Welcome to Canadian Punjabi Post
Follow us on

30

July 2025
ਬ੍ਰੈਕਿੰਗ ਖ਼ਬਰਾਂ :
ਪਿਛਲੀਆਂ ਸੂਬਾ ਸਰਕਾਰਾਂ ਵੱਲੋਂ ਪੰਜਾਬ ਦੇ ਬੀਬੀਐੱਮਬੀ ਹਿੱਤਾਂ ਦੀ ਅਣਦੇਖੀ ਕਾਰਨ ਬੇਨਿਯਮੀਆਂ ਹੋਈਆਂ : ਹਰਪਾਲ ਚੀਮਾ ਵਿਦੇਸ਼ੀ ਨਾਗਰਿਕ ਵੀ ਸਾਊਦੀ ਅਰਬ ਵਿੱਚ ਖਰੀਦ ਸਕਣਗੇ ਜਾਇਦਾਦ, ਮੱਕਾ-ਮਦੀਨਾ ਵਿੱਚ ਮਨਾਹੀਟਰੰਪ ਨੇ ਕਿਹਾ-ਅਮਰੀਕਾ ਭਾਰਤ 'ਤੇ 25% ਤੱਕ ਟੈਰਿਫ ਲਗਾ ਸਕਦਾ ਹੈਰੂਸ ਵਿੱਚ ਆਇਆ 8.8 ਤੀਬਰਤਾ ਨਾਲ ਦੁਨੀਆਂ ਦਾ ਛੇਵਾਂ ਸਭ ਤੋਂ ਵੱਡਾ ਭੂਚਾਲਬ੍ਰਿਟੇਨ ਫਿਲਿਸਤੀਨ ਨੂੰ ਇੱਕ ਦੇਸ਼ ਵਜੋਂ ਮਾਨਤਾ ਦੇ ਸਕਦਾ ਹੈ, 250 ਸੰਸਦ ਮੈਂਬਰਾਂ ਨੇ ਪ੍ਰਧਾਨ ਮੰਤਰੀ ਨੂੰ ਲਿਖਿਆ ਪੱਤਰਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਟਰੂਡੋ ਅਤੇ ਗਾਇਕਾ ਕੈਟੀ ਪੈਰੀ ਦੀ ਆਨਲਾਈਨ ਚੱਲੀ ‘ROAR’ ਅੰਮ੍ਰਿਤਸਰ ਵਿੱਚ ਪਾਕਿਸਤਾਨੀ ਤਸਕਰ ਦਾ ਗੁਰਗਾ ਪੰਜ ਆਧੁਨਿਕ ਪਿਸਤੌਲਾਂ ਸਮੇਤ ਕਾਬੂਚੀਨ ਵਿੱਚ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਨਾਲ 34 ਲੋਕਾਂ ਦੀ ਮੌਤ
 
ਮਨੋਰੰਜਨ

ਮੈਨੂੰ ਕਿਸੇ ਨੇ ਹੱਦ ਟੱਪਣ ਵਾਲਾ ਪਿਆਰ ਨਹੀਂ ਕੀਤਾ : ਦਿਸ਼ਾ ਪਟਾਨੀ

August 16, 2022 04:18 PM

ਖੂਬਸੂਰਤ ਅਭਿਨੇਤਰੀ ਦਿਸ਼ਾ ਪਟਾਨੀ ਨਵੀਂ ਫਿਲਮ ‘ਏਕ ਵਿਲੇਨ ਰਿਟਰਨਸ’ ਵਿੱਚ ਥੋੜ੍ਹੀ ਨੈਗੇਟਿਵ ਕਿਰਦਾਰ ਵਿੱਚ ਆ ਰਹੀ ਹੈ। ਇਸੇ ਸਿਲਸਿਲੇ ਵਿੱਚ ਹੋਈ ਇੱਕ ਮੁਲਾਕਾਤ ਦੌਰਾਨ ਦਿਸ਼ਾ ਨੇ ਫਿਲਮ, ਅੱਜ ਤੱਕ ਦੇ ਸਫਰ, ਜਾਨ ਅਤੇ ਸਲਮਾਨ ਵਰਗੇ ਸੀਨੀਅਰ ਕਲਾਕਾਰਾਂ ਨਾਲ ਕੰਮ ਦਾ ਅਨੁਭਵ ਸਾਂਝਾ ਕੀਤਾ। ਪੇਸ਼ ਹਨ ਉਸੇ ਗੱਲਬਾਤ ਦੇ ਕੁਝ ਅੰਸ਼ :
* ਇੰਨੀ ਖੂਬਸੂਰਤ ਅਤੇ ਹੌਟ ਦਿਸ਼ਾ ਨੂੰ ਖਲਨਾਇਕੀ ਕਰਨ ਦੀ ਕੀ ਸੁੱਝੀ?
- ਇਹ ਖਲਨਾਇਕੀ ਮੋਹਿਤ (ਸੂਰੀ) ਸਰ ਨੇ ਕਰਵਾ ਲਈ। ਅਜੇ ਕੀ ਬੋਲਾਂ, ਪਰ ਮੈਨੂੰ ਥ੍ਰਿਲਰ ਜਾਨਰ ਪਸੰਦ ਹੈ। ਮੈਂ ਇਹ ਬਚਪਨ ਤੋਂ ਦੇਖਦੇ ਹੋਏ ਵੱਡੀ ਹੋਈ ਹਾਂ ਅਤੇ ਹਮੇਸ਼ਾ ਤੋਂ ਕੂਲ ਕਰੈਕਟਰ ਕਰਨਾ ਚਾਹੰੁਦੀ ਸੀ, ਜੋ ਮੈਨੂੰ ਆਪਣੇ ਕਿਰਦਾਰ ਰਸਿਕਾ ਵਿੱਚ ਨਜ਼ਰ ਆਇਆ। ਰਸਿਕਾ ਇਕਦਮ ਅਲੱਗ ਕਰੈਕਟਰ ਹੈ। ਉਹ ਮੰਨਦੀ ਹੈ ਕਿ ਲਾਲਚ ਚੰਗੀ ਬਲਾਅ ਹੈ ਅਤੇ ਕੁਝ ਵੀ ਕਰ ਸਕਦੀ ਹੈ। ਉਸ ਨੂੰ ਪਤਾ ਹੈ ਕਿ ਉਹ ਆਕਰਸ਼ਕ ਹੈ ਅਤੇ ਆਪਣੇ ਆਕਰਸ਼ਣ ਅਤੇ ਚਲਾਕੀ ਨਾਲ ਲੜਕਿਆਂ ਨੂੰ ਇਸਤੇਮਾਲ ਕਰਦੀ ਹੈ।
* ਤੁਸੀਂ ਪਹਿਲੀ ਵਾਰ ਨੈਗੇਟਿਵ ਕਿਰਦਾਰ ਕੀਤਾ ਹੈ। ਇਸ ਮਾਨਸਿਕਤਾ ਨੂੰ ਸਮਝਣ ਲਈ ਕਿੱਦਾਂ ਦੀ ਤਿਆਰੀ ਕੀਤੀ?
- ਇਹ ਮੇਰੇ ਲਈ ਕਾਫੀ ਮੁਸ਼ਕਲ ਸੀ। ਜਿਵੇਂ ਅਸੀਂ ਕਹਿੰਦੇ ਹਾਂ ਕਿ ਇਹ ਹੀਰੋ ਜਾਂ ਵਿਲੇਨ ਦੀ ਗੱਲ ਨਹੀਂ, ਹਰ ਇਨਸਾਨ ਵਿੱਚ ਇੱਕ ਗ੍ਰੇਅ ਸ਼ੇਡ ਹੁੰਦਾ ਹੈ, ਜੋ ਮਾਹੌਲ ਦੇ ਹਿਸਾਬ ਨਜ਼ਰ ਆਉਂਦਾ ਹੈ। ਖੁਸ਼ਨਸੀਬੀ ਨਾਲ ਮੈਨੂੰ ਤਿਆਰੀ ਲਈ ਕਾਫੀ ਸਮਾਂ ਮਿਲਿਆ ਤਾਂ ਮੈਂ ਬਹੁਤ ਸਾਰੀਆਂ ਫਿਲਮਾਂ ਦੇਖੀਆਂ। ਇੱਕ ਕੋਰੀਅਨ ਸ਼ੋਅ ਹੈ ਸਟ੍ਰੈਜਰਸ, ਮੇਰੀ ਕੋਰੀਅਨ ਡਰਾਮਾ ਅਤੇ ਦੇ ਪੌਪ ਕਲਚਰ ਵਿੱਚ ਕਾਫੀ ਰੁਚੀ ਹੈ। ਇਸ ਦੇ ਇਲਾਵਾ ਕਈ ਚੀਜ਼ਾਂ ਦੇਖ ਕੇ ਕਿਰਦਾਰ ਦੀ ਗੁੰਝਲ ਸਮਝਣ ਦੀ ਕੋਸ਼ਿਸ਼ ਕੀਤੀ। ਇਸ ਦੇ ਇਲਾਵਾਮੋਹਿਤ ਸਰ ਅਜਿਹੇ ਡਾਇਰੈਕਟਰ ਹਨ, ਜਿਨ੍ਹਾਂ ਨੂੰ ਪਤਾ ਹੁੰਦਾ ਹੈ ਕਿ ਉਨ੍ਹਾਂ ਨੂੰ ਕੀ ਚਾਹੀਦੈ। ਇਸ ਲਈ ਉਨ੍ਹਾਂ ਦੇ ਨਾਲ ਕੰਮ ਕਰਨਾ ਬਹੁਤ ਆਸਾਨ ਹੋ ਜਾਂਦਾ ਹੈ। ਉਹ ਇਨਸਾਨ ਵੀ ਬਹੁਤ ਵਧੀਆ ਹਨ।
* ਫਿਲਮ ਵਿੱਚ ਜਾਨ ਅਬਰਾਹਮ ਦੇ ਨਾਲ ਕੰਮ ਕਰਨ ਦਾ ਤਜਰਬਾ ਕਿਸ ਤਰ੍ਹਾਂ ਦਾ ਰਿਹਾ? ਕੰਮ ਕਰਦੇ ਸਮੇਂ ਸ਼ੁਰੂ ਵਿੱਚ ਨਵਰਸਨੈੱਸ ਰਹਿੰਦੇ ਹੋ?
-ਬਿਲਕੁਲ, ਸ਼ੁਰੂ ਵਿੱਚ ਬਹੁਤ ਨਰਵਸਨੈੱਸ ਰਹਿੰਦੀ ਹੈ, ਪਰ ਜਾਨ ਬਹੁਤ ਕੇਅਰਿੰਗ ਹਨ। ਸਭ ਨਾਲ ਬਹੁਤ ਪਿਆਰ ਨਾਲ ਗੱਲ ਕਰਦੇ ਹਨ। ਸਭ ਨੂੰ ਬਾਬਾ ਬੋਲਦੇ ਹਨ। ਬਾਬਾ ਠੀਕ ਹੋ? ਜਦ ਉਨ੍ਹਾਂ ਦੀ ‘ਧੂਮ’ ਆਈ, ਤਦ ਤੋਂ ਮੈਂ ਉਨ੍ਹਾਂ ਦੀ ਬਹੁਤ ਵੱਡੀ ਫੈਨ ਰਹੀ ਹਾਂ ਤਾਂ ਉਨ੍ਹਾਂ ਨਾਲ ਕੰਮ ਕਰਨਾ ਮੇਰੇ ਲਈ ਬਹੁਤ ਸਪੈਸ਼ਲ ਸੀ। ਇੱਕ ਕੋ-ਸਟਾਰ ਦੇ ਤੌਰ ਉੱਤੇ ਉਹ ਇਸ ਗੱਲ ਦਾ ਪੂਰਾ ਧਿਆਨ ਰੱਖਦੇ ਹਨ ਕਿ ਤੁਸੀਂ ਸਹਿਜ ਰਹੋ ਅਤੇ ਆਪਣਾ ਸੌ ਫੀਸਦੀ ਦੇ ਸਕੋ।
* ਇੰਡਸਟਰੀ ਵਿੱਚ ਹੀਰੋ-ਹੀਰੋਇਨ ਦੇ ਉਮਰ ਦੇ ਫਰਕ ਬਾਰੇ ਕਾਫੀ ਚਰਚਾ ਹੁੰਦੀ ਹੈ ਕਿ ਹੀਰੋ ਆਪਣੀ ਤੋਂ ਅੱਧੀ ਉਮਰ ਦੀਆਂ ਹੀਰੋਇਨਾਂ ਨਾਲ ਕੰਮ ਕਰਦੇ ਹਨ। ਤੁਹਾਡੀ ਇਸ ਬਾਰੇ ਕੀ ਰਾਏ ਹੈ?
