ਟੋਰਾਂਟੋ, 7 ਜੁਲਾਈ (ਪੋਸਟ ਬਿਊਰੋ) : ਕੋਵਿਡ-19 ਮਹਾਂਮਾਰੀ ਦੇ ਪਸਾਰ ਨੂੰ ਰੋਕਣ ਲਈ ਟੋਰਾਂਟੋ ਵਿੱਚ ਇੰਡੋਰ ਜਨਤਕ ਸੰਸਥਾਵਾਂ ੳੱੁਤੇ ਹੁਣ ਮਾਸਕ ਪਾਉਣਾ ਲਾਜ਼ਮੀ ਹੋ ਗਿਆ ਹੈ।

ਪਿਛਲੇ ਹਫਤੇ ਸਿਟੀ ਕਾਉਂਸਲ ਨੇ ਇੰਡੋਰ ਪਬਲਿਕ ਥਾਂਵਾਂ ਉੱਤੇ ਮਾਸਕਸ ਨੂੰ ਲਾਜ਼ਮੀ ਬਣਾਉਣ ਦੇ ਹੱਕ ਵਿੱਚ ਵੋਟ ਪਾਈ ਸੀ। ਦੋ ਸਾਲ ਤੋਂ ਘੱਟ ਉਮਰ ਦੇ ਅਤੇ ਸਿਹਤ ਸਬੰਧੀ ਦਿੱਕਤਾਂ ਵਾਲੇ ਲੋਕਾਂ ਨੂੰ ਮਾਸਕ ਪਾਉਣ ਤੋਂ ਛੋਟ ਦਿੱਤੀ ਜਾਵੇਗੀ। ਇਹ ਬਾਇਲਾਅ ਸਿਟੀ ਦੀ ਮੈਡੀਕਲ ਆਫੀਸਰ ਆਫ ਹੈਲਥ ਡਾ. ਐਲੀਨ ਡੇ ਵਿਲਾ ਦੀ ਸਿਫਾਰਿਸ਼ ਉੱਤੇ ਲਿਖਿਆ ਗਿਆ ਤੇ ਡੀ ਵਿਲਾ ਵੱਲੋਂ ਇਸ ਦਾ ਮਹੀਨਾਵਾਰੀ ਤੌਰ ਉੱਤੇ ਮੁਲਾਂਕਣ ਕੀਤਾ ਜਾਵੇਗਾ।

ਇਕ ਰਲੀਜ਼ ਵਿਚ ਸਿਟੀ ਨੇ ਆਖਿਆ ਕਿ ਆਰਜ਼ੀ ਬਾਇਲਾਅ ਵਿੱਚ ਇਹ ਸਿਫਾਰਿਸ਼ ਕੀਤੀ ਗਈ ਹੈ ਕਿ ਕਾਰੋਬਾਰੀ ਅਦਾਰੇ ਅਜਿਹੀ ਨੀਤੀ ਅਪਨਾਉਣ ਜਿਸ ਵਿੱਚ ਉਨ੍ਹਾਂ ਦੇ ਅਦਾਰਿਆਂ ਵਿੱਚ ਇੰਡੋਰ ਜਨਤਕ ਥਾਂਵਾਂ ਉੱਤੇ ਮਾਸਕਸ ਯਕੀਨੀ ਬਣਾਏ ਜਾਣ। ਇੰਡੋਰ ਥਾਂਵਾਂ ਵਿੱਚ ਹੇਠ ਲਿਖੀਆਂ ਥਾਂਵਾਂ ਆਉਂਦੀਆਂ ਹਨ:

ਰੀਟੇਲ ਸਟੋਰਜ਼
ਕਨਵੀਨੀਐਂਸ ਸਟੋਰ
ਮਾਲਜ਼ ਤੇ ਸ਼ਾਪਿੰਗ ਪਲਾਜ਼ਾ
ਗਰੌਸਰੀ ਸਟੋਰਜ਼, ਬੇਕਰੀਜ਼, ਫਾਰਮਰ ਮਾਰਕਿਟਸ
ਰੈਸਟੋਰੈਂਟਸ ਤੇ ਬਾਰਜ਼ (ਜਦੋਂ ਉਹ ਇੰਡੋਰ ਸੇਵਾਵਾਂ ਦੇਣ ਲਗਣਗੇ)
ਮਨੋਰੰਜਨ ਵਾਲੀਆਂ ਥਾਂਵਾਂ ਤੇ ਜਿੰਮ
ਲਾਇਬ੍ਰੇਰੀਜ਼
ਕਮਿਊਨਿਟੀ ਸੈਂਟਰਜ਼
ਕਮਿਊਨਿਟੀ ਸਰਵਿਸ ਏਜੰਸੀਜ਼
ਪਰਸਨਲ ਸਰਵਿਸ ਸੈਟਿੰਗਜ਼
ਚਰਚ, ਮਸਜਿਦਾਂ, ਯਹੂਦੀਆਂ ਦੇ ਧਾਰਮਿਕ ਸਥਾਨ, ਮੰਦਰ ਤੇ ਹੋਰ ਧਾਰਮਿਕ ਥਾਂਵਾਂ
ਆਰਟ ਗੈਲਰੀਜ਼, ਕਨਵੈਨਸ਼ਨ ਸੈਂਟਰ, ਅਰੇਨਾਜ਼, ਸਟੇਡੀਅਮ ਤੇ ਹੋਰ ਥਾਂਵਾਂ ਜਿਥੇ ਈਵੈਂਟ ਹੁੰਦੇ ਹਨ
ਰੀਅਲ ਅਸਟੇਟ ਫੈਸਿਲਿਟੀਜ਼ ਜਿਵੇਂ ਕਿ ਓਪਨ ਹਾਊਸ ਤੇ ਪ੍ਰੈ਼ਜੈਂਟੇਸ਼ਨ ਸੈਟਰਜ਼
ਹੋਟਲਾਂ, ਮੋਟਲਾਂ ਤੇ ਥੋੜ੍ਹੀ ਦੇਰ ਲਈ ਕਿਰਾਏ ਉਤੇ ਦਿਤੀਆਂ ਜਾਣ ਵਾਲੀਆਂ ਥਾਂਵਾਂ ਵਿਚਲੀਆਂ ਕਾਮਨ ਥਾਂਵਾਂ (ਜਿਵੇਂ ਕਿ ਲੌਬੀਜ, ਐਲੇਵੇਟਰਜ਼, ਮੀਟਿੰਗ ਰੂਮ ਆਦਿ)।
ਮਨੋਰੰਜਨ ਵਾਲੀਆਂ ਥਾਂਵਾਂ ਜਿਵੇਂ ਕੰਸਰਟ ਵੈਨਿਊਜ਼, ਥਿਏਟਰਜ਼, ਸਿਨੇਮਾਜ਼, ਕੈਸੀਨੋਜ਼ ਆਦਿ
ਜਨਤਾ ਲਈ ਖੋਲ੍ਹੇ ਜਾਣ ਵਾਲੇ ਕਾਰੋਬਾਰੀ ਅਦਾਰੇ