ ਪਿਆ, ਪ੍ਰੰਤੂ ਅਜਿਹਾ ਨਹੀਂ ਹੈ ਕਿ ਇਸ ਦਾ ਕਾਰਨ ਸਿਰਫ ਮਨੁੱਖ ਹੋਣ, ਸ਼ਹਿਰਾਂ ਦੇ ਉਦਯੋਗੀਕਰਨ ਨਾਲ ਵੀ ਗਰਮ ਹੁੰਦੇ ਹਨ।