- ਮੈਨੂੰ ਇਸ ਨਾਲ ਫਰਕ ਨਹੀਂ ਪੈਂਦਾ, ਬਸ਼ਰਤੇ ਇਹ ਕਿਰਦਾਰ ਦੀ ਲੋੜ ਹੋਵੇ। ਮੈਂ ਇਹ ਜ਼ਰੂਰ ਮੰਨਦੀ ਹਾਂ ਕਿ ਜੇ ਲੜਕੇ ਆਪਣੇ ਤੋਂ ਕਾਫੀ ਘੱਟ ਉਮਰ ਦੀਆਂ ਲੜਕੀਆਂ ਨਾਲ ਕੰਮ ਕਰ ਸਕਦੇ ਹਨ ਤਾਂ ਲੜਕੀਆਂ ਦੇ ਨਾਲ ਵੀ ਇਹ ਹੋਣਾ ਚਾਹੀਦਾ ਹੈ ਕਿ ਉਹ ਆਪਣੇ ਤੋਂ ਘੱਟ ਉਮਰ ਦੇ ਮੇਲ ਐਕਟਰਾਂ ਨਾਲ ਕੰਮ ਕਰ ਸਕਣ। ਮੈਨੂੰ ਲੱਗਦਾ ਹੈ ਕਿ ਜੇ ਦਰਸ਼ਕ ਇਹ ਵੀ ਦੇਖਣ ਨੂੰ ਤਿਆਰ ਹੋ ਜਾਣ ਤਾਂ ਸਾਨੂੰ ਬਦਲਾਅ ਦੇਖਣ ਨੂੰ ਮਿਲੇਗਾ, ਕਿਉਂਕਿ ਦਰਸ਼ਕਾਂ ਹੀ ਸਾਡੇ ਮਾਂ-ਬਾਪ ਹਨ।
* ਇਹ ਫਿਲਮ ਪਿਆਰ ਦਾਇੱਕ ਨਵਾਂ ਫਲਸਫਾ ਪੇਸ਼ ਕਰਦੀ ਹੈ, ਤੁਹਾਡੇ ਹਿਸਾਬ ਨਾਲ ਪਿਆਰ ਤਾਕਤ ਹੈ ਜਾਂ ਕਮਜ਼ੋਰੀ? ਦੂਸਰੇ, ਕੀ ਤੁਸੀਂ ਅਜਿਹੇ ਹੱਦ ਤੋਂ ਗੁਜ਼ਰ ਜਾਣ ਵਾਲੇ ਪਿਆਰ ਵਿੱਚ ਯਕੀਨ ਰੱਖਦੇ ਹੋ?
- ਪਿਆਰ ਹਰ ਇਨਸਾਨ ਲਈ ਅਲੱਗ ਹੁੰਦਾ ਹੈ। ਇਹ ਸਾਡੇ ਉੱਤੇ ਨਿਰਭਰ ਹੈ ਕਿ ਅਸੀਂ ਚਾਹੀਏ ਤਾਂ ਉਸ ਨੂੰ ਤਾਕਤ ਬਣਾ ਲਈਏ, ਚਾਹੀਏ ਤਾਂ ਕਮਜ਼ੋਰੀ ਬਣਾ ਲਈਏ। ਪਿਆਰ ਦੇ ਅਲੱਗ-ਅਲੱਗ ਰੂਪ ਹਨ। ਇਹੀ ਅਸੀਂ ਆਪਣੀ ਫਿਲਮ ਵਿੱਚ ਦਿਖਾ ਰਹੇ ਹਾਂ। ਰਹੀ ਗੱਲ ਹੱਦ ਤੋਂ ਗੁਜਰਨ ਵਾਲੇ ਪਿਆਰ ਦੀ, ਮੈਨੂੰ ਕਿਸੇ ਨੇ ਇਸ ਤਰ੍ਹਾਂ ਦਾ ਪਿਆਰ ਕੀਤਾ ਹੀ ਨਹੀਂ ਤਾਂ ਮੈਂ ਯਕੀਨ ਨਹੀਂ ਕਰ ਸਕਦੀ, ਪਰ ਮੈਨੂੰ ਪਤਾ ਨਹੀਂ। ਮੈਨੂੰ ਲੱਗਦਾ ਹੈ ਕਿ ਅਜਿਹਾ ਪਿਆਰ ਵੀ ਹੁੰਦੀ ਹੀ ਹੈ। ਹਰ ਇਨਸਾਨ ਦੀ ਪ੍ਰਸਨੈਲਿਟੀ ਅਲੱਗ ਹੁੰਦੀ ਹੈ ਤਾਂ ਉਸ ਹਿਸਾਬ ਨਾਲ ਪਿਆਰ ਵੀ ਅਲੱਗ ਹੁੰਦਾ ਹੀ ਹੈ।
* ‘ਧੋਨੀ’ ਤੋਂ ਅੱਜ ਤੱਕ ਦੇ ਸਫਰ ਵਿੱਚ ਤੁਸੀਂ ਇੱਕ ਕਰੈਕਟਰ ਦੇ ਤੌਰ ਉੱਤੇ ਕੀ ਤਬਦੀਲੀ ਮਹਿਸੂਸ ਕਰਦੇ ਹੋ? ਵਕਤ ਦੇ ਨਾਲ ਤੁਹਾਡਾ ਆਤਮਵਿਸ਼ਵਾਸ ਵਧਿਆ ਹੋਵੇਗਾ?
