ਨਵੀਂ ਦਿੱਲੀ, 22 ਦਸੰਬਰ, (ਪੋਸਟ ਬਿਊਰੋ)- ਭਾਰਤੀ ਹਾਕੀ ਟੀਮ ਨੇ ਅੱਜ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਏਸ਼ੀਅਨ ਚੈਂਪੀਅਨਸ ਟਰਾਫੀ ਦੇ ਕਾਂਸੀ ਤਮਗੇ ਲਈ ਮੈਚ ਵਿੱਚ ਪਾਕਿਸਤਾਨ ਨੂੰ 4-3 ਨਾਲ ਹਰਾ ਦਿੱਤਾ ਹੈ।
ਅੱਜ ਢਾਕਾ ਵਿੱਚ ਖੇਡੇ ਗਏ ਏਸ਼ੀਅਨ ਚੈਂਪੀਅਨਸ ਟਰਾਫੀਮੈਚ ਵਿੱਚ ਅੱਧੇ ਤੱਕ ਦੋਵਾਂ ਹੀ ਟੀਮਾਂ ਦਾ ਸਕੋਰ 1-1 ਨਾਲ ਬਰਾਬਰੀ ਉੱਤੇ ਸੀ, ਪਰ ਆਖਰੀ ਦੋ ਕੁਆਰਟਰਾਂ ਵਿੱਚ ਦੋਵਾਂ ਧਿਰਾਂ ਦੇ ਖਿਡਾਰੀਆਂ ਨੇ ਹਮਲਾਵਰ ਖੇਡ ਦਿਖਾਈ। ਇਸ ਦੌਰਾਨ ਭਾਰਤ ਲਈ ਮਨਪ੍ਰੀਤ ਸਿੰਘ, ਸੁਮਿਤ, ਵਰੁਣ ਕੁਮਾਰ ਅਤੇ ਅਕਾਸ਼ਦੀਪ ਸਿੰਘ ਨੇ ਅਤੇ ਪਾਕਿਸਤਾਨ ਲਈ ਅਬਦੁਲ ਰਾਣਾ, ਅਫਰਾਜ ਅਤੇ ਅਹਿਮਦ ਨਦੀਮ ਨੇ ਗੋਲ ਕੀਤੇ।
ਇਸ ਤੋਂ ਪਹਿਲਾਂ ਭਾਰਤ ਨੇ ਹਮਲਾਵਰ ਸ਼ੁਰੂਆਤ ਕੀਤੀ ਤੇ ਇੱਕ ਮਿੰਟ ਵਿੱਚ 3 ਪੈਨਲਟੀ ਕਾਰਨਰ ਹਾਸਲ ਕੀਤੇ ਸਨ। ਮਨਪ੍ਰੀਤ ਸਿੰਘ ਨੇ ਮੈਚ ਦੇ ਦੂਸਰੇ ਮਿੰਟ ਵਿੱਚ ਹੀ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚਸੁੱਟ ਕੇ ਭਾਰਤ ਨੂੰ ਬੜ੍ਹਤ ਦਿਵਾ ਦਿੱਤੀ, ਪਰ ਪਾਕਿਸਤਾਨ ਵੱਲੋਂਅਫਰਾਜ਼ ਨੇ ਪਹਿਲੇ ਕੁਆਰਟਰ ਦੀ ਸਮਾਪਤੀ ਤੋਂ ਪਹਿਲਾਂ ਗੋਲ ਕਰਕੇ ਸਕੋਰ 1-1 ਨਾਲ ਬਰਾਬਰ ਕਰ ਦਿੱਤਾ।ਦੂਸਰੇ ਕੁਆਰਟਰ ਵਿੱਚ ਕੋਈ ਗੋਲ ਨਹੀਂ ਹੋਇਆ ਅਤੇ ਸਕੋਰ 1-1 ਨਾਲ ਬਰਾਬਰ ਰਿਹਾ। ਤੀਸਰੇ ਕੁਆਰਟਰ ਵਿੱਚਪਾਕਿਸਤਾਨ ਨੂੰ ਪੈਨਲਟੀ ਕਾਰਨਰ ਮਿਲਿਆ ਤਾਂ ਅਬਦੁਲ ਰਾਣਾ ਨੇ ਇਸ ਤੋਂ ਗੋਲ ਕਰਨਵਿੱਚ ਗਲਤੀ ਨਹੀਂ ਕੀਤੀਅਤੇ ਸਕੋਰ ਪਾਕਿਸਤਾਨ ਦੇ ਹੱਕ ਵਿੱਚ 2-1 ਹੋ ਗਿਆ। ਸੁਮਿਤ ਨੇ ਤੀਸਰਾ ਕੁਆਰਟਰ ਮੁੱਕਣ ਤੋਂ ਪਹਿਲਾਂ ਭਾਰਤ ਨੂੰ ਬਰਾਬਰੀ ਉੱਤੇ ਲੈ ਲਿਆਤੇ ਚੌਥੇ ਕੁਆਰਟਰ ਵਿੱਚ ਜਦੋਂ ਪਾਕਿਸਤਾਨ ਦਾ ਜੁਨੈਦ 2 ਮਿੰਟ ਆਊਟ ਹੋਇਆ ਤਾਂ ਭਾਰਤ ਨੂੰ ਪੈਨਲਟੀ ਕਾਰਨਰ ਮਿਲਿਆ, ਪਰ ਗੋਲ ਨਹੀਂ ਹੋ ਸਕਿਆ। ਫਿਰ ਵਰੁਣ ਕੁਮਾਰ ਨੇ ਪੈਨਲਟੀ ਕਾਰਨਰਤੋਂਗੋਲ ਕੀਤਾ ਤਾਂ ਸਕੋਰ 3-2 ਹੋ ਗਿਆ।ਫਿਰ ਅਕਾਸ਼ਦੀਪ ਸਿੰਘ ਦੇ ਗੋਲ ਨਾਲ ਭਾਰਤ ਨੇ ਸਕੋਰ 4-2 ਕਰ ਦਿੱਤਾ। ਅਹਿਮਦ ਨਦੀਮ ਨੇ ਪਾਕਿ ਟੀਮ ਦਾ ਤੀਜਾ ਗੋਲ ਕੀਤਾ, ਪਰ ਭਾਰਤ ਨੇ ਆਖਰ 4-3 ਨਾਲ ਕਾਂਸੀ ਦਾ ਤਗਮਾ ਜਿੱਤ ਲਿਆ।