ਬਰੈਂਪਟਨ, 22 ਨਵੰਬਰ (ਪੋਸਟ ਬਿਊਰੋ) : ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਗਿਵਿੰਗ ਟਿਊਜ਼ਡੇਅ ਨੂੰ ਵਿਲੀਅਮ ਓਸਲਰ ਹੈਲਥ ਸਿਸਟਮ ਫਾਊਂਡੇਸ਼ਨ (ਓਸਲਰ ਫਾਊਂਡੇਸ਼ਨ) ਵੱਲੋਂ 20,000 ਡਾਲਰ ਇੱਕਠਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਇੱਕਠੀ ਕੀਤੀ ਜਾਣ ਵਾਲੀ ਇਸ ਰਕਮ ਨਾਲ ਵਿਲੀਅਮ ਓਸਲਰ ਹੈਲਥ ਸਿਸਟਮ ਲਈ 40 ਨਵੀਆਂ ਵ੍ਹੀਲਚੇਅਰਜ਼ ਖਰੀਦੀਆਂ ਜਾਣਗੀਆਂ।
ਕਿਸੇ ਵੀ ਹਸਪਤਾਲ ਵਿੱਚ ਸੱਭ ਤੋਂ ਵੱਧ ਕੰਮ ਆਉਣ ਵਾਲਾ ਇਕਿਉਪਮੈਂਟ ਵ੍ਹੀਲਚੇਅਰਜ਼ ਹੀ ਹੁੰਦੀਆਂ ਹਨ। ਓਸਲਰ ਵਿੱਚ ਇਲਾਜ ਕਰਵਾਉਣ ਵਾਸਤੇ ਆਉਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਿੱਚ ਲਗਾਤਾਰ ਵਾਧਾ ਹੋਣ ਨਾਲ ਨਵੀਆਂ ਵ੍ਹੀਲਚੇਅਰਜ਼ ਦੀ ਮੰਗ ਵੀ ਵੱਧ ਰਹੀ ਹੈ ਤੇ ਅਕਸਰ ਵਰਤੋਂ ਵਿੱਚ ਆਉਣ ਕਾਰਨ ਇਨ੍ਹਾਂ ਦੀ ਮੁਰੰਮਤ ਕਰਵਾਉਣਾ ਜਾਂ ਇਨ੍ਹਾਂ ਨੂੰ ਬਦਲਣ ਦੀ ਲੋੜ ਮਹਿਸੂਸ ਹੁੰਦੀ ਰਹਿੰਦੀ ਹੈ।
ਹਰੇਕ ਨਵੀਂ ਵ੍ਹੀਲਚੇਅਰ ਦੀ ਕੀਮਤ 500 ਡਾਲਰ ਹੈ ਤੇ ਕਮਿਊਨਿਟੀ ਵੱਲੋਂ ਇਨ੍ਹਾਂ ਦੀ ਖਰੀਦ ਲਈ ਫੰਡ ਹਾਸਲ ਕਰਨਾ ਵੀ ਜ਼ਰੂਰੀ ਹੈ। ਫਰਾਖ਼ਦਿਲੀ ਨਾਲ ਇਸ ਪਾਸੇ ਕਮਿਊਨਿਟੀ ਨੂੰ ਹੱਲਾਸ਼ੇਰੀ ਦੇਣ ਵਾਸਤੇ ਜੌਹਨ ਐਸਪਲੈਨ ਤੇ ਦ ਹੰਬਰਵਿਊ ਗਰੁੱਪ 31 ਦਸੰਬਰ ਤੱਕ ਇੱਕਠੇ ਹੋਣ ਵਾਲੇ 1 ਮਿਲੀਅਨ ਡਾਲਰ ਤੱਕ ਦੇ ਫੰਡਾਂ ਦੇ ਬਰਾਬਰ ਡੋਨੇਸ਼ਨ ਦੇਵੇਗਾ।