ਟੋਰਾਂਟੋ, 19 ਸਤੰਬਰ (ਪੋਸਟ ਬਿਊਰੋ) : ਨੈਨੋਜ਼ ਰਿਸਰਚ ਵੱਲੋਂ ਪਾਰਟੀਆਂ ਦੇ ਰੋਜ਼ਾਨਾ ਰੱਖੇ ਜਾ ਰਹੇ ਟਰੈਕ ਮੁਤਾਬਕ ਕੰਜ਼ਰਵੇਟਿਵ ਪਾਰਟੀ ਇਸ ਸਮੇਂ ਅੱਗੇ ਚੱਲ ਰਹੀ ਹੈ।
ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਤਾਜ਼ਾ ਅੰਕੜਿਆਂ ਮੁਤਾਬਕ ਇਸ ਸਮੇਂ ਕੰਜ਼ਰਵੇਟਿਵ 37.2 ਫੀ ਸਦੀ ਦੇ ਹਿਸਾਬ ਨਾਲ ਅੱਗੇ ਚੱਲ ਰਹੇ ਹਨ ਜਦਕਿ ਲਿਬਰਲ 35.5 ਫੀ ਸਦੀ ਨਾਲ ਦੂਜੇ ਸਥਾਨ ਉੱਤੇ ਹਨ। 13.6 ਫੀ ਸਦੀ ਸਮਰਥਕਾਂ ਨਾਲ ਐਨਡੀਪੀ ਤੀਜੇ ਸਥਾਨ ਉੱਤੇ ਹੈ ਤੇ 7.0 ਫੀ ਸਦੀ ਅੰਕਾਂ ਨਾਲ ਗ੍ਰੀਨ ਪਾਰਟੀ ਚੌਥੇ ਸਥਾਨ ਉੱੇਤੇ ਹੈ, ਬਲਾਕ ਕਿਊਬਿਕੁਆ ਨੂੰ 4.0 ਫੀ ਸਦੀ ਤੇ ਪੀਪਲਜ਼ ਪਾਰਟੀ ਆਫ ਕੈਨੇਡਾ ਨੂੰ 1.7 ਫੀ ਸਦੀ ਸਮਰਥਕਾਂ ਦਾ ਸਾਥ ਮਿਲ ਰਿਹਾ ਹੈ।
ਪੋਲਸਟਰ ਨਿੱਕ ਨੈਨੋਜ਼ ਨੇ ਟਰੈਂਡ ਲਾਈਨ ਪੌਡਕਾਸਟ ਉੱਤੇ ਆਖਿਆ ਕਿ ਜੇ ਇਸ ਸਮੇਂ ਹਿਸਾਬ ਲਾਇਆ ਜਾਵੇ ਤਾਂ ਕੰਜ਼ਰਵੇਟਿਵਾਂ ਲਈ ਦੂਹਰੀ ਜਿੱਤ ਮੰਨੀ ਜਾ ਸਕਦੀ ਹੈ ਕਿਉਂਕਿ ਹਰਮਨਪਿਆਰੇ ਪ੍ਰਧਾਨ ਮੰਤਰੀ ਵਜੋਂ ਵੀ ਕੰਜ਼ਰਵੇਟਿਵ ਆਗੂ ਐਂਡਰਿਊ ਸ਼ੀਅਰ ਦਾ ਨਾਂ ਉਭਰ ਕੇ ਸਾਹਮਣੇ ਆ ਰਿਹਾ ਹੈ। ਸ਼ੀਅਰ ਤੇ ਕੰਜ਼ਰਵੇਟਿਵਾਂ ਨੂੰ ਪਿਛਲੇ ਕੁੱਝ ਹਫਤਿਆਂ ਤੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।