ਟੋਰਾਂਟੋ, 24 ਜੂਨ (ਪੋਸਟ ਬਿਊਰੋ): ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ ਦਿਲਜੀਤ ਦੋਸਾਂਝ 'ਤੇ ਕੋਰਸ ਪੇਸ਼ ਕਰੇਗੀ, ਜੋ 'ਗਲੋਬਲ ਪੌਪ ਕਲਚਰ' 'ਤੇ ਉਨ੍ਹਾਂ ਦੇ ਪ੍ਰਭਾਵ ਨੂੰ ਉਜਾਗਰ ਕਰੇਗੀ।
ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ ਨੇ ਇੱਕ ਨਵਾਂ ਕੋਰਸ ਪੇਸ਼ ਕੀਤਾ ਹੈ ਜੋ ਦਿਲਜੀਤ ਦੋਸਾਂਝ ਦੇ ਕੰਮ ਦੀ 'ਸੱਭਿਆਚਾਰਕ, ਸੰਗੀਤਕ ਅਤੇ ਡਾਇਸਪੋਰਿਕ ਸਾਰਥਕਤਾ' ਨੂੰ ਦੇਖੇਗਾ।
ਅਦਾਕਾਰ-ਗਾਇਕ ਦਿਲਜੀਤ ਦੋਸਾਂਝ ਨੇ ਆਪਣੀਆਂ ਪ੍ਰਾਪਤੀਆਂ ਦੀ ਸੀਮਾ ਵਿੱਚ ਇੱਕ ਹੋਰ ਕਦਮ ਪੁੱਟਿਆ ਹੈ। ਅਦਾਕਾਰ ਅਤੇ ਗਾਇਕ ਹੁਣ ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ (TMU) ਦੁਆਰਾ ਨਿਰਧਾਰਤ ਪਾਠਕ੍ਰਮ ਕੋਰਸਵਰਕ ਦਾ ਹਿੱਸਾ ਹੋਣਗੇ। ਇਹ ਕੋਰਸ TMU ਵਿਚ The Creative School ਦੁਆਰਾ ਪੇਸ਼ ਕੀਤਾ ਜਾਵੇਗਾ ਅਤੇ ਟੋਰਾਂਟੋ ਵਿੱਚ NXNE ਵਿਚ ਬਿਲਬੋਰਡ ਸੰਮੇਲਨ ਵਿੱਚ ਇਸਦਾ ਐਲਾਨ ਕੀਤਾ ਗਿਆ ਸੀ।