Welcome to Canadian Punjabi Post
Follow us on

26

March 2025
ਬ੍ਰੈਕਿੰਗ ਖ਼ਬਰਾਂ :
ਟੈਰਿਫ ਲਾਗੂ ਰਹਿਣ ਤੱਕ ਟੈਸਲਾ ਇਨਸੈਂਟਿਵ ਪ੍ਰੋਗਰਾਮਾਂ ਲਈ ਰਹੇਗੀ ਅਯੋਗ : ਫ੍ਰੀਲੈਂਡ ਡਾਊਨਟਾਉਨ ਟੋਰਾਂਟੋ ਸਟੋਰ ਡਕੈਤੀ ਦੇ ਮਾਮਲੇ ਵਿੱਚ ਸ਼ੱਕੀ ਲੜਕੀ ਦੀ ਭਾਲ `ਚ ਪੁਲਿਸਟੋਰਾਂਟੋ ਦੇ ਪੂਰਵੀ ਏਂਡ `ਤੇ ਯੌਨ ਉਤਪੀੜਨ ਮਾਮਲੇ ‘ਚ ਕਰ ਰਹੀ ਸ਼ੱਕੀ ਦੀ ਭਾਲਪੰਜਾਬ ਸਰਕਾਰ ਦੀ ਇਕ ਹੋਰ ਪਹਿਲ: ਗੈਰ-ਕਾਨੂੰਨੀ ਮਾਈਨਿੰਗ ਰੋਕਣ ਦਾ ਇਤਿਹਾਸਕ ਫੈਸਲਾਪੰਜਾਬ ਬਜਟ ਵਿੱਚ ਪੇਂਡੂ ਵਸੋਂ ਲਈ ਪੀਣ ਵਾਲਾ ਸਾਫ ਪਾਣੀ ਅਤੇ ਬਿਹਤਰ ਸੈਨੀਟੇਸ਼ਨ ਸਹੂਲਤਾਂ ਨੂੰ ਮਿਲੀ ਤਰਜੀਹਓਕਵਿਲੇ ਵਿੱਚ ਸ਼ੱਕੀ ਮੌਤ ਦੇ ਮਾਮਲੇ ਵਿਚ ਪੁਲਿਸ ਨੇ ਮ੍ਰਿਤਕ ਦੀ ਪਛਾਣ ਕੀਤੀ ਜਾਰੀਗ੍ਰੀਨਲੈਂਡ ਅਮਰੀਕੀ ਉਪ ਰਾਸ਼ਟਰਪਤੀ ਦੀ ਪਤਨੀ ਦੀ ਫੇਰੀ ਦਾ ਬਾਈਕਾਟ ਕਰੇਗਾ, ਪ੍ਰਧਾਨ ਮੰਤਰੀ ਨੇ ਫੇਰੀ ਨੂੰ ਕਿਹਾ ਉਕਸਾਵਾਜ਼ਰਦਾਰੀ ਪਾਕਿਸਤਾਨ ਦਿਵਸ 'ਤੇ ਭਾਸ਼ਣ ਨੂੰ ਸਹੀ ਢੰਗ ਨਾਲ ਨਹੀਂ ਪੜ੍ਹ ਸਕੇ, ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਉਡਾਇਆ ਮਜ਼ਾਕ
 
