ਸ਼੍ਰੀਕਾਕੁਲਮ, 5 ਫਰਵਰੀ (ਪੋਸਟ ਬਿਊਰੋ) - ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਕਾਕੁਲਮ ਜ਼ਿਲੇ ਦੇ ਅਮਦਲਾਵਾਲਾ ਮੰਡਲ ਦੇ ਮੰਡਦੀ ਵਿਚ ਇੱਕ ਦਰਦਨਾਕ ਸੜਕ ਹਾਦਸੇ ਵਿਚ ਇਕ ਟਰੱਕ ਮਜਦੂਰਾਂ ’ਤੇ ਚੜ੍ਹ ਗਿਆ, ਜਿਸ ਵਿਚ ਤਿੰਨ ਔਰਤਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਹਾਦਸੇ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਅਮਲੇਵਾਲਾ ਦੇ ਸਬ-ਇੰਸਪੈਕਟਰ ਕਿ੍ਰਸ਼ਨ ਨੇ ਦੱਸਿਆ ਕਿ ਇਕ ਹੋਰ ਮੁਲਾਜ਼ਮ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਇਸ ਦੇ ਨਾਲ ਹੀ ਟਰੱਕ ਦੇ ਡਰਾਈਵਰ ਨੇ ਦੱਸਿਆ ਕਿ ਇਹ ਹਾਦਸਾ ਬ੍ਰੇਕ ਫ਼ੇਲ ਹੋਣ ਕਾਰਣ ਵਾਪਰਿਆ ਹੈ।
ਪੁਲਸ ਨੇ ਅੱਗੇ ਕਿਹਾ, “ਲਾਰੀ ਡਰਾਈਵਰ ਨੇ ਪੁਲਿਸ ਸਟੇਸ਼ਨ ’ਤੇ ਆਤਮ ਸਮਰਪਣ ਕਰ ਦਿੱਤਾ, ਜਦੋਂ ਕਿ ਪੁਲਸ ਹਾਦਸੇ ਦੇ ਕਾਰਣਾਂ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ।“ ਇਹ ਹਾਦਸਾ ਸ਼੍ਰੀਕਾਕੁਲਮ ਜ਼ਿਲੇ ਦੇ ਅਮਾਦਲਾਵਲਸਾ ’ਚ ਸ਼ਨੀਵਾਰ ਸ਼ਾਮ ਨੂੰ ਉਸ ਸਮੇਂ ਵਾਪਰਿਆ ਜਦੋਂ ਵਿਜਿਆਨਗਰਮ ਤੋਂ ਕਾਸ਼ੀ ਕਸਬੇ ਜਾ ਰਿਹਾ ਇਕ ਟਰੱਕ ਸੜਕ ’ਤੇ ਪੈਦਲ ਜਾ ਰਹੇ ਮਜਦੂਰਾਂ ’ਤੇ ਚੜ੍ਹ ਗਿਆ। ਐੱਸ.ਪੀ. ਨੇ ਕਿਹਾ, “ਲਗਭਗ 200 ਮਜਦੂਰ ਸੜਕ ’ਤੇ ਪੈਦਲ ਜਾ ਰਹੇ ਸਨ। ਤਿੰਨ ਔਰਤਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ।“