ਜੈਸਮਿਨ ਭਸੀਨ ਜਲਦੀ ਹੀ ਆਪਣਾ ਬਾਲੀਵੁੱਡ ਡੈਬਿਊ ਕਰਨ ਵਾਲੀ ਹੈ। ਜੈਸਮਿਨ ਫਿਲਮ ਡਾਇਰੈਕਟਰਾਂ ਮਹੇਸ਼ ਭੱਟ ਅਤੇ ਵਿਕਰਮ ਭੱਟ ਨਾਲ ਆਉਣ ਵਾਲੇ ਇੱਕ ਪ੍ਰੋਜੈਕਟ ਵਿੱਚ ਕੰਮ ਕਰਨ ਜਾ ਰਹੀ ਹੈ। ਇਸ ਦੀ ਜਾਣਕਾਰੀ ਉਸ ਨੇ ਖੁਦ ਦਿੱਤੀ ਹੈ।ਜੈਸਮਿਨ ਨੇ ਕਿਹਾ, ‘‘ਮੈਂ ਫਿਲਮ ਬਾਰੇ ਬਹੁਤ ਉਤਸ਼ਾਹਤ ਹਾਂ। ਇਹ ਪ੍ਰਫਾਰਮੈਂਸ ਓਰੀਐਂਟਿਡ ਰੋਲ ਹੈ। ਇਹ ਮੇਰੇ ਲਈ ਸੁਫਨੇ ਦੇ ਸੱਚ ਹੋਣ ਵਾਂਗ ਹੈ। ਮੈਂ ਪਹਿਲਾਂ ਜੋ ਕੀਤਾ ਹੈ ਉਸ ਤੋਂ ਇਹ ਭੂਮਿਕਾ ਬਹੁਤ ਅਲੱਗ ਹੈ। ਭਾਵੇਂ ਫਿਲਮ ਨੂੰ ਫਲੋਰ ਉੱਤੇ ਜਾਣ ਵਿੱਚ ਕੁਝ ਸਮਾਂ ਲੱਗੇਗਾ, ਪਰ ਮੈਨੂੰ ਯਕੀਨ ਹੈ ਕਿ ਇੱਕ ਵਾਰ ਜਦ ਰਿਲੀਜ਼ ਹੋ ਜਾਏਗੀ, ਤਾਂ ਸਾਰਿਆਂ ਨੂੰ ਹੈਰਾਨ ਕਰ ਦੇਵੇਗੀ।” ਜੈਸਮਿਨ ਸਿਰਫ ਬਾਲੀਵੁੱਡ ਵਿੱਚ ਹੀ ਨਹੀਂ, ਬਲਕਿ ਪਾਲੀਵੁੱਡ ਵਿੱਚ ਵੀ ਡੈਬਿਊ ਕਰਨ ਜਾ ਰਹੀ ਹੈ। ਉਹ ਗਿੱਪੀ ਗਰੇਵਾਲ ਦੇ ਨਾਲ ਫਿਲਮ ‘ਹਨੀਮੂਨ’ ਵਿੱਚ ਵੀ ਨਜ਼ਰ ਆਵੇਗੀ।