- ਪਤਾ ਨਹੀਂ, ਮੈਨੂੰ ਅੱਜ ਵੀ ਹਰ ਫਿਲਮ ਕਰਦੇ ਸਮੇਂ ਇਹੀ ਲੱਗਦਾ ਹੈ ਕਿ ਜਿਵੇਂ ਮੇਰੀ ਪਹਿਲੀ ਫਿਲਮ ਹੋਵੇ। ਹਰ ਫਿਲਮ ਦੀ ਸ਼ੁਰੂਆਤ ਵਿੱਚ ਮੇਰੇ ਪੇਟ ਵਿੱਚ ਤਿੱਤਲੀਆਂ ਉਡਦੀਆਂ ਹਨ। ਅਸਲ ਵਿੱਚ ਮੈਂ ਹਰ ਫਿਲਮ ਨੂੰ ਜੌਬ ਦੀ ਤਰ੍ਹਾਂ ਲੈਂਦੀ ਹਾਂ। ਹਰ ਦਿਨ ਦੇ ਹਿਸਾਬ ਨਾਲ ਲੈਂਦੀ ਹਾਂ, ਜਰਨੀ ਬਾਰੇ ਇੰਨਾ ਸੋਚਿਆ ਨਹੀਂ ਹੈ, ਮੈਂ ਬੱਸ ਹਰ ਫਿਲਮ, ਹਰ ਕਿਰਦਾਰ ਦੇ ਲਈ ਜੋ ਤਬਦੀਲੀ ਕਰਨੀ ਹੁੰਦੀ ਹੈ, ਉਸ ਉੱਤੇ ਜ਼ਿਆਦਾ ਧਿਆਨ ਦਿੰਦੀ ਹਾਂ।
* ਤੁਹਾਡਾ ਡਾਂਸ ਅਤੇ ਮਾਰਸ਼ਲ ਆਰਟ ਦੇ ਲਈ ਜੋ ਪਿਆਰ ਹੈ, ਉਸ ਵੱਲ ਰੁਚੀ ਕਿਵੇਂ ਵਧੀ?
- ਮੇਰੀ ਵੱਡੀ ਭੈਣ, ਜੋ ਆਰਮੀ ਵਿੱਚ ਹੈ, ਬਹੁਤ ਵਧੀਆ ਡਾਂਸਰ ਹੈ, ਜਦ ਕਿ ਮੈਂ ਬਚਪਨ ਤੋਂ ਥੋੜ੍ਹੀ ਸ਼ਰਮੀਲੀ ਸੀ ਤਾਂ ਮੈਂ ਮੇਰੇ ਕੋਲੋਂ ਨਹੀਂ ਹੁੰਦਾ ਸੀ। ਜਦ ਮੈਂ ਮੁੰਬਈ ਆਈ ਤਾਂ ਮੈਨੂੰ ਡਾਂਸ ਸਿੱਖਣ ਦਾ ਮੌਕਾ ਮਿਲਿਆ। ਮੈਂ ਜੈਕੀ ਚੈਨ ਦੀ ਬਹੁਤ ਵੱਡੀ ਫੈਨ ਹਾਂ ਅਤੇ ਐਕਸ਼ਨ ਨਾਲ ਜੁੜਿਆ ਤਵਾਈਕਵਾਂਡੋ ਜਾਂ ਕੁਝ ਸਿੱਖਣਾ ਚਾਹੰੁਦੀ ਸੀ ਤਾਂ ਮੈਂ ਬਹੁਤ ਖੁਸ਼ ਹਾਂ ਕਿ ਇੱਥੇ ਆ ਕੇ ਮੈਂ ਦੋਵੇਂ ਚੀਜ਼ਾਂ ਸਿੱਖ ਰਹੀ ਹਾਂ। ਮੈਨੂੰ ਉਹ ਕਰਨਾ ਬਹੁਤ ਚੰਗਾ ਲੱਗਦਾ ਹੈ। ਮੈਂ ਉਹ ਬਹੁਤ ਇੰਜੁਆਏ ਕਰ ਰਹੀ ਹਾਂ। ਮੈਂ ਜ਼ਿਆਦਾਤਰ ਘਰਹੀ ਰਹਿੰਦੀ ਹਾਂ ਤਾਂ ਇਹੀ ਉਹ ਵਕਤ ਹੁੰਦਾ ਹੈ, ਜਦ ਮੈਂ ਬਾਹਰ ਜਾ ਕੇ ਕੁਝ ਕਰਦੀ ਹਾਂ।

 
