ਸਵਰਾ ਭਾਸਕਰ ਦੀ ਫਿਲਮ ‘ਜਹਾਂ ਚਾਰ ਯਾਰ’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ਵਿੱਚ ਸਾਰੇ ਕਲਾਕਾਰ ਮਸਤੀ ਦੇ ਮੂਡ ਵਿੱਚ ਨਜ਼ਰ ਆਏ ਹਨ। ਇਹ ਕਾਮੇਡੀ ਫਿਲਮ ਹੈ। ਫਿਲਮ ਵਿੱਚ ਸਵਰਾ ਦੇ ਇਲਾਵਾ ਸ਼ਿਖਾ ਤਲਸਾਨੀਆ, ਮੇਹਰ ਵਿੱਜ ਅਤੇ ਪੂਜਾ ਚੋਪੜਾ ਵੀ ਨਜ਼ਰ ਆਉਣਗੀਆਂ।ਸਵਰਾ ਨੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਫਿਲਮ ਦਾ ਟ੍ਰੇਲਰ ਸ਼ੇਅਰ ਕੀਤਾ ਅਤੇ ਲਿਖਿਆ, ‘‘ਆਓ ‘ਗਰਲ ਟਿ੍ਰਪ ਆਪ ਦ ਈਅਰ’ ਵਿੱਚ ਸ਼ਾਮਲ ਹੋਈਏ, ਜਿੱਥੇ ਮਸਤੀ, ਉਲਾਸ, ਪਿਆਰ ਅਤੇ ਲਾਫਟਰ ਹੋਣ ਵਾਲਾ ਹੈ। ਫਿਲਮ ਦਾ ਟ੍ਰੇਲਰ ਜਾਰੀ ਹੋ ਗਿਆ ਹੈ।
ਇਹ ਫਿਲਮ 16 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਹ ਰੋਡ ਟਿ੍ਰਪ ਉੱਤੇ ਆਧਾਰਤ ਫਿਲਮ ਹੈ, ਜਿਸ ਵਿੱਚ ਚਾਰੇ ਅਭਿਨੇਤਰੀਆਂ ਆਪਣੇ ਪਤੀਆਂ ਨੂੰ ਛੱਡ ਕੇ ਦੋਸਤਾਂ ਨਾਲ ਗੋਆ ਟਿ੍ਰਪ ਉੱਤੇ ਨਿਕਲ ਜਾਂਦੀਆਂ ਹਨ। ਜਦ ਘਰ ਦੇ ਕੰਮਾਂ ਤੋਂ ਇਨ੍ਹਾਂ ਚਾਰਾਂ ਔਰਤਾਂ ਦਾ ਮਨ ਅੱਕ ਜਾਂਦਾ ਹੈ ਤਾਂ ਕੁਝ ਐਡਵੈਂਚਰ ਕਰਨ ਦਾ ਫੈਸਲਾ ਲੈਂਦੀਆਂ ਹਨ। ਇਸ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਇਹ ਔਰਤਾਂ ਪਤੀ ਦੀ ਪਰਛਾਈ ਤੋਂ ਬਾਹਰ ਨਿਕਲਦੀਆਂ ਹਨ। ਫਿਲਮ ਨੂੰ ਕਮਲ ਪਾਂਡੇ ਨੇ ਡਾਇਰੈਕਟ ਕੀਤਾ ਹੈ। ਇਹ ਉਨ੍ਹਾਂ ਦੇ ਨਿਰਦੇਸ਼ਨ ਦੀ ਪਹਿਲੀ ਫਿਲਮ ਹੈ।