ਓਨਟਾਰੀਓ, 25 ਸਤੰਬਰ (ਪੋਸਟ ਬਿਊਰੋ) : ਬੀਤੇ ਦਿਨੀਂ ਮਨਿਸਟਰ ਆਫ ਸੀਨੀਅਰਜ਼ ਕਮਲ ਖਹਿਰਾ ਨੇ ਨਿਊ ਹੋਰਾਈਜ਼ਨਜ਼ ਫੌਰ ਸੀਨੀਅਰਜ਼ ਪ੍ਰੋਗਰਾਮ (ਐਨਐਚਐਸਪੀ) ਲਈ ਪ੍ਰਸਤਾਵਾਂ ਦੀ ਮੰਗ ਕੀਤੀ।
ਐਨਐਚਐਸਪੀ ਫੈਡਰਲ ਗ੍ਰਾਂਟਸ ਤੇ ਕੌਂਟ੍ਰੀਬਿਊਸ਼ਨ ਪ੍ਰੋਗਰਾਮ ਹੈ ਜਿਸ ਦਾ ਟੀਚਾ ਬਜੁ਼ਰਗਾਂ ਨੂੰ ਕਮਿਊਨਿਟੀ ਵਿੱਚ ਸਰਗਰਮ ਤੇ ਹੋਰਨਾਂ ਕੰਮਾਂ ਵਿੱਚ ਰੁੱਝਿਆ ਰੱਖਣ ਵਾਲੇ ਪੋ੍ਰਜੈਕਟਾਂ ਦੀ ਮਦਦ ਕਰਨਾ ਹੈ। ਹਰ ਸਾਲ ਕੈਨੇਡਾ ਭਰ ਦੀਆਂ ਸੰਸਥਾਂਵਾਂ ਨੂੰ ਕਮਿਊਨਿਟੀ ਅਧਾਰਤ ਪ੍ਰੋਜੈਕਟਸ ਲਈ ਪ੍ਰਸਤਾਵਾਂ ਰਾਹੀਂ ਐਨਐਚਐਸਪੀ ਫੰਡਿੰਗ ਲਈ ਅਪਲਾਈ ਕਰਨ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਇਹ ਪੋ੍ਰਜੈਕਟਸ ਸੀਨੀਰਜ਼ ਨੂੰ ਆਪਣੀਆਂ ਕਮਿਊਨਿਟੀਜ਼ ਵਿੱਚ ਸਸ਼ਕਤ ਕਰਨ ਤੇ ਉਨ੍ਹਾਂ ਦੀ ਸਿਹਤ ਵਿੱਚ ਸੁਧਾਰ ਲਈ ਚਲਾਏ ਜਾਂਦੇ ਹਨ।
ਇਨ੍ਹਾਂ ਪੋ੍ਰਜੈਕਟਸ ਲਈ 25,000 ਡਾਲਰ ਤੱਕ ਦੀ ਗ੍ਰਾਂਟ ਫੰਡਿੰਗ ਮੁਹੱਈਆ ਕਰਵਾਈ ਜਾਂਦੀ ਹੈ। ਇਹ ਪ੍ਰਸਤਾਵ ਪਹਿਲੀ ਨਵੰਬਰ, 2022 ਤੱਕ ਖੁੱਲ੍ਹੇ ਰਹਿਣਗੇ।