ਐਡਮਿੰਟਨ, 7 ਨਵੰਬਰ (ਪੋਸਟ ਬਿਊਰੋ): ਪਾਰਕਲੈਂਡ ਕਾਊਂਟੀ ਵਿੱਚ ਮੰਗਲਵਾਰ ਨੂੰ ਹੋਈ ਦੁਰਘਟਨਾ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਦੂਸਰਾ ਗੰਭੀਰ ਹਾਲਤ ਵਿੱਚ ਹਸਪਤਾਲ ਵਿੱਚ ਦਾਖਲ ਹੈ।
ਸ਼ੁਰੁਆਤੀ ਜਾਂਚ ਵਿੱਚ ਪਤਾ ਚੱਲਿਆ ਹੈ ਕਿ ਰੇਂਜ ਰੋਡ 273 `ਤੇ ਦੱਖਣ ਵੱਲ ਜਾ ਰਹੀ ਇੱਕ ਐੱਸਯੂਵੀ ਨੂੰ ਪੂਰਵ ਵੱਲ ਜਾ ਰਹੀ ਇੱਕ ਸਕੂਲ ਬਸ ਨੇ ਟੱਕਰ ਮਾਰ ਦਿੱਤੀ। ਇਹ ਟੱਕਰ ਉਦੋਂ ਹੋਈ ਜਦੋਂ ਐੱਸਯੂਵੀ ਨੇ ਹਾਈਵੇ 627 ਨੂੰ ਪਾਰ ਕਰਨ ਦੀ ਕੋਸ਼ਿਸ਼ ਕੀਤੀ। ਡੇਵੋਨ ਦੀ 18 ਸਾਲਾ ਲੜਕੀ ਜੋ ਐੱਸਯੂਵੀ ਚਲਾ ਰਹੀ ਸੀ, ਦੀ ਘਟਨਾ ਸਥਾਨ `ਤੇ ਹੀ ਮੌਤ ਹੋ ਗਈ। ਉਸਦੇ ਦੋ ਯਾਤਰੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ।
ਪੁਲਿਸ ਅਨੁਸਾਰ ਬਸ ਦੇ ਚਾਲਕ ਅਤੇ ਇਕੱਲੇ ਯਾਤਰੀ ਨੂੰ ਵੀ ਮਾਮੂਲੀ ਸੱਟਾਂ ਕਾਰਨ ਹਸਪਤਾਲ ਵਿੱਚ ਦਾਖਲ ਕਰਾਇਆ ਗਿਆ ਹੈ।