Have something to say? Post your comment
ਹੋਰ ਮਨੋਰੰਜਨ ਖ਼ਬਰਾਂ
ਦਿਲਜੀਤ ਨੇ ਹੋ ਰਹੀ ਆਲੋਚਨਾ ਵਿਚਕਾਰ ਕਿਹਾ: ਪੰਜਾਬ ਨੇ ਬਹੁਤ ਕੁਝ ਸਿਹਾ, ਫਿਰ ਵੀ ਪ੍ਰਤੀਭਾਸ਼ਾਲੀ ਲੋਕਾਂ ਨੂੰ ਜਨਮ ਦਿੱਤਾ, ਧੰਨ ਹੈ ਪੰਜਾਬ ਸਾਬਕਾ ਮਚਮਿਊਜਿ਼ਕ ਹੋਸਟ ਅਤੇ ਪ੍ਰਸਟ ਬਲੈਕ ਮਿਸ ਕੈਨੇਡਾ ਜੂਲੀਅਟ ਪਾਵੇਲ ਦਾ 54 ਸਾਲ ਦੀ ਉਮਰ `ਚ ਦਿਹਾਂਤ ਜ਼ੀ5 ਨੇ ਦਿਲਜੀਤ ਦੋਸਾਂਝ ਦੀ ਫਿ਼ਲਮ ‘ਡਿਟੈਕਟਿਵ ਸ਼ੇਰਦਿਲ’ ਦਾ ਟ੍ਰੇਲਰ ਕੀਤਾ ਰਿਲੀਜ਼ ਆਮਿਰ ਖਾਨ ਦੀ ਨਵੀਂ ਫਿਲਮ 'ਸਿਤਾਰੇ ਜ਼ਮੀਨ ਪਰ' ਦਾ ਟ੍ਰੇਲਰ ਹੋਇਆ ਰਿਲੀਜ਼, 20 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਹੋਵੇਗੀ ਰਿਲੀਜ਼ ਆਪ੍ਰੇਸ਼ਨ ਸਿੰਦੂਰ 'ਤੇ ਫਿਲਮ ਬਣਾਉਣ ਲਈ ਮੱਚੀ ਹੋੜ, ਟਾਈਟਲ ਲਈ 50 ਤੋਂ ਵੱਧ ਨਿਰਮਾਤਾਵਾਂ ਨੇ ਦਿੱਤੀ ਅਰਜ਼ੀ ਭਾਰਤ-ਪਾਕਿਸਤਾਨ ਤਣਾਅ ਕਾਰਨ ਰਾਜਕੁਮਾਰ ਰਾਓ ਦੀ ਫਿਲਮ ਸਿਨੇਮਾਘਰਾਂ ਵਿੱਚ ਨਹੀਂ ਹੋਵੇਗੀ ਰਿਲੀਜ਼, ਹੁਣ ਹੋਵੇਗੀ ਓਟੀਟੀ `ਤੇ ਸੁਨੀਲ ਸ਼ੈਟੀ ਦੀ ਫਿ਼ਲਮ 'ਕੇਸਰੀ ਵੀਰ’ ਹੁਣ 16 ਮਈ ਨੂੰ ਹੋਵੇਗੀ ਰਿਲੀਜ਼ ਸੰਨੀ ਦਿਓਲ ਦੀ ਫਿਲਮ 'ਜਾਟ' ਦਾ ਨਵਾਂ ਟੀਜ਼ਰ ਰਿਲੀਜ਼ ਗਾਇਕ ਅਤੇ ਅਦਾਕਾਰ ਗੁਰੂ ਰੰਧਾਵਾ ਸ਼ੂਟਿੰਗ ਦੌਰਾਨ ਹੋਏ ਜ਼ਖ਼ਮੀ ਮਨਜਿੰਦਰ ਸਿਰਸਾ ਦੇ ਘਰ ਮੁਲਾਕਾਤ ਕਰਨ ਲਈ ਪਹੁੰਚੇ ਦਿਲਜੀਤ...!!