ਕੀਵ, 22 ਮਈ (ਪੋਸਟ ਬਿਊਰੋ): ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਕਿਹਾ ਕਿ ਸਾਰੇ ਭਾਈਵਾਲਾਂ ਨੇ ਸਹਿਯੋਗ ਦਾ ਇੱਕ ਪੱਧਰ ਪ੍ਰਾਪਤ ਕੀਤਾ ਹੈ ਜੋ ਇਹ ਯਕੀਨੀ ਬਣਾਉਂਦਾ ਹੈ ਕਿ ਲੋਕਤੰਤਰ, ਅੰਤਰਰਾਸ਼ਟਰੀ ਕਾਨੂੰਨ ਅਤੇ ਆਜ਼ਾਦੀ ਦਾ ਸਨਮਾਨ ਕੀਤਾ ਜਾਂਦਾ ਹੈ। ਜੀ-7 ਸਿਖਰ ਸੰਮੇਲਨ ਦੇ ਵਿਸ਼ੇਸ਼ ਸੈਸ਼ਨ ਨੂੰ ਸੰਬੋਧਨ ਕਰਨ ਤੋਂ ਇਲਾਵਾ ਜ਼ੇਲੇਂਸਕੀ ਨੇ ਐਤਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਹੋਰ ਵਿਸ਼ਵ ਨੇਤਾਵਾਂ ਨਾਲ ਵੱਖਰੇ ਤੌਰ 'ਤੇ ਮੁਲਾਕਾਤ ਕੀਤੀ ਅਤੇ ਚੱਲ ਰਹੇ ਯੂਕਰੇਨ ਸੰਕਟ 'ਤੇ ਚਰਚਾ ਕੀਤੀ। ਜ਼ੇਲੇਂਸਕੀ ਨੇ ਟਵੀਟ ਕੀਤਾ, ਸਾਡੀਆਂ ਕਦਰਾਂ-ਕੀਮਤਾਂ ਨੂੰ ਕਮਜ਼ੋਰ ਕਰਨ ਅਤੇ ਅਪਮਾਨਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਪਰ ਹੁਣ ਅਜਿਹਾ ਕਰਨਾ ਅਸੰਭਵ ਹੈ। ਹੁਣ ਸਾਡੀ ਤਾਕਤ ਵਧ ਰਹੀ ਹੈ। ਜਿਹੜਾ ਵੀ ਲੋਕਤੰਤਰੀ ਦੇਸ਼ ਵਿਰੁੱਧ ਹਮਲਾਵਰਤਾ ਵਧਾਉਂਦਾ ਹੈ, ਉਸ ਨੂੰ ਪ੍ਰਤੀਕਰਮ ਦਾ ਸਾਹਮਣਾ ਵੀ ਕਰਨਾ ਪੈਂਦਾ ਹੈ। ਅਤੇ ਜਿੰਨਾ ਜ਼ਿਆਦਾ ਅਸੀਂ ਸਾਰੇ ਮਿਲ ਕੇ ਕੰਮ ਕਰਾਂਗੇ, ਉਨੀ ਹੀ ਘੱਟ ਸੰਭਾਵਨਾ ਹੈ ਕਿ ਦੁਨੀਆ ਦਾ ਕੋਈ ਹੋਰ ਦੇਸ਼ ਰੂਸ ਦਾ ਰਸਤਾ ਚੁਣੇਗਾ। ਪਰ ਕੀ ਇਹ ਕਾਫ਼ੀ ਹੈ? ਲੋਕਤੰਤਰ ਨੂੰ ਹੋਰ ਸਹਿਯੋਗ ਦੀ ਲੋੜ ਹੈ। ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਲੋਕਤੰਤਰ ਦੀ ਸਪੱਸ਼ਟ ਅਗਵਾਈ ਦੀ ਲੋੜ ਹੈ। ਇਹ ਮੁੱਖ ਚੀਜ਼ ਹੈ ਜੋ ਅਸੀਂ ਆਪਸੀ ਸਹਿਯੋਗ ਦੁਆਰਾ ਪ੍ਰਦਾਨ ਕਰਦੇ ਹਾਂ।