ਬਰੈਂਪਟਨ, 8 ਜੂਨ (ਪੋਸਟ ਬਿਊਰੋ) : ਆਈਐਫਐਸ ਵੱਲੋਂ ਬਰੈਂਪਟਨ ਵਿੱਚ ਕਰਵਾਏ ਗਏ 16ਵੇਂ ਸਾਲਾਨਾ ਓਸਲਰ ਓਪਨ ਗੌਲਫ ਟੂਰਨਾਮੈਂਟ ਵਿੱਚ 144 ਗੌਲਫਰਜ਼ ਨੇ ਹਿੱਸਾ ਲਿਆ। ਇਹ ਟੂਰਨਾਮੈਂਟ ਕੈਲਡਨ ਵਿਲੇਜ ਦੇ ਪਲਪਿਟ ਗੌਲਫ ਕਲੱਬ ਵਿੱਚ ਕਰਵਾਇਆ ਗਿਆ। ਵਿਲੀਅਮ ਓਸਲਰ ਹੈਲਥ ਸਿਸਟਮ ਫਾਊਂਡੇਸ਼ਨ (ਓਸਲਰ ਫਾਊਂਡੇਸ਼ਨ) ਦੇ ਇਸ ਸਾਲਾਨਾ ਗੌਲਫ ਟੂਰਨਾਮੈਂਟ ਵਿੱਚ 234,500 ਡਾਲਰ ਇੱਕਠੇ ਕੀਤੇ ਗਏ।
ਵਿਲੀਅਮ ਓਸਲਰ ਹੈਲਥ ਸਿਸਟਮ ਲਈ ਇਸ ਰਕਮ ਨਾਲ ਨਵੀਂ ਤਕਨਾਲੋਜੀ ਖਰੀਦੀ ਜਾਵੇਗੀ ਤੇ ਓਸਲਰ ਦੇ ਬਰੈਂਪਟਨ ਸਥਿ਼਼ਤ ਹਸਪਤਾਲ-ਬਰੈਂਪਟਨ ਸਿਵਿਕ ਹਸਪਤਾਲ ਤੇ ਪੀਲ ਮੈਮੋਰੀਅਲ ਸੈਂਟਰ ਫੌਰ ਇੰਟੇਗ੍ਰੇਟਿਡ ਹੈਲਥ ਐਂਡ ਵੈੱਲਨੈੱਸ ਵਿਖੇ ਰੀਡਿਵੈਲਪਮੈਂਟ ਪੋ੍ਰਜੈਕਟਸ ਦੀ ਮਦਦ ਕੀਤੀ ਜਾਵੇਗੀ।ਗੌਲਫਰਜ਼ ਨੇ ਖੇਡ ਦਾ ਪੂਰਾ ਆਨੰਦ ਮਾਣਿਆ ਤੇ ਫਿਰ ਉਨ੍ਹਾਂ ਕਾਕਟੇਲ ਰਿਸੈਪਸ਼ਨ ਦਾ ਵੀ ਪੂਰਾ ਲੁਤਫ ਉਠਾਇਆ। ਵਿਲੀਅਮ ਓਸਲਰ ਹੈਲਥ ਸਿਸਟਮ ਫਾਊਂਡੇਸ਼ਨ ਦੇ ਪ੍ਰੈਜ਼ੀਡੈਂਟ ਤੇ ਸੀਈਓ ਕੈਨ ਮੇਅਹਿਊ ਨੇ ਆਖਿਆ ਕਿ ਇਹ ਈਵੈਂਟ ਮਨੋਰੰਜਨ ਨਾਲੋਂ ਕਿਤੇ ਜਿ਼ਆਦਾ ਸੀ। ਬਰੈਂਪਟਨ ਦੀ ਕਮਿਊਨਿਟੀ ਲਈ ਵੱਡੀ ਤਬਦੀਲੀ ਵਾਸਤੇ ਕੀਤੀਆਂ ਜਾਣ ਵਾਲੀਆਂ ਕੋਸਿ਼ਸ਼ਾਂ ਵਿੱਚੋਂ ਇਹ ਵੀ ਇੱਕ ਸੀ। ਭਵਿੱਖ ਲਈ ਓਸਲਰ ਹੈਲਥ ਕੇਅਰ ਸਿਸਟਮ ਦੇ ਨਿਰਮਾਣ ਵਿੱਚ ਲੱਗਿਆ ਹੋਇਆ ਹੈ ਤੇ ਇਹ ਵੀ ਉਸ ਦਾ ਹੀ ਉਪਰਾਲਾ ਸੀ। ਉਨ੍ਹਾਂ ਆਖਿਆ ਕਿ ਅਸੀਂ ਆਪਣੇ ਸਪਾਂਸਰਜ਼, ਗੌਲਫਰਜ਼, ਡੋਨਰਜ਼ ਤੇ ਵਾਲੰਟੀਅਰਜ਼ ਤੋਂ ਮਿਲ ਰਹੇ ਲਗਾਤਾਰ ਸਮਰਥਨ ਲਈ ਉਨ੍ਹਾਂ ਦੇ ਧੰਨਵਾਦੀ ਹਾਂ।
ਇਸ ਮੌਕੇ ਵਿਲੀਅਮ ਓਸਲਰ ਹੈਲਥ ਸਿਸਟਮ ਦੇ ਪ੍ਰੈਜ਼ੀਡੈਂਟ ਤੇ ਸੀਈਓ ਡਾ· ਫਰੈਂਕ ਮਾਰਟਿਨੋ ਨੇ ਆਖਿਆ ਕਿ ਅਸੀਂ ਆਉਣ ਵਾਲੇ ਕਈ ਸਾਲਾਂ ਲਈ ਹਸਪਤਾਲ ਤੇ ਹੈਲਥ ਕੇਅਰ ਕਪੈਸਿਟੀ ਵਧਾਉਣ ਵਾਲੇ ਸਫਰ ਉੱਤੇ ਹਾਂ ਤੇ ਇਸ ਲਈ ਕਮਿਊਨਿਟੀ ਦਾ ਸਹਿਯੋਗ ਬਹੁਤ ਜ਼ਰੂਰੀ ਹੈ। ਉਨ੍ਹਾਂ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਵਾਲੇ ਸਾਰੇ ਪਾਰਟੀਸਿਪੈਂਟਸ ਦਾ ਧੰਨਵਾਦ ਕੀਤਾ। ਆਈਐਫਐਸ ਦੇ ਪ੍ਰੈਜ਼ੀਡੈਂਟ ਪਾਲ ਭੁੱਲਰ ਨੇ ਆਖਿਆ ਕਿ ਓਸਲਰ ਓਪਨ : ਬਰੈਂਪਟਨ ਇਨਵੀਟੇਸ਼ਨ ਨੂੰ ਸਪਾਂਸਰ ਕਰਨ ਦਾ ਉਨ੍ਹਾਂ ਨੂੰ ਸੁਭਾਗ ਮਿਲਿਆ ਇਸ ਲਈ ਉਹ ਬਹੁਤ ਮਾਣ ਮਹਿਸੂਸ ਕਰ ਰਹੇ ਹਨ। ਆਈਐਫਐਸ ਤੋਂ ਇਲਾਵਾ ਇਸ ਟੂਰਨਾਮੈਂਟ ਨੂੰ ਓਰਲੈਂਡੋ ਕਾਰਪੋਰੇਸ਼ਨ, ਐਸ·ਰੌਬਿਨਸਨ ਐਂਡ ਐਸੋਸਿਏਟ ਆਫ ਆਰਬੀਸੀ ਡੌਮੀਨੀਅਨ ਸਕਿਊਰਿਟੀਜ਼, ਲਿਊਨਾ!ਲੋਕਲ 183 ਤੇ ਬੀਵੀਡੀ ਗਰੁੱਪ ਵੱਲੋਂ ਵੀ ਸਪਾਂਸਰ ਕੀਤਾ ਗਿਆ।