ਬੀਜ਼ਿੰਗ, 15 ਸਤੰਬਰ (ਪੋਸਟ ਬਿਊਰੋ)- ਜੋ ਚੀਨੀ ਮਾਪੇ ਚਾਹੁੰਦੇ ਹਨ ਕਿ ਉਨ੍ਹਾਂ ਦੇ ਬੱਚੇ ਸੁਪਰ ਕਿਡ ਬਣਨ ਅਤੇ ਹਰ ਖੇਤਰ ਵਿੱਚ ਸਫਲ ਹੋਣ, ਉਹ ਦੇਸ਼ ਵਿੱਚ ‘ਚਿਕਨ ਪੇਰੈਂਟਿੰਗ' ਦੀ ਮਾਨਤਾ ਦਾ ਰਾਗ ਗਾ ਰਹੇ ਹਨ।
ਮਾਪੇ ਪਾਗਲਪਣ ਵਿੱਚ ਆਪਣੇ ਬੱਚਿਆਂ ਨੂੰ ‘ਚਿਕਨ ਬਲਡ ਇੰਜੈਕਸ਼ਨ’ ਲਵਾ ਰਹੇ ਹਨ। ਉਹ ਇਸ ਇੰਜੈਕਸ਼ਨ ਨੂੰ ਬੱਚਿਆਂ ਵਿੱਚ ਬਾਂਝਪਨ, ਕੈਂਸਰ ਅਤੇ ਗੰਜਾਪਨ ਸਹਿਤ ਕਈ ਸਿਹਤ ਸਮੱਸਿਆਵਾਂ ਦਾ ਰਾਮਬਾਣ ਇਲਾਜ ਮੰਨਦੇ ਹਨ। ਸਿੰਗਾਪੁਰ ਪੋਸਟ ਦੀ ਰਿਪੋਰਟ ਅਨੁਸਾਰ ਚਿਕਨ ਬਲਡ ਸਟੀਰਾਏਡ ਸਰੀਰਕ ਐਨਰਜੀ ਵਧਾਉਂਦਾ ਹੈ ਅਤੇ ਬੱਚਿਆਂ ਨੂੰ ਸਿੱਖਿਆ ਦੇ ਨਾਲ-ਨਾਲ ਖੇਡਾਂ ਵਿੱਚ ਵੱਡੇ ਪੈਮਾਨੇ ਉੱਤੇ ਚੰਗਾ ਪ੍ਰਦਰਸ਼ਨ ਕਰਨ ਵਿੱਚ ਮਦਦ ਕਰਦਾ ਹੈ।ਰਿਪੋਰਟ ਵਿੱਚ ਇਥੇ ਵੀ ਕਿਹਾ ਗਿਆ ਹੈ ਕਿ ‘ਚਿਕਨ ਬੇਬੀ’ ਦੀ ਇਹ ਮਾਨਤਾ ਦੇਸ਼ ਵਿੱਚ ਕਾਫੀ ਲੋਕਪ੍ਰਿਯ ਹੋ ਗਈ ਹੈ, ਖਾਸ ਕਰ ਕੇ ਬੀਜ਼ਿੰਗ, ਸੰਘਾਈ ਅਤੇ ਗਵਾਂਗਝੂ ਵਰਗੇ ਸ਼ਹਿਰਾਂ ਵਿੱਚ, ਜਿੱਥੇ ਕਈ ਜਨੂਨੀ ਮਧਿਅਮ ਵਰਗ ਚੀਨੀ ਮਾਪੇ ਹਨ। ਚਿਕਨ ਪਾਲਣ-ਪੋਸ਼ਣ ਸ਼ੈਲੀ ਅਮਰੀਕਾ ਵਿੱਚ ਪਾਈ ਜਾਣ ਵਾਲੀ ‘ਹੈਲੀਕਾਪਟਰ ਪੇਰੈਂਟਿੰਗ’ ਦੇ ਬਰਾਬਰ ਹੈ।