ਅੰਤਰਰਾਸ਼ਟਰੀ

ਪੁਤਿਨ ਨੇ ਫੌਜੀ ਵਰਦੀ ਵਿੱਚ ਕੁਰਸਕ ਦਾ ਕੀਤਾ ਦੌਰਾ, ਯੂਕਰੇਨੀ ਫੌਜ ਨੂੰ ਕੱਢਣ ਦੇ ਹੁਕਮ

March 13, 2025 05:34 AM

ਮਾਸਕੋ, 13 ਮਾਰਚ (ਪੋਸਟ ਬਿਊਰੋ): ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਬੁੱਧਵਾਰ ਨੂੰ ਯੂਕਰੇਨ ਦੀ ਸਰਹੱਦ ਨਾਲ ਲੱਗਦੇ ਰੂਸ ਦੇ ਕੁਰਸਕ ਸੂਬੇ ਦਾ ਦੌਰਾ ਕੀਤਾ। ਇਸ ਦੌਰਾਨ ਪੁਤਿਨ ਫੌਜ ਦੀ ਵਰਦੀ ਵਿੱਚ ਨਜ਼ਰ ਆਏ। ਪੁਤਿਨ ਬੁੱਧਵਾਰ ਨੂੰ ਮੋਰਚੇ 'ਤੇ ਇੱਕ ਫੌਜੀ ਕਮਾਂਡ ਪੋਸਟ 'ਤੇ ਪਹੁੰਚੇ। ਪੁਤਿਨ ਨੇ ਕੁਰਸਕ ਖੇਤਰ ਦੇ ਜਿ਼ਆਦਾਤਰ ਹਿੱਸੇ ਤੋਂ ਯੂਕਰੇਨੀ ਫੌਜਾਂ ਦੀ ਵਾਪਸੀ 'ਤੇ ਖੁਸ਼ੀ ਪ੍ਰਗਟ ਕੀਤੀ।
ਰੂਸ ਦੇ ਰਾਸ਼ਟਰਪਤੀ ਦਫ਼ਤਰ, ਕ੍ਰੇਮਲਿਨ ਨੇ ਪੁਤਿਨ ਦੀਆਂ ਫੋਟੋਆਂ ਜਾਰੀ ਕੀਤੀਆਂ। ਪੁਤਿਨ, ਹਰੇ ਰੰਗ ਦੀ ਵਰਦੀ ਪਹਿਨੇ ਹੋਏ, ਇੱਕ ਡੈਸਕ 'ਤੇ ਬੈਠੇ ਸਨ। ਉਨ੍ਹਾਂ ਦੇ ਸਾਹਮਣੇ ਬਹੁਤ ਸਾਰੇ ਨਕਸ਼ੇ ਰੱਖੇ ਹੋਏ ਸਨ। ਇਸ ਦੌਰਾਨ, ਰੂਸ ਦੇ ਉੱਚ ਫੌਜੀ ਅਧਿਕਾਰੀ ਜਨਰਲ ਵੈਲੇਰੀ ਗੇਰਾਸਿਮੋਵ ਉਨ੍ਹਾਂ ਦੇ ਨਾਲ ਦਿਖਾਈ ਦਿੱਤੇ।
ਕੁਰਸਕ 'ਤੇ ਪਿਛਲੇ ਸਾਲ ਅਗਸਤ ਵਿੱਚ ਯੂਕਰੇਨ ਨੇ ਹਮਲਾ ਕੀਤਾ ਸੀ। ਕੁਰਸਕ ਦੇ ਕਈ ਇਲਾਕੇ ਹਾਲੇ ਵੀ ਯੂਕਰੇਨੀ ਫੌਜ ਦੇ ਕਬਜ਼ੇ ਵਿੱਚ ਹਨ। ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਂਸਕੀ ਇਸ ਜ਼ਮੀਨ ਨੂੰ ਰੂਸ ਨਾਲ ਜੰਗਬੰਦੀ ਸਮਝੌਤੇ ਵਿੱਚ ਅਦਲਾ-ਬਦਲੀ ਚਾਹੁੰਦੇ ਹਨ।
ਪੁਤਿਨ ਨੇ ਇਹ ਦੌਰਾ ਮੰਗਲਵਾਰ ਨੂੰ ਸਾਊਦੀ ਅਰਬ ਵਿੱਚ ਅਮਰੀਕਾ ਅਤੇ ਯੂਕਰੇਨੀ ਪ੍ਰਤੀਨਿਧੀਆਂ ਵਿਚਕਾਰ ਹੋਈ ਮੀਟਿੰਗ ਤੋਂ ਬਾਅਦ ਕੀਤਾ। ਇਸ ਮੀਟਿੰਗ ਵਿੱਚ, ਯੂਕਰੇਨ 30 ਦਿਨਾਂ ਦੀ ਜੰਗਬੰਦੀ ਲਈ ਸਹਿਮਤ ਹੋ ਗਿਆ ਹੈ। ਅਮਰੀਕਾ ਇਸ ਯੋਜਨਾ ਨੂੰ ਰੂਸ ਸਾਹਮਣੇ ਪੇਸ਼ ਕਰਨਾ ਚਾਹੁੰਦਾ ਹੈ। ਹਾਲਾਂਕਿ, ਰੂਸ ਨੇ ਪਹਿਲਾਂ ਕਿਸੇ ਵੀ ਤਰ੍ਹਾਂ ਦੀ ਅਸਥਾਈ ਜੰਗਬੰਦੀ ਤੋਂ ਇਨਕਾਰ ਕਰ ਦਿੱਤਾ ਸੀ।
