ਪ੍ਰਭਾਸ ਅਤੇ ਸੈਫ ਅਲੀ ਖਾਨ ਦੀ ਐਪਿਕ ਡਰਾਮਾ ‘ਆਦਿਪੁਰਸ਼’ ਸ਼ੁਰੂ ਤੋਂ ਹੀ ਚਰਚਾ ਵਿੱਚ ਬਣੀ ਹੋਈ ਹੈ। ਓਮ ਰਾਉਤ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਇਹ ਫਿਲਮ ‘ਰਾਮਾਇਣ’ ਦੀ ਕਹਾਣੀ 'ਤੇ ਆਧਾਰਤ ਹੈ। ਪ੍ਰਭਾਸ ਜਿੱਥੇ ਪ੍ਰਭੂ ਰਾਮ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ, ਉਥੇ ਸੈਫ ਅਲੀ ਖਾਨ ਰਾਵਣ ਦੇ ਕਿਰਦਾਰ ਵਿੱਚ ਦਿਖਾਈ ਦੇਣਗੇ। ਇਸ ਕਿਰਦਾਰ ਦੇ ਲਈ ਸੈਫ ਬਿਲਕੁਲ ਅਲੱਗ ਅਵਤਾਰ ਵਿੱਚ ਦਿਖਾਈ ਦੇਣਗੇ। ਉਨ੍ਹਾਂ ਨੂੰ ਸਪੈਸ਼ਲ ਇਫੈਕਟਸ ਦੇ ਜ਼ਰੀਏ ਅੱਠ ਫੁੱਟ ਤੱਕ ਲੰਬੇ ਅਤੇ ਮਸਕੁਲਰ ਲੁਕ ਵਿੱਚ ਦਿਖਾਇਆ ਜਾਏਗਾ।
ਸੈਫ ਇਸ ਦੇ ਲਈ ਸੰਘਣੀਆਂ ਮੁੱਛਾਂ ਤੇ ਵੱਡੀਆਂ ਮੁੱਛਾਂ ਤੇ ਲੰਬੇ ਵਾਲਾਂ ਵਾਲਾ ਲੁਕ ਲੈਣਗੇ। ਇਸ ਫਿਲਮ ਨੂੰ ਟੀ-ਸੀਰੀਜ਼ ਦੇ ਕ੍ਰਿਸ਼ਨ ਕੁਮਾਰ ਅਤੇ ਓਮ ਰਾਉਤ, ਰੈਟਰੋਫਲਿਕਸ ਦੇ ਪ੍ਰਸਾਦ ਸੁਤਾਰ ਅਤੇ ਰਾਜੇਸ਼ ਨਾਇਰ ਪ੍ਰੋਡਿਊਸ ਕਰ ਰਹੇ ਹਨ। ਫਿਲਹਾਲ ਫਿਲਮ ਪ੍ਰੀ-ਪ੍ਰੋਡਕਸ਼ਨ ਸਟੇਜ ਵਿੱਚ ਹੈ। ਇਹ ਇੱਕ ਬਹੁ-ਭਾਸ਼ੀ ਥ੍ਰੀ ਡੀ ਫਿਲਮ ਹੈ, ਜੋ 11 ਅਗਸਤ 2022 ਨੂੰ ਰਿਲੀਜ਼ ਹੋਵੇਗੀ।