ਜ਼ੀਰਾ, 23 ਜਨਵਰੀ (ਪੋਸਟ ਬਿਊਰੋ)- ਸਥਾਨਕ ਕੱਚਾ ਗਾਦੜੀਵਾਲਾ ਰੋਡ ਉੱਤੇ ਇੱਕ ਕਾਲੋਨੀ ਦੇ ਘਰ ਵਿੱਚ ਵੜ ਕੇ ਪੰਜ ਹਥਿਆਬੰਦ ਲੁਟੇਰਿਆਂ ਨੇ 12 ਲੱਖ ਰੁਪਏ ਅਤੇ 25 ਤੋਲੇ ਸੋਨਾ ਲੁੱਟ ਲਿਆ ਹੈ।
ਪੀੜਤ ਸੁਰੇਸ਼ ਕੁਮਾਰ ਪੁੱਤਰ ਰੁਲਦੂ ਰਾਮ ਨੇ ਦੱਸਿਆ ਕਿ ਕੱਲ੍ਹ ਸਵੇਰੇ ਕਰੀਬ 7.30 ਵਜੇ ਪੰਜ ਹਥਿਆਰਬੰਦ ਲੁਟੇਰੇ ਜ਼ਬਰਦਸਤੀ ਉਨ੍ਹਾਂ ਦੇ ਘਰ ਅੰਦਰ ਵੜ ਆਏ ਤੇ ਪਰਵਾਰ ਦੇ ਮੈਂਬਰਾਂ ਨੂੰ ਪਿਸਤੌਲ ਨਾਲ ਡਰਾ ਕੇ ਇੱਕ ਥਾਂ ਉੱਤੇ ਬਿਠਾ ਦਿੱਤਾ। ਫਿਰ ਅੰਦਰ ਪਏ ਸਾਮਾਨ ਦੀ ਫੋਲਾ-ਫਾਲੀ ਕਰਨ ਲੱਗ ਪਏ ਅਤੇ ਅਲਮਾਰੀ ਵਿੱਚੋਂ 12 ਲੱਖ ਰੁਪਏ ਤੇ 25 ਤੋਲੇ ਸੋਨਾ ਲੁੱਟ ਕੇ ਫ਼ਰਾਰ ਹੋ ਗਏ। ਉਹ ਘਰ ਵਿੱਚ ਲੱਗੇ ਸੀ ਸੀ ਟੀ ਵੀ ਕੈਮਰਿਆਂ ਦਾ ਡੀ ਵੀ ਆਰ (ਰਿਕਾਰਡਰ) ਨਾਲ ਲੈ ਗਏ ਹਨ। ਘਟਨਾ ਦਾ ਪਤਾ ਲੱਗਣ ਉੱਤੇਪੁੱਜੀ ਪੁਲਸ ਨੇ ਘਟਨਾ ਦਾ ਜਾਇਜ਼ਾ ਲਿਆ।