ਸਾਲ 1984 ਵਿੱਚ ਕ੍ਰਿਕਟ ਵਰਲਡ ਕੱਪ ਵਿੱਚ ਭਾਰਤ ਦੀ ਇਤਿਹਾਸਕ ਜਿੱਤ ਨੂੰ ਦਿਖਾਉਣ ਵਾਲੀ ਫਿਲਮ ‘83’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਫਿਲਮ ਵਿੱਚ ਰਣਵੀਰ ਸਿੰਘ ਕਪਿਲ ਦੇਵ ਦੀ ਭੂਮਿਕਾ ਵਿੱਚ ਹਨ। ਦੀਪਿਕਾ ਪਾਦੁਕੋਣ, ਪੰਕਜ ਤਿ੍ਰਪਾਠੀ, ਤਾਹਿਰ ਰਾਜ ਭਸੀਨ, ਸਾਕਿਲ ਸਲੀਮ ਸਮੇਤ ਕਈ ਕਲਾਕਾਰ ਵੀ ਹਨ। ਓਦੋਂ ਦੇ ਵਿਕਟ ਕੀਪਰ ਸੈਯਦ ਕਿਰਮਾਨੀ ਦਾ ਕਿਰਦਾਰ ਕਰਨ ਵਾਲੇ ਅਭਿਨੇਤਾ ਸਾਹਿਲ ਖੱਟਰ ਇਸ ਰਾਹੀਂ ਵੱਡੇ ਪਰਦੇ ਉੱਤੇ ਡੈਬਿਊ ਕਰ ਰਹੇ ਹਨ।
ਇਸ ਬਾਰੇ ਸਾਹਿਲ ਖੱਟਰ ਦਾ ਕਹਿਣਾ ਹੈ, ‘‘ਮੈਨੂੰ ਲੱਗਦਾ ਸੀ ਕਿ ਮੇਰਾ ਗੰਜਾ ਹੋਣਾ ਮੇਰੇ ਕਰੀਅਰ ਲਈ ਦਿੱਕਤ ਨਾ ਬਣ ਜਾਏ, ਪ੍ਰੰਤੂ ਉਹ ਮੇਰੀ ਤਾਕਤ ਸਾਬਿਤ ਹੋਇਆ। ਮੈਨੂੰ ਲੀਜੈਂਡ ਵਿਕੇਟ ਕੀਪਰ ਸੈਯਦ ਕਿਰਮਾਨੀ ਦਾ ਕਿਰਦਾਰ ਨਿਭਾਉਣ ਦਾ ਮੌਕਾ ਮਿਲਿਆ। ਇਸ ਫਿਲਮ ਨਾਲ ਜੁੜਿਆ ਹਰ ਪਲ ਰੋਮਾਂਚਕ ਸੀ। ਲੰਡਨ ਦੇ ਲਾਰਡਸ ਸਟੇਡੀਅਮ ਵਿੱਚ ਅਸੀਂ ਕ੍ਰਿਕਟ ਖੇਡੀ। ਫਿਲਮ ਵਿੱਚ ਅਸੀਂ ਅਸਲੀ ਟਰਾਫੀ ਚੁੱਕੀ, ਜੋ ਭਾਰਤੀ ਕ੍ਰਿਕਟ ਟੀਮ ਨੇ ਜਿੱਤੀ ਸੀ। ਰਣਵੀਰ ਸਿੰਘ ਮੇਰੇ ਵੱਡੇ ਭਰਾ ਵਾਂਗ ਬਣ ਗਏ ਹਾਂ। ਅਸੀਂ ਗੀਤਾਂ ਦੀ ਪੈਰੋਡੀ (ਇੱਕ ਗਾਣੇ ਵਿੱਚ ਕੋਈ ਦੂਸਰਾ ਗਾਣਾ ਜਾਂ ਧੁਨ ਮਿਲਾ ਦੇਣਾ) ਬਣਾਇਆ ਕਰਦੇ ਸੀ।” ਫਿਲਮ 24 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ।