ਥ੍ਰੀ ਏਰੋਜ਼ ਪ੍ਰੋਡਕਸ਼ਨ ਆਪਣੀ ਪਹਿਲੀ ਫੀਚਰ ਫਿਲਮ ਬਣਾਉਣ ਵਾਲਾ ਹੈ। ਇਸ ਦਾ ਨਾਂਅ ‘ਮਿਸਿਜ਼ ਫਲਾਨੀ’ ਹੈ। ਇਸ ਫਿਲਮ ਵਿੱਚ ਸਵਰਾ ਭਾਸਕਰ ਲੀਡ ਰੋਲ ਵਿੱਚ ਆਏਗੀ। ਫਿਲਮ ਦੇ ਨਿਰਮਾਤਾ ਰਾਕੇਸ਼ ਡਾਂਗ, ਮਨੀਸ਼ ਕਿਸ਼ੋਰ, ਮਧੁਕਰ ਵਰਮਾ ਅਤੇ ਸੋਫੀਆ ਅਗਰਵਾਲ ਹਨ। ਇਸ ਵਿੱਚ ਸਵਰਾ ਨੌਂ ਅਲੱਗ-ਅਲੱਗ ਕਹਾਣੀਆਂ ਵਿੱਚ, ਨੌਂ ਅਲੱਗ ਅਲੱਗ ਤਰ੍ਹਾਂ ਦੇ ਰੋਲ ਨਿਭਾਉਣ ਵਾਲੀ ਹੈ। ਇਸ ਫਿਲਮ ਬਾਰੇ ਸਵਰਾ ਨੇ ਕਿਹਾ, ‘‘ਮੈਂ ਅੱਜ ਤੱਕ ਦੀਆਂ ਆਪਣੀਆਂ ਸਭ ਫਿਲਮਾਂ ਵਿੱਚ ਅਲੱਗ-ਅਲੱਗ ਰੋਲ ਨਿਭਾਏ ਹਨ, ਪਰ ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੈਨੂੰ ਨੌਂ ਅਲੱਗ-ਅਲੱਗ ਤਰ੍ਹਾਂ ਦੇ ਕਿਰਦਾਰ ਨਿਭਾਉਣ ਦਾ ਮੌਕਾ ਮਿਲੇਗਾ। ਮੈਂ ਪਹਿਲੀ ਵਾਰ ਨੌਂ ਛੋਟੀਆਂ ਅਲੱਗ ਅਲੱਗ ਫਿਲਮਾਂ ਵਿੱਚ ਨੌਂ ਅਲੱਗ ਅਲੱਗ ਕਿਰਦਾਰ ਨਿਭਾਉਣ ਜਾ ਰਹੀ ਹਾਂ। ਇਸ ਫਿਲਮ ਦੀ ਲੇਖਿਕਾ ਸ਼ਵੇਤਾ ਰੂਬੀ ਹੈ।”