ਅਜੈ ਦੇਵਗਨ ਸਟਾਰਰ ਅਗਲੀ ਫਿਲਮ ‘ਭੁਜ : ਪ੍ਰਾਈਡ ਆਫ ਇੰਡੀਆ’ ਵਿੱਚ ਅਭਿਨੇਤਰੀ ਇਹਾਨਾ ਢਿੱਲੋਂ ਮਾਂ ਦੇ ਕਿਰਦਾਰ ਵਿੱਚ ਨਜ਼ਰ ਆਏਗੀ। ਅਭਿਸ਼ੇਕ ਦੁਧੱਈਆ ਦੇ ਨਿਰਦੇਸ਼ਨ ਵਾਲੀ ਇਹ ਫਿਲਮ 1971 ਵਿੱਚ ਭਾਰਤ-ਪਾਕਿ ਜੰਗ ਵਿੱਚ ਭਾਰਤ ਨੂੰ ਰਣਨੀਤਕ ਲਾਭ ਦਿਵਾਉਣ ਵਿੱਚ ਮਹੱਤਵ ਪੂਰਨ ਭੂਮਿਕਾ ਨਿਭਾਉਣ ਵਾਲੀ ਗੁਜਰਾਤ ਦੇ ਕੱਛ ਜ਼ਿਲੇ ਦੇ ਮਾਧਪਾਰ ਪਿੰਡ ਦੀਆਂ ਤਿੰਨ ਸੌ ਬਹਾਦਰ ਔਰਤਾਂ ਦੀ ਕਹਾਣੀ ਦਿਖਾਈ ਜਾਏਗੀ।
ਫਿਲਮ ਵਿੱਚ ਸੋਨਾਕਸ਼ੀ ਸਿਨਹਾ ਅਤੇ ਐਮੀ ਵਿਰਕ ਵੀ ਹਨ। ਇਸ ਫਿਲਮ ਦੇ ਬਾਰੇ ਗੱਲ ਕਰਦੇ ਹੋਏ ਇਹਾਨਾ ਨੇ ਕਿਹਾ, ਫਿਲਮ ਦੀ ਸਕ੍ਰਿਪਟ ਬੇਹੱਦ ਸ਼ਾਨਦਾਰ ਹੈ ਅਤੇ ਹਵਾਈ ਫੌਜ ਅਧਿਕਾਰੀ ਦਾ ਕਿਰਦਾਰ ਨਿਭਾਉਣਾ ਮੇਰੇ ਲਈ ਬਿਲਕੁਲ ਨਵਾਂ ਅਨੁਭਵ ਹੈ। ਇਹ ਚੁਣੌਤੀ ਪੂਰਨ ਹੈ। ਮੇਰੇ ਡਾਇਰੈਕਟਰ ਅਭਿਸ਼ੇਕ ਜੀ ਇਸ ਨੂੰ ਲੈ ਕੇ ਬਿਲਕੁਲ ਸਪੱਸ਼ਟ ਸਨ। ਫਿਲਮ ਵਿੱਚ 1971 ਵਿੱਚ ਔਰਤਾਂ ਦੀ ਆਜ਼ਾਦੀ ਦੇ ਬਾਰੇ ਵਿੱਚ ਦਿਖਾਇਆ ਗਿਆ ਹੈ।