ਕੈਮਰੂਨ, ਟੈਕਸਸ, 23 ਫਰਵਰੀ (ਪੋਸਟ ਬਿਊਰੋ) : ਸੈਂਟਰਲ ਟੈਕਸਸ ਵਿੱਚ ਇੱਕ ਟਰੈਕਟਰ ਟਰੇਲਰ ਤੇ ਮਾਲ ਗੱਡੀ ਦੀ ਟੱਕਰ ਕਾਰਨ ਜ਼ਬਰਦਸਤ ਧਮਾਕਾ ਹੋਇਆ ਤੇ ਅੱਗ ਲੱਗ ਗਈ। ਇਹ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ।
ਡੱਲਾਸ ਤੋਂ 130 ਮੀਲ ਦੱਖਣ ਵੱਲ ਕੈਮਰੂਨ ਵਿੱਚ ਹੋਏ ਇਸ ਹਾਦਸੇ ਵਿੱਚ ਅਜੇ ਤੱਕ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਕੋਈ ਖਬਰ ਨਹੀਂ ਹੈ। ਅਧਿਕਾਰੀਆਂ ਨੇ ਆਖਿਆ ਕਿ ਅੱਗ ਲੱਗਣ ਕਾਰਨ ਇਸ ਇਲਾਕੇ ਦੇ ਕਈ ਘਰਾਂ ਨੂੰ ਫੌਰੀ ਖਾਲੀ ਕਰਵਾ ਲਿਆ ਗਿਆ।ਮਿਲਮ ਕਾਊਂਟੀ ਜੱਜ ਸਟੀਵ ਯੰਗ ਨੇ ਦੱਸਿਆ ਕਿ ਟਰੱਕ ਜ਼ੋਰ ਨਾਲ ਗੱਡੀ ਨਾਲ ਜਾ ਟਕਰਾਇਆ, ਜਿਸ ਕਾਰਨ 14 ਬੋਗੀਆਂ ਲੀਹ ਤੋਂ ਲਹਿ ਗਈਆਂ।
ਮਿਲਮ ਕਾਊਂਟੀ ਸ਼ੈਰਿਫ ਕ੍ਰਿਸ ਵਾੲ੍ਹੀਟ ਨੇ ਆਖਿਆ ਕਿ ਗੱਡੀ ਵਿੱਚ ਕੋਇਲਾ ਤੇ ਗੈਸੋਲੀਨ ਲਿਜਾਈ ਜਾ ਰਹੀ ਸੀ, ਜਿਸ ਕਾਰਨ ਅੱਗ ਲੱਗ ਗਈ। ਉਨ੍ਹਾਂ ਆਖਿਆ ਕਿ ਗੱਡੀ ਦੇ ਪਿਛਲੇ ਹਿੱਸੇ ਵਿੱਚ ਹੋਰ ਬਲਨਸ਼ੀਲ ਸਮੱਗਰੀ ਸੀ ਪਰ ਉਹ ਨਹੀਂ ਡੁੱਲ੍ਹੀ। ਵਾੲ੍ਹੀਟ ਨੇ ਆਖਿਆ ਕਿ ਹਾਲ ਦੀ ਘੜੀ ਹੋਰ ਕੋਈ ਖਤਰਾ ਨਹੀਂ ਹੈ।