ਅਭਿਨੇਤਾ ਤੁਸ਼ਾਰ ਕਪੂਰ ਦਾ ਕਹਿਣਾ ਹੈ ਕਿ ਉਸ ਨੇ ਸਾਲ 2013 ਵਿੱਚ ਫਿਲਮ ‘ਕੰਚਨਾ’ ਦੇ ਰਾਈਟਸ ਖਰੀਦ ਲਏ ਸਨ। ਤੁਸ਼ਾਰ ਕਪੂਰ ਨੇ ਆਪਣਾ ਪ੍ਰੋਡਕਸ਼ਨ ਵੈਂਚਰ ਲਾਂਚ ਕੀਤਾ ਹੈ ਅਤੇ ਇਸ ਦੀ ਪਹਿਲੀ ਫਿਲਮ ਅਕਸ਼ੈ ਕੁਮਾਰ ਸਟਾਰਰ ‘ਲਛਮੀ ਬੰਬ' ਹੈ। ਫਿਲਮ ਤਮਿਲ ਦੀ ਸੁਪਰਹਿੱਟ ਫਿਲਮ ‘ਕੰਚਨਾ’ ਦਾ ਹਿੰਦੀ ਰੀਮੇਕ ਹੈ।
ਤੁਸ਼ਾਰ ਕਪੂਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਫਿਲਮ ਦੇ ਰਾਈਟਸ 2013 ਵਿੱਚ ਹੀ ਖਰੀਦ ਲਏ ਸਨ। ਉਸ ਨੇ ਦੱਸਿਆ ਕਿ ਇਹ ਕੁਝ ਆਪਣੀ ਫੇਵਰੇਟ ਚੀਜ਼ ਲਈ ਕੰਮ ਕਰਨ ਵਾਂਗ ਹੈ। ਮੈਂ ਕਈ ਸਾਲ ਤੋਂ ਇਸ ਫਿਲਮ ਨਾਲ ਜੁੜਿਆ ਹੋਇਆ ਹਾਂ। ਮੈਂ ਸਾਲ 2013 ਵਿੱਚ ਇਸ ਫਿਲਮ ਦੇ ਰਾਈਟਸ ਖਰੀਦੇ ਸਨ, ਇਸ ਲਈ ਤੁਸੀਂ ਇਸ ਨੂੰ ਪੈਸ਼ਨ ਪ੍ਰੋਜੈਕਟ ਕਹਿ ਸਕਦੇ ਹੋ। ਇੱਕ ਪ੍ਰੋਡਿਊਸਰ ਦੇ ਤੌਰ 'ਤੇ ‘ਲਛਮੀ ਬੰਬ’ ਮੇਰੀ ਪਹਿਲੀ ਫਿਲਮ ਹੈ ਤੇ ਮੈਨੂੰ ਬਿਹਤਰੀਨ ਟੀਮ ਮਿਲੀ ਹੈ। ਅਕਸ਼ੈ ਸਰ ਇਸ ਫਿਲਮ ਦੇ ਮੁੱਖ ਹੀਰੋ ਹਨ ਅਤੇ ਇਹ ਇੱਕ ਸੁਫਨਾ ਪੂਰੇ ਹੋਣ ਵਾਂਗ ਹੈ ਕਿ ਤੁਸੀਂ ਆਪਣੇ ਪ੍ਰੋਡਕਸ਼ਨ ਦੀ ਸ਼ੁਰੂਆਤ ਇੰਨੇ ਵੱਡੇ ਸਿਤਾਰੇ ਨਾਲ ਕਰ ਰਹੇ ਹੋ। ਇਸ ਫਿਲਮ ਦਾ ਸਬਜੈਕਟ ਹਮੇਸ਼ਾ ਤੋਂ ਮੇਰਾ ਫੇਵਰਟ ਰਿਹਾ ਹੈ। ਮੈਂ ਆਪਣੇ ਉਤਸ਼ਾਹ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦਾ।