ਵਾਸਿ਼ੰਗਟਨ, 13 ਮਈ (ਪੋਸਟ ਬਿਊਰੋ)- ਅਮਰੀਕੀ ਸੰਵਿਧਾਨ ਵਿੱਚ ਦਿੱਤਾ ਬੰਦੂਕ ਰੱਖਣ ਦਾ ਅਧਿਕਾਰ ਦੇਸ਼ ਦੇ ਲਈ ਪ੍ਰੇਸ਼ਾਨੀ ਦਾ ਸਬੱਬ ਬਣ ਗਿਆ ਹੈ। ਇੱਥੇ ਆਏ ਦਿਨ ਕਤਲ ਦੇ ਕੇਸ ਵਾਪਰਦੇ ਰਹਿੰਦੇ ਹਨ।
ਪਿਛਲੇ ਕੁਝ ਸਾਲਾਂ ਵਿੱਚ ਨਸਲੀ ਹਿੰਸਾ ਵਧਣ ਦੇ ਵਧਣ ਤੋਂ ਗੱਲ-ਗੱਲ ਉਤੇ ਗੋਲੀ ਮਾਰ ਦੇਣ ਦੀਆਂ ਘਟਨਾਵਾਂ ਹੋਣ ਲੱਗੀਆਂ ਹਨ, ਰੋਗ ਕੰਟਰੋਲ ਅਤੇ ਰੋਕਥਾਮ ਕੇਂਦਰ ਨੇ ਬੀਤੇ ਦਿਨੀਂ ਰਿਪੋਰਟ ਜਾਰੀ ਕੀਤੀ ,ਜਿਸ ਵਿੱਚ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਸ ਦੇ ਬਾਅਦ ਤੋਂ ਕਈ ਅਮਰੀਕੀ ਸੂਬਿਆਂ ਦੀਆਂ ਸਰਕਾਰਾਂ ਪ੍ਰੇਸ਼ਾਨੀ ਵਿੱਚ ਹਨ।
ਰਿਪੋਰਟ ਮੁਤਾਬਕ ਕੋਵਿਡ ਦੇ ਦੌਰ ਵਿੱਚ ਗੋਲੀ ਮਾਰ ਕੇ ਕਤਲ ਦੇ ਕੇਸਾਂ ਵਿੱਚ 35 ਫੀਸਦੀ ਵਾਧਾ ਹੋਇਆ ਹੈ। ਇਸ ਨੂੰ ਇਤਿਹਾਸਕ ਵਾਧਾ ਦੱਸਿਆ ਜਾ ਰਿਹਾ ਹੈ ਕਿਉਂਕਿ ਪਿਛਲੇ 25 ਸਾਲਾਂ ਵਿੱਚ ਸਭ ਤੋਂ ਵੱਧ ਕਤਲ 2020 ਵਿੱਚ ਹੋਏ ਹਨ। ਸੀ ਡੀ ਸੀ ਦੇ ਕਾਰਜਕਾਰੀ ਮੁੱਖ ਡਿਪਟੀ ਡਾਇਰੈਕਟਰ ਅਤੇ ਨੈਸ਼ਨਲ ਸੈਂਟਰ ਫਾਰ ਇੰਜਰੀ ਪ੍ਰੀਵੈਂਸ਼ਨ ਐਂਡ ਕੰਟਰੋਲ ਦੇ ਡਾਇਰੈਕਟਰ ਨੇ ਦੱਸਿਆ ਕਿ ਕੋਰੋਨਾ ਸਮੇਂ ਬੰਦੂਕ ਨਾਲ ਸਬੰਧਤ ਘਟਨਾਵਾਂ ਵਿੱਚ 45000 ਤੋਂ ਵੱਧ ਲੋਕਾਂ ਦੀ ਮੌਤ ਹੋਈ ਹੈ। ਇਹ 1994 ਦੇ ਬਾਅਦ ਤੋਂ ਗੋਲੀ ਮਾਰ ਕੇ ਕਤਲ ਦੇ ਮਾਮਲੇ ਦੀ ਦਰ ਸਭ ਤੋਂ ਵੱਧ ਦਰਜ ਕੀਤੀ ਗਈ ਸੀ। ਪਾਕੇਟ ਪੋਰਟੇਬਲ ਗੰਨ ਨਾਲ ਹੋਣ ਵਾਲੇ ਕਤਲ ਵੱਧ ਹਨ। ਗਰੀਬ ਫਿਰਕੇ ਵਿੱਚ ਸਭ ਤੋਂ ਵੱਧ ਕਤਲ ਹੋਏ ਹਨ। ਦੇਖਿਆ ਗਿਆ ਹੈ ਕਿ ਵਿਸ਼ੇਸ਼ ਰੂਪ `ਚ ਜਵਾਨ ਗੈਰ-ਗੋਰੇ ਮਰਦ ਗੰਨ ਅਪਰਾਧਕਾਂ ਵਿੱਚ ਵਰਤਦੇ ਹਨ। ਅਮਰੀਕਾ ਵਿੱਚ ਗੈਰ-ਗੋਰੀਆਂ ਔਰਤਾਂ ਦੀਆਂ ਮੌਤਾਂ ਵਿੱਚ ਵੀ ਵਾਧਾ ਹੋਇਆ ਹੈ। ਅੰਕੜਿਆਂ ਅਨੁਸਾਰ ਬੰਦੂਕ ਨਾਲ ਹੋਣ ਵਾਲੀਆਂ ਮੌਤਾਂ ਵਿੱਚ ਅੱਧੇ ਤੋਂ ਵੱਧ ਮਾਮਲੇ ਆਤਮਹੱਤਿਆਵਾਂ ਦੇ ਦਰਜ ਕੀਤੇ ਗਏ ਸਨ।