ਪ੍ਰੈਸਕਟ, ਓਨਟਾਰੀਓ, 2 ਸਤੰਬਰ (ਪੋਸਟ ਬਿਊਰੋ) : ਪ੍ਰੈਸਕਟ, ਓਨਟਾਰੀਓ ਵਿੱਚ ਦੋ ਮਾਲ ਗੱਡੀਆਂ ਆਪਸ ਵਿੱਚ ਟਕਰਾਉਣ ਤੋਂ ਬਾਅਦ ਲੀਹ ਤੋਂ ਉਤਰ ਗਈਆਂ।
ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਦੱਸਿਆ ਕਿ ਓਟਵਾ ਤੋਂ 95 ਕਿਲੋਮੀਟਰ ਦੂਰ ਦੱਖਣ ਵੱਲ ਸਥਿਤ ਟਾਊਨ ਵਿੱਚ ਐਡਵਰਡ ਸਟਰੀਟ ਨੇੜੇ ਟਰੇਨ ਟਰੈਕਸ ਉੱਤੇ ਵਾਪਰੀ ਇਸ ਘਟਨਾ ਦਾ ਪਤਾ ਲੱਗਣ ਤੋਂ ਤੁਰੰਤ ਬਾਅਦ ਐਮਰਜੰਸੀ ਅਮਲਾ ਮੌਕੇ ਉੱਤੇ ਪਹੁੰਚਿਆ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਇੰਜਣ ਤੇ ਕਈ ਰੇਲ ਕਾਰਜ਼ ਲੀਹ ਤੋਂ ਲੱਥ ਗਈਆਂ। ਇਹ ਵੀ ਪਤਾ ਲੱਗਿਆ ਹੈ ਕਿ ਘੱਟੋ ਘੱਟ ਨੌਂ ਕਾਰਾਂ ਟਰੈਕ ਤੋਂ ਉਤਰ ਗਈਆਂ।
ਓਪੀਪੀ ਨੇ ਦੱਸਿਆ ਕਿ ਇੱਕ ਵਿਅਕਤੀ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਪਰ ਮੌਕੇ ਉੱਤੇ ਹੀ ਉਸ ਦਾ ਇਲਾਜ ਕਰ ਦਿੱਤਾ ਗਿਆ।ਇੱਕ ਵਿਅਕਤੀ ਨੇ ਟਵਿੱਟਰ ਉੱਤੇ ਆਖਿਆ ਕਿ ਜਦੋਂ ਹਾਦਸਾ ਹੋਇਆ ਤਾਂ ਇੰਜ ਲੱਗਿਆ ਜਿਵੇਂ ਭੂਚਾਲ ਆ ਗਿਆ ਹੋਵੇ। ਇੱਕ ਹੋਰ ਵਿਅਕਤੀ ਨੇ ਆਖਿਆ ਕਿ ਹਾਦਸੇ ਸਮੇਂ ਬਹੁਤ ਹੀ ਉੱਚੀ ਆਵਾਜ਼ ਆਈ।