ਪੁਤਿਨ ਨੇ ਕਿਹਾ ਕਿ ਕਿਸੇ ਵੀ ਅਸਥਾਈ ਜੰਗਬੰਦੀ ਦਾ ਫਾਇਦਾ ਸਿਰਫ਼ ਯੂਕਰੇਨੀ ਫੌਜ ਨੂੰ ਹੀ ਹੋਵੇਗਾ। ਇਸ ਨਾਲ ਯੁੱਧ ਦੇ ਮੈਦਾਨ ਵਿੱਚ ਪਿੱਛੇ ਰਹਿ ਰਹੀ ਯੂਕਰੇਨੀ ਫੌਜ ਨੂੰ ਆਪਣੇ ਸੈਨਿਕਾਂ ਦੀ ਗਿਣਤੀ ਵਧਾਉਣ ਅਤੇ ਤਿਆਰੀ ਕਰਨ ਵਿੱਚ ਮਦਦ ਮਿਲੇਗੀ।
ਰੂਸ ਨੇ ਪੱਛਮੀ ਦੇਸ਼ਾਂ ਨਾਲ ਇੱਕ ਵਿਆਪਕ ਸੁਰੱਖਿਆ ਸਮਝੌਤੇ ਦੀ ਮੰਗ ਕੀਤੀ ਹੈ। ਇਸ ਵਿੱਚ ਇਹ ਗਾਰੰਟੀ ਵੀ ਸ਼ਾਮਿਲ ਹੈ ਕਿ ਯੂਕਰੇਨ ਨੂੰ ਨਾਟੋ ਵਿੱਚ ਸ਼ਾਮਿਲ ਨਹੀਂ ਕੀਤਾ ਜਾਵੇਗਾ। ਦਸੰਬਰ ਵਿੱਚ, ਪੁਤਿਨ ਨੇ ਕਿਹਾ ਸੀ ਕਿ “ਸਾਨੂੰ ਸ਼ਾਂਤੀ ਦੀ ਲੋੜ ਹੈ, ਜੰਗਬੰਦੀ ਦੀ ਨਹੀਂ। ਰੂਸ ਅਤੇ ਇਸਦੇ ਨਾਗਰਿਕਾਂ ਨੂੰ ਸੁਰੱਖਿਆ ਗਾਰੰਟੀ ਦੇ ਨਾਲ ਸ਼ਾਂਤੀ ਦੀ ਲੋੜ ਹੈ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਗ੍ਰੀਨਲੈਂਡ ਅਮਰੀਕੀ ਉਪ ਰਾਸ਼ਟਰਪਤੀ ਦੀ ਪਤਨੀ ਦੀ ਫੇਰੀ ਦਾ ਬਾਈਕਾਟ ਕਰੇਗਾ, ਪ੍ਰਧਾਨ ਮੰਤਰੀ ਨੇ ਫੇਰੀ ਨੂੰ ਕਿਹਾ ਉਕਸਾਵਾ ਜ਼ਰਦਾਰੀ ਪਾਕਿਸਤਾਨ ਦਿਵਸ 'ਤੇ ਭਾਸ਼ਣ ਨੂੰ ਸਹੀ ਢੰਗ ਨਾਲ ਨਹੀਂ ਪੜ੍ਹ ਸਕੇ, ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਉਡਾਇਆ ਮਜ਼ਾਕ ਰੂਸ ਨੇ ਕਿਹਾ- ਅਮਰੀਕਾ ਸਾਡੇ ਨਾਲ ਸਿੱਧੀ ਗੱਲ ਕਰੇ, ਫਿਰ ਜੰਗਬੰਦੀ ਸੰਭਵ ਪ੍ਰਧਾਨ ਮੰਤਰੀ ਮੋਦੀ ਨੂੰ ਮਾਰੀਸ਼ਸ ਦਾ ਸਰਵਉੱਚ ਸਨਮਾਨ ਦਿੱਤਾ ਗਿਆ, ਰਾਸ਼ਟਰੀ ਦਿਵਸ ਸਮਾਰੋਹ ਵਿੱਚ ਹੋਏ ਸ਼ਾਮਿਲ ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਜੇਡੀ ਵੇਂਸ ਆਪਣੀ ਪਤਨੀ ਊਸ਼ਾ ਨਾਲ ਇਸ ਮਹੀਨੇ ਜਾਣਗੇ ਭਾਰਤ ਬਲੋਚ ਲੜਾਕਿਆਂ ਦੀ ਹਿਰਾਸਤ ਵਿੱਚ ਹਾਲੇ ਵੀ 59 ਬੰਧਕ, ਹੁਣ ਤੱਕ 27 ਲੜਾਕਿਆਂ ਦੀ ਮੌਤ ਅਮਰੀਕਾ-ਯੂਕਰੇਨ ਮੀਟਿੰਗ: ਜ਼ੇਲੇਂਸਕੀ 30 ਦਿਨਾਂ ਦੀ ਜੰਗਬੰਦੀ ਲਈ ਤਿਆਰ ਡੋਮਿਨਿਕਨ ਦੇਸ਼ ਤੋਂ ਭਾਰਤੀ ਮੂਲ ਦਾ ਅਮਰੀਕੀ ਵਿਦਿਆਰਥਣ ਹੋਈ ਲਾਪਤਾ, ਸਮੁੰਦਰ ਵਿੱਚ ਡੁੱਬਣ ਦਾ ਸ਼ੱਕ ਜੰਗ ਦਾ ਹੱਲ ਕੱਢਣ ਲਈ ਯੂਕਰੇਨ ਨੂੰ ਜ਼ਮੀਨ ਛੱਡਣੀ ਪਵੇਗੀ : ਅਮਰੀਕੀ ਵਿਦੇਸ਼ ਮੰਤਰੀ ਬਿਹਾਰੀ ਗੀਤ ਨਾਲ ਪ੍ਰਧਾਨ ਮੰਤਰੀ ਮੋਦੀ ਦਾ ਮਾਰੀਸ਼ਸ ਵਿੱਚ ਸਵਾਗਤ, ਕੱਲ੍ਹ ਰਾਸ਼ਟਰੀ ਸਮਾਗਮ ਵਿੱਚ ਮੁੱਖ ਮਹਿਮਾਨ ਹੋਣਗੇ