Welcome to Canadian Punjabi Post
Follow us on

01

April 2023
ਬ੍ਰੈਕਿੰਗ ਖ਼ਬਰਾਂ :
ਫਿਨਲੈਂਡ ਵੀ ਬਣਿਆ ਨਾਟੋ ਦਾ ਮੈਂਬਰ, ਸੰਸਦ ਵਿਚ ਦਿੱਤੀ ਮਨਜੂਰੀ ਪੰਜਾਬ ਕੈਬਨਿਟ ਵੱਲੋਂ ਕਿਸਾਨਾਂ ਨੂੰ ਵੱਡੀ ਰਾਹਤ, ਕੁਦਰਤੀ ਆਫ਼ਤ ਨਾਲ ਹੋਏ ਨੁਕਸਾਨ ਦੀ ਮੁਆਵਜ਼ਾ ਰਾਸ਼ੀ 25 ਫੀਸਦੀ ਵਧਾਈਪੰਜਾਬ ਸਰਕਾਰ, ਸੀ.ਬੀ.ਜੀ. ਤੇ ਸੀ.ਜੀ.ਡੀ. ਪ੍ਰਾਜੈਕਟਾਂ ਲਈ ਮਨਜ਼ੂਰੀ ਦੀ ਪ੍ਰਕਿਰਿਆ ਨੂੰ ਨਿਰਵਿਘਨ ਤੇ ਸੁਖਾਲਾ ਬਣਾਉਣ ਲਈ ਵਚਨਬੱਧ : ਅਮਨ ਅਰੋੜਾਗਰੀਬਾਂ ਅਤੇ ਬੇਘਰਿਆਂ ਲਈ ਮਕਾਨਾਂ ਦੀ ਗ੍ਰਾਂਟ ਚ ਘਪਲਾ ਕਰਨ ਵਾਲਾ ਇੱਕ ਹੋਰ ਦੋਸ਼ੀ ਵਿਜੀਲੈਂਸ ਬਿਊਰੋ ਵੱਲੋਂ ਗ੍ਰਿਫਤਾਰਵਿਜੀਲੈਂਸ ਵੱਲੋਂ 10,000 ਰੁਪਏ ਰਿਸ਼ਵਤ ਲੈਂਦਾ ਏ.ਐਸ.ਆਈ. ਰੰਗੇ ਹੱਥੀਂ ਕਾਬੂਟਰੰਪ ਨੂੰ ਦਿੱਤਾ ਗਿਆ ਦੋਸ਼ੀ ਕਰਾਰ, ਕਰਨਾ ਪਵੇਗਾ ਮੁਜਰਮਾਨਾ ਚਾਰਜਿਜ਼ ਦਾ ਸਾਹਮਣਾਪੱਤਰਕਾਰ ਦੀ ਗ੍ਰਿਫਤਾਰੀ ਤੋਂ ਬਾਅਦ ਅਮਰੀਕਾ ਦੀ ਐਡਾਇਜਰੀ, 'ਅਮਰੀਕੀ ਨਾਗਰਿਕ ਤੁਰੰਤ ਛੱਡਣ ਰੂਸ’ਮੁੱਖ ਮੰਤਰੀ ਵੱਲੋਂ ਕਿਸਾਨਾਂ ਨੂੰ ਖੇਤੀਬਾੜੀ ਵਿੱਚ ਮਿਸਾਲੀ ਤਬਦੀਲੀ ਦਾ ਸੱਦਾ
 
ਟੋਰਾਂਟੋ/ਜੀਟੀਏ

ਸਕੂਲਾਂ ਤੇ ਘਰਾਂ ਦੇ ਮਾਹੌਲ ਵਿੱਚ ਤਾਲਮੇਲ ਜਰੂਰੀ : ਸਤਪਾਲ ਸਿੰਘ ਜੌਹਲ

February 07, 2023 01:45 AM
ਬਰੈਂਪਟਨ `ਚ ਫ੍ਰਨਫਾਰੈਸਟ ਪਬਲਿਕ ਸਕੂਲ ਵਿੱਚ ਪਹੁੰਚੇ ਸਕੂਲ ਟਰੱਸਟੀ ਸਤਪਾਲ ਸਿੰਘ ਜੌਹਲ ਨਾਲ਼, ਸੁਪਰਡੈਂਟ ਨੀਰਜਾ ਪੰਜਾਬੀ, ਪ੍ਰਿੰ. ਗੁਰਮੀਤ ਗਿੱਲ (ਸੱਜੇ), ਅਤੇ ਉਪ-ਪ੍ਰਿੰਸੀਪਲ ਸ਼ਿਲਪਾ ਕੋਟੀਆਂ।

