ਓਟਵਾ, 27 ਜੂਨ (ਪੋਸਟ ਬਿਊਰੋ): ਸੋਮਵਾਰ ਸ਼ਾਮ ਨੂੰ ਪ੍ਰਕਾਸਿ਼ਤ ਦਸਤਾਵੇਜ਼ਾਂ ਅਨੁਸਾਰ, ਹਡਸਨ ਬੇਅ ਐਤਵਾਰ ਤੱਕ 8,300 ਤੋਂ ਵੱਧ ਮੁਲਾਜ਼ਮਾਂ- ਜੋ ਕਿ ਇਸਦੇ ਮੁਲਾਜ਼ਮਾਂ ਦਾ ਲਗਭਗ 89 ਪ੍ਰਤੀਸ਼ਤ ਹੈ, ਦੀ ਛਾਂਟੀ ਕਰੇਗੀ। ਇਸ ਸਮੇਂ ਤੱਕ ਇਹ ਰਿਟੇਲ ਕੰਪਨੀ ਆਪਣੇ ਸਾਰੇ ਸਟੋਰ ਬੰਦ ਕਰ ਦਵੇਗੀ ਅਤੇ ਇਸਦੀ ਲਿਕਵੀਡੇਸ਼ਨ ਵਿਕਰੀ ਸ਼ੁਰੂ ਹੋ ਜਾਵੇਗੀ।
ਜਿ਼ਕਰਯੋਗ ਹੈ ਕਿ ਇਸ ਕੈਨੇਡੀਅਨ ਬ੍ਰਾਂਡ ਵੱਲੋਂ 1 ਜੂਨ ਨੂੰ ਆਪਣੇ ਚਲ ਰਹੇ ਸਟੋਰਾਂ ਨੂੰ ਬੰਦ ਕਰਨ ਦੀ ਸੰਭਾਵਨਾ ਹੈ ਅਤੇ ਉਦੋਂ ਤੱਕ ਇਸਦੇ ਜਿ਼ਆਦਾਤਰ ਕਾਮਿਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਜਾਵੇਗਾ।
ਕੁਝ ਮੁਲਾਜ਼ਮਾਂ ਨੂੰ ਸਟੋਰ ਵਿੱਚ ਫਰਨੀਚਰ ਵੇਚਣ ਅਤੇ ਬਾਕੀ ਥਾਂਵਾਂ ਨੂੰ ਬੰਦ ਕਰਨ ਲਈ ਰੱਖਿਆ ਜਾਵੇਗਾ। 15 ਜੂਨ ਨੂੰ ਕੰਪਨੀ ਦੇ ਡਿਸਟ੍ਰਿਬਿਊਸ਼ਨ ਸੈਂਟਰ ਬੰਦ ਹੋਣ ਤੋਂ ਬਾਅਦ, 899 ਹੋਰ ਮੁਲਾਜ਼ਮਾਂ ਦੀ ਛਾਂਟੀ ਹੋਣ ਦੀ ਉਮੀਦ ਹੈ।
ਦਸਤਾਵੇਜ਼ਾਂ ਵਿੱਚ ਕਿਹਾ ਗਿਆ ਹੈ ਕਿ ਬਾਕੀ 118 ਮੁਲਾਜ਼ਮ Companies' Creditors Arrangement Act  ਰਾਹੀਂ ਕੰਪਨੀ ਨੂੰ ਉਸਦੀਆਂ ਜਿ਼ੰਮੇਵਾਰੀਆਂ ਨਿਭਾਉਣ ਵਿੱਚ ਮਦਦ ਕਰਨਗੇ।