ਫਿਲਮ ‘ਅੰਤਿਮ : ਦ ਫਾਈਨਲ ਟਰੁੱਥ’ ਦੀ ਸਫਲਤਾ ਪਿੱਛੋਂ ਆਯੂਸ਼ ਸ਼ਰਮਾ ਨੇ ਆਪਣੀ ਤੀਸਰੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੀ ਜਾਣਕਾਰੀ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਇੱਕ ਤਸਵੀਰ ਸ਼ੇਅਰ ਕਰ ਕੇ ਦਿੱਤੀ ਹੈ। ਫਿਲਮ 2023 ਵਿੱਚ ਰਿਲੀਜ਼ ਹੋਵੇਗੀ। ਉਸ ਨੇ ਫਿਲਮ ਵਿਚਲੀ ਆਪਣੀ ਪਹਿਲੀ ਦਿਖ ਵੀ ਸਾਂਝੀ ਕੀਤੀ ਹੈ। ਉਸ ਨੇ ਪੋਸਟ ਵਿੱਚ ਲਿਖਿਆ, ‘‘ਇਸ ਫਿਲਮ ਵਿੱਚ ਗਿਟਾਰ ਵੀ ਵੱਜੇਗਾ ਅਤੇ ਰਬੜ ਬੈਂਡ ਵੀ...ਅਤੇ ਜੇ ਮੈਂ ਸਾਰੀ ਜਾਣਕਾਰੀ ਅੱਜ ਹੀ ਦੱਸ ਦੇਵਾਂ ਤਾਂ ਮਜ਼ਾ ਵੀ ਕਿਰਕਿਰਾ ਹੋ ਜਾਵੇਗਾ। ਬੱਸ ਇਹੀ ਕਹਿਣਾ ਸੀ ਕਿ 2023 ਵਿੱਚ ਮਿਲਾਂਗੇ।”
ਫਿਲਮ ਦੇ ਟਾਈਟਲ ਅਤੇ ਨਿਰਦੇਸ਼ਕ ਦੇ ਨਾਂਅ ਦਾ ਅਜੇ ਐਲਾਨ ਨਹੀਂ ਹੋਇਆ। ਸ਼ਰਮਾ ਜਲਦੀ ਸਲਮਾਨ ਖਾਨ ਦੀ ਅਗਲੀ ਫਿਲਮ ਵਿੱਚ ਵੀ ਨਜ਼ਰ ਆ ਸਕਦੇ ਹਨ, ਜਿਸ ਦਾ ਨਾਂਅ ‘ਕਭੀ ਈਦ ਕਭੀ ਦੀਵਾਲੀ’ ਦੱਸਿਆ ਜਾ ਰਿਹਾ ਹੈ।