ਬੱਚੇ ਪੜ੍ਹਾਉਣ ਦੀ ਵਿਦੇਸ਼ਾਂ ਤੋਂ ਲਿਆਂਦੀ ਸੋਚ ਕੈਨੇਡਾ ਦੇ ਸਿੱਖਿਆ ਸਿਸਟਮ ਵਿੱਚ ਕੰਮ ਨਹੀਂ ਕਰਦੀ : ਪ੍ਰਿੰਸੀਪਲ ਬੈਂਸ


ਬਰੈਂਪਟਨ, (ਹਰਜੀਤ ਸਿੰਘ ਬਾਜਵਾ)-ਬਰੈਂਪਟਨ ਦੇ ਵਾਰਡ 9 ਅਤੇ 10 ਤੋਂ ਪੀਲ ਡਿਸਟਰਿਕਟ ਸਕੂਲ ਬੋਰਡ ਟਰੱਸਟੀ ਸਤਪਾਲ ਸਿੰਘ ਜੌਹਲ ਨੇ ਬੀਤੇ ਹਫਤਿਆਂ ਤੋਂ ਆਪਣੇ ਹਲਕੇ ਦੇ ਸਕੂਲਾਂ ਦਾ ਦੌਰਾਨ ਕਰਨਾ ਜਾਰੀ ਰੱਖਿਆ ਹੈ ਜਿਸ ਦੌਰਾਨ ਉਨ੍ਹਾਂ ਨੂੰ ਸਕੂਲਾਂ ਦੇ ਸਟਾਫ, ਮਾਪਿਆਂ ਅਤੇ ਬੱਚਿਆਂ ਵਲੋਂ ਭਰਵਾਂ ਸਹਿਯੋਗ ਪ੍ਰਾਪਤ ਹੋ ਰਿਹਾ ਹੈ। ਲੋਕਾਂ ਦਾ ਧੰਨਵਾਦ ਕਰਦਿਆਂ ਸਕੂਲ ਟਰੱਸਟੀ ਸਤਪਾਲ ਸਿੰਘ ਜੌਹਲ ਨੇ ਦੱਸਿਆ ਕਿ ਬੀਤੇ ਹਫਤਿਆਂ ਦੌਰਾਨ ਪੇਰੈਂਟ ਕੌਸਲ ਮੀਟਿੰਗਾਂ ਵਿੱਚ ਜਾ ਕੇ ਅਤੇ ਸਕੂਲਾਂ ਦੇ ਪ੍ਰਿੰਸੀਪਲਾਂ ਨਾਲ਼ ਮੁਲਾਕਾਤਾਂ ਕਰਕੇ ਸਕੂਲਾਂ ਵਿੱਚ ਵਰਦੀ ਬਾਰੇ ਲੋਕਾਂ ਦੇ ਵਿਚਾਰ ਜਾਨਣ ਦੀ ਕੋਸ਼ਿਸ਼ ਕੀਤੀ ਹੈ। ਬੋਰਡ ਦੀ ਨੀਤੀ ਅਨੁਸਾਰ ਉਸ ਸਕੂਲ ਵਿੱਚ ਵਰਦੀ ਲਾਗੂ ਕਰਨਾ ਸੰਭਵ ਹੈ ਜਿੱਥੇ 70 ਫੀਸਦ ਮਾਪੇ ਅਤੇ ਵਿਦਿਆਰਥੀ ਇਸ ਦੇ ਹੱਕ ਵਿੱਚ ਹੋਣ। ਪਰ ਵੱਖ ਵੱਖ ਭਾਈਚਾਰਿਆਂ ਵਿੱਚ ਇਸ ਬਾਰੇ ਵੱਖ ਵੱਖ ਰਾਏ ਪਾਈ ਜਾ ਰਹੀ ਅਤੇ ਕੈਨੇਡਾ ਦੇ ਬਹੁਸਭਿਆਚਾਰਕ ਸਮਾਜ ਵਿੱਚ ਹਰੇਕ ਭਾਈਚਾਰੇ ਦੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰਨਾ ਜਰੂਰੀ ਹੈ। ਵਾਰਡ 9 `ਚ ਸਥਿਤ ਸਟੈਨਲੀ ਮਿੱਲਜ਼ ਪਬਲਿਕ ਸਕੂਲ ਦੇ ਪ੍ਰਿੰਸੀਪਲ ਦੀਪ ਬੈਂਸ ਨਾਲ਼ ਬੀਤੇ ਹਫਤੇ ਟਰੱਸਟੀ ਸਤਪਾਲ ਸਿੰਘ ਜੌਹਲ ਦੀ ਵਿਸਥਾਰਿਤ ਮੀਟਿੰਗ ਹੋਈ ਜਿਸ ਵਿੱਚ ਸਕੂਲਾਂ ਵਿੱਚ ਲੜਾਈਆਂ, ਨਸ਼ਿਆਂ, ਸਸਪੈਂਸ਼ਨਾਂ, ਹਥਿਆਰਾਂ, ਅਤੇ ਬੱਚਿਆਂ ਦੇ ਵਿਗੜਨ ਬਾਰੇ ਗੱਲਬਾਤ ਕੀਤੀ ਗਈ। ਉਨ੍ਹਾਂ ਆਖਿਆ ਕਿ ਸੋਸ਼ਲ ਮੀਡੀਆ ਦੇ ਇਸ ਸਮੇਂ ਚੱਲ ਰਹੇ ਦੌਰ ਦੌਰਾਨ ਹੁਣ ਸਮਾਂ ਆ ਗਿਆ ਹੈ ਕਿ ਸਕੂਲਾਂ ਵਿੱਚ ਬੱਚਿਆਂ ਨੂੰ ਦਿੱਤੇ ਜਾਂਦੇ ਮਾਹੌਲ ਦਾ ਘਰਾਂ ਵਿੱਚ ਬੱਚਿਆਂ ਨੂੰ ਮਿਲਣ ਵਾਲੇ ਮਾਹੌਲ ਨੇ ਨਾਲ਼ ਮੇਲ਼ ਕਰਦਾ ਹੋਣਾ ਚਾਹੀਦਾ ਹੈ। ਪ੍ਰਿੰਸੀਪਲ ਬੈਂਸ ਨੇ ਕਿਹਾ ਕਿ ਉਹ ਪੇਰੈਂਟ ਕੌਂਸਲ ਵਿੱਚ ਵਰਦੀ ਬਾਰੇ ਵਿਚਾਰ ਰੱਖਣਗੇ ਅਤੇ ਇਸ ਬਾਰੇ ਮਾਪਿਆਂ ਤੋਂ ਮਿਲੀ ਰਾਏ ਦੇ ਅਧਾਰ `ਤੇ ਕੰਮ ਕੀਤਾ ਜਾਵੇਗਾ।ਸਕੂਲਾਂ ਦੇ ਛੇ ਘੰਟੇ ਤੇ ਘਰਾਂ ਵਿੱਚ ਅਤੇ ਸਮਾਜ ਵਿੱਚ ਬੱਚੇ ਦੇ 18 ਘੰਟੇ ਉਸ ਦੇ ਸਰਵਪੱਖੀ ਵਿਕਾਸ ਵਿੱਚ ਮਹੱਤਵ ਰੱਖਦੇ ਹਨ ਜਿਸ ਕਰਕੇ ਘਰਾਂ ਵਿੱਚ ਵੀ ਬੱਚਿਆਂ ਦੇ ਕੰਪਿਊਟਰ ਅਤੇ ਫੋਨਾਂ (ਗਰੁੱਪ ਚੈਟਾਂ) ਉਪਰ ਮਾਪਿਆਂ ਦੀ ਚੌਕਸੀ ਤੇ ਕੰਟਰੋਲ ਰਹਿਣਾ ਜਰੂਰੀ ਹੈ। ਇਹ ਵੀ ਕਿ ਬੱਚਿਆਂ ਦੇ ਬੈੱਡਰੂਮ ਵਿੱਚ ਕੰਪਿਊਟਰ ਅਤੇ ਫੋਨ ਨਹੀਂ ਵੜਨ ਦਿੱਤਾ ਜਾਣਾ ਚਾਹੀਦਾ ਅਤੇ ਇਹ ਚੌਕਸੀ ਮਾਪਿਆਂ ਤੋਂ ਬਿਨਾ ਹੋਰ ਕੋਈ ਨਹੀਂ ਰੱਖ ਸਕਦਾ। ਇਕ ਸੱਚ ਇਹ ਹੈ ਕਿ ਮਾਪਿਆਂ ਦੀ ਬੇਧਿਆਨੀ ਕਾਰਨ ਬੱਚੇ ਵਿਗਾੜਾਂ ਦਾ ਸ਼ਿਕਾਰ ਹੋਣ ਲੱਗਦੇ ਹਨ ਅਤੇ ਸਕੂਲਾਂ ਵਿੱਚ ਜਾ ਕੇ ਅਕਸਰ ਉਹ ਵਿਗਾੜ ਹੋਰ ਵੱਡੇ ਹੋ ਸਕਦੇ ਹੁੰਦੇ ਹਨ। ਪ੍ਰਿੰਸੀਪਲ ਬੈਂਸ ਨੇ ਕਿਹਾ ਕਿ ਬੱਚਿਆ ਨੂੰ ਪੜ੍ਹਾਉਣ ਲਈ ਮਾਪਿਆਂ ਵਲੋਂ ਵਿਦੇਸ਼ਾਂ ਤੋਂ ਲਿਆਂਦੀ ਸੋਚ ਕੈਨੇਡਾ ਦੇ ਸਿੱਖਿਆ ਸਿਸਟਮ ਵਿੱਚ ਕਾਰਗਰ ਸਾਬਿਤ ਨਹੀਂ ਹੋ ਸਕਦੀ। ਏਥੇ ਬੱਚਿਆਂ ਦੇ ਬਿਹਤਰੀ ਵਾਸਤੇ ਮਾਪਿਆਂ ਨੂਮ ਟੀਚਰਾਂ ਨਾਲ਼ ਲਗਾਤਾਰ ਸੰਪਰਕ ਅਤੇ ਸਹਿਯੋਗ ਵਿੱਚ ਰਹਿਣਾ ਜਰੂਰੀ ਹੈ। ਸਕੂਲ ਟਰੱਸਟੀ ਸਤਪਾਲ ਸਿੰਘ ਜੌਹਲ ਨੇ ਪਿਛਲੇ ਦਿਨੀਂ ਵਾਰਡ 9 ਵਿੱਚ ਫ੍ਰਨਫਾਰੈਸਟ ਪਬਲਿਕ ਸਕੂਲ ਦਾ ਵੀ ਦੌਰਾ ਕੀਤਾ ਸੀ ਜਿੱਥੇ ਪ੍ਰਿੰਸੀਪਲ ਗੁਰਮੀਤ ਗਿੱਲ ਵਲੋਂ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ। ਸਟੈਨਲੀ ਮਿੱਲਜ਼ ਸਕੂਲ ਅਤੇ ਫ੍ਰਨਫਾਰੈਸਟ ਸਕੂਲਾਂ ਦੀ ਖੂਬਸੂਰਤੀ ਇਹ ਹੈ ਕਿ ਬੀਤੇ ਸਾਲਾਂ ਵਿੱਚ ਓਥੇ ਕੋਈ ਵੀ ਬੱਚਾ ਸਸਪੈਂਡ ਨਹੀਂ ਕਰਨਾ ਪਿਆ ਜਦਕਿ ਲੁਈਸ ਆਰਬਰ, ਕੈਸਲਬਰੁੱਕ, ਰੌਸ ਡ੍ਰਾਈਵ ਸਮੇਤ ਹਲਕੇ ਦੇ ਕਈ ਹੋਰ ਸਕੂਲਾਂ ਵਿੱਚ ਹਾਲਾਤ ਬੜੇ ਵੱਖਰੇ ਹਨ ਜਿੱਥੋਂ ਲੜਾਈਆਂ, ਨਸ਼ਿਆਂ, ਵਿਤਕਰੇ ਕਾਰਨ ਕਈ ਬੱਚੇ ਸਸਪੈਂਡ ਕੀਤੇ ਗਏ ਅਤੇ ਸਕੂਲਾਂ ਵਿੱਚੋਂ ਕੱਢੇ ਵੀ ਗਏ ਜਿਨ੍ਹਾਂ ਵਿੱਚ ਪੰਜਾਬੀ ਬੱਚਿਆਂ ਦੀ ਚੋਖੀ ਗਿਣਤੀ ਹੈ। ਪ੍ਰਿੰਸੀਪਲ ਬੈਨਸ ਨੇ ਕਿਹਾ ਕਿ ਸਕੂਲ ਦੇ ਸਿਸਟਮ ਵਿੱਚ ਕਿਸੇ ਇਕ ਕਮਿਊਨਟੀ ਦੇ ਬੱਚਿਆਂ ਅਤੇ ਮਾਪਿਆਂ ਨਾਲ਼ ਲਿਹਾਜ਼ ਅਤੇ ਹੋਰਨਾਂ ਕਮਿਊਨਿਟੀਆਂ ਦੇ ਬੱਚਿਆਂ ਤੇ ਮਾਪਿਆਂ ਨਾਲ਼ ਵਿਤਕਰੇ ਜਾਂ ਵਧੀਕੀ ਨੂੰ ਸਵਿਕਾਰ ਨਹੀਂ ਕੀਤੀ ਜਾਂਦੀ ਅਤੇ ਹਰੇਕ ਸਥਿਤੀ ਨੂੰ ਨਿਯਮਾਂ ਤਹਿਤ (ਜਰੂਰਤ ਹੋਵੇ ਤਾਂ ਸਖਤੀ ਨਾਲ਼) ਨਜਿੱਠਿਆ ਜਾਂਦਾ ਹੈ।



 
Have something to say? Post your comment
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਪਹਿਲੀ ਅਕਤੂਬਰ ਤੋਂ ਓਨਟਾਰੀਓ ਵਿੱਚ ਘੱਟ ਤੋਂ ਘੱਟ ਉਜਰਤਾਂ ਵਿੱਚ ਹੋਵੇਗਾ ਵਾਧਾ ਪਾਅਨ ਸ਼ੌਪ ਦੇ ਬਾਹਰ ਚੱਲੀ ਗੋਲੀ, ਇੱਕ ਹਲਾਕ ਬਾਲਕਨੀ ਵਿੱਚੋਂ ਡਿੱਗਣ ਕਾਰਨ ਇੱਕ ਵਿਅਕਤੀ ਦੀ ਹੋਈ ਮੌਤ, ਐਸਆਈਯੂ ਕਰ ਰਹੀ ਹੈ ਜਾਂਚ ਟੋਰਾਂਟੋ ਦੇ ਮੇਅਰ ਦੇ ਅਹੁਦੇ ਦੀ ਦੌੜ ਵਿੱਚ ਮਿਤਜ਼ੀ ਹੰਟਰ ਵੀ ਨਿੱਤਰੀ ਗੁਰਦੀਪ ਭੁੱਲਰ ਦੀ ਬਿਨਾਂ ਵਾਰਤਲਾਪ ਤੋਂ ਲਘੂ ਫਿਲਮ ‘ਦਾ-ਬੈਲ’ ਦੀ ਹੋਈ ਸਕ੍ਰੀਨਿੰਗ ਘਰ ਵਿੱਚ ਲੱਗੀ ਅੱਗ ਕਾਰਨ 60 ਸਾਲਾ ਵਿਅਕਤੀ ਦੀ ਹੋਈ ਮੌਤ ਯੌਰਕ ਯੂਨੀਵਰਸਿਟੀ ਵਿੱਚ ਛੁਰੇਬਾਜ਼ੀ ਕਾਰਨ ਇੱਕ ਵਿਅਕਤੀ ਗੰਭੀਰ ਜ਼ਖ਼ਮੀ ਨੀਨਾ ਤਾਂਗੜੀ ਨੇ ਹਾਊਸਿੰਗ ਦੇ ਐਸੋਸੀਏਟ ਮੰਤਰੀ ਵਜੋਂ ਸੰਭਾਲਿਆ ਅਹੁਦਾ 5 ਸਾਲਾ ਬੱਚੀ ਨਾਲ ਹੋਈ ਬੁਲਿੰਗ ਤੋਂ ਬਾਅਦ ਪਰਿਵਾਰ ਨੇ ਹੈਮਿਲਟਨ ਸਕੂਲ ਬੋਰਡ ਉੱਤੇ ਠੋਕਿਆ ਕੇਸ ਦੋ ਗੱਡੀਆਂ ਦੀ ਟੱਕਰ ਵਿੱਚ 4 ਜ਼ਖ਼ਮੀ, ਇੱਕ ਦੀ ਹਾਲਤ ਨਾਜ਼ੁਕ