Welcome to Canadian Punjabi Post
Follow us on

30

July 2025
ਬ੍ਰੈਕਿੰਗ ਖ਼ਬਰਾਂ :
ਪਿਛਲੀਆਂ ਸੂਬਾ ਸਰਕਾਰਾਂ ਵੱਲੋਂ ਪੰਜਾਬ ਦੇ ਬੀਬੀਐੱਮਬੀ ਹਿੱਤਾਂ ਦੀ ਅਣਦੇਖੀ ਕਾਰਨ ਬੇਨਿਯਮੀਆਂ ਹੋਈਆਂ : ਹਰਪਾਲ ਚੀਮਾ ਵਿਦੇਸ਼ੀ ਨਾਗਰਿਕ ਵੀ ਸਾਊਦੀ ਅਰਬ ਵਿੱਚ ਖਰੀਦ ਸਕਣਗੇ ਜਾਇਦਾਦ, ਮੱਕਾ-ਮਦੀਨਾ ਵਿੱਚ ਮਨਾਹੀਟਰੰਪ ਨੇ ਕਿਹਾ-ਅਮਰੀਕਾ ਭਾਰਤ 'ਤੇ 25% ਤੱਕ ਟੈਰਿਫ ਲਗਾ ਸਕਦਾ ਹੈਰੂਸ ਵਿੱਚ ਆਇਆ 8.8 ਤੀਬਰਤਾ ਨਾਲ ਦੁਨੀਆਂ ਦਾ ਛੇਵਾਂ ਸਭ ਤੋਂ ਵੱਡਾ ਭੂਚਾਲਬ੍ਰਿਟੇਨ ਫਿਲਿਸਤੀਨ ਨੂੰ ਇੱਕ ਦੇਸ਼ ਵਜੋਂ ਮਾਨਤਾ ਦੇ ਸਕਦਾ ਹੈ, 250 ਸੰਸਦ ਮੈਂਬਰਾਂ ਨੇ ਪ੍ਰਧਾਨ ਮੰਤਰੀ ਨੂੰ ਲਿਖਿਆ ਪੱਤਰਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਟਰੂਡੋ ਅਤੇ ਗਾਇਕਾ ਕੈਟੀ ਪੈਰੀ ਦੀ ਆਨਲਾਈਨ ਚੱਲੀ ‘ROAR’ ਅੰਮ੍ਰਿਤਸਰ ਵਿੱਚ ਪਾਕਿਸਤਾਨੀ ਤਸਕਰ ਦਾ ਗੁਰਗਾ ਪੰਜ ਆਧੁਨਿਕ ਪਿਸਤੌਲਾਂ ਸਮੇਤ ਕਾਬੂਚੀਨ ਵਿੱਚ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਨਾਲ 34 ਲੋਕਾਂ ਦੀ ਮੌਤ
 
ਮਨੋਰੰਜਨ

ਰੋਮਾਂਸ ਲਈ ਵਿਹਲ ਨਹੀਂ : ਕਿਆਰਾ ਅਡਵਾਨੀ

August 16, 2022 04:16 PM

ਅੱਜ ਦੇ ਦੌਰ ਦੀ ਸਭ ਤੋਂ ਵੱਧ ਖੂਬਸੂਰਤ ਅਭਿਨੇਤਰੀਆਂ ਵਿੱਚ ਸ਼ਾਮਲ ਕਿਆਰਾ ਅਡਵਾਨੀ ਨੇ ਬਹੁਤ ਹੀ ਘੱਟ ਸਮੇਂ ਵਿੱਚ ਬਾਲੀਵੁੱਡ ਵਿੱਚ ਆਪਣੀ ਖਾਸ ਜਗ੍ਹਾ ਬਣਾ ਲਈ ਹੈ। ਤਾਜ਼ਾ ਰਿਲੀਜ਼ ‘ਭੂਲ ਭੁਲੱਈਆਂ 2’ ਅਤੇ ‘ਜੁਗ ਜੁਗ ਜੀਓ’ ਵਰਗੀਆਂ ਫਿਲਾਂ ਨੇ ਉਸ ਦੀ ਪੁਜ਼ੀਸ਼ਨ ਨੂੰ ਮਜਬੂਤ ਕੀਤਾ ਹੈ। ‘ਜੁਗ ਜੁਗ ਜੀਓ’ ਵਿੱਚ ਕਿਆਰਾ ਵਰੁਣ ਧਵਨ ਦੇ ਆਪੋਜ਼ਿਟ ਨਜ਼ਰ ਆਈ ਤੇ ਆਪਣੇ ਕੰਮ ਅਤੇ ਖੂਬਸੂਰਤੀ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ। ਉਸ ਦੀ ਇਹ ਫਿਲਮ 100 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਚੁੱਕੀ ਹੈ ਤੇ ਇਸ ਦਾ ਅੱਗੇ ਦਾ ਸਫਰ ਅਜੇ ਜਾਰੀ ਹੈ। ਕਿਆਰਾ ਜਦ ਮਹਿਜ਼ ਸੱਤ ਸਾਲ ਦੀ ਸੀ, ਆਪਣੀ ਮਾਂ ਨਾਲ ਉਸ ਨੇ ਇੱਕ ‘ਬੇਬੀ ਕਰੀਮ’ ਦੀ ਐਡ ਫਿਲਮ ਵਿੱਚ ਪਹਿਲੀ ਹਾਜ਼ਰੀ ਦਿਖਾਈ ਸੀ। ਉਸ ਦੇ ਬਾਅਦ ਬਾਕਾਇਦਾ ਅਭਿਨੇਤਰੀ ਵਜੋਂ ਉਸ ਨੇ ਜਿਮੀ ਸ਼ੇਰਗਿੱਲ ਦੇ ਆਪੋਜ਼ਿਟ 2014 ਵਿੱਚ ਕਬੀਰ ਸਦਾਨੰਦ ਦੇ ਨਿਰਦੇਸ਼ਨ ਵਾਲੀ ‘ਫਗਲੀ’ਤੋਂ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ। ਸਾਊਥ ਇੰਡਸਟਰੀ ਵਿੱਚ ਉਸ ਨੇ ਫਿਲਮ ‘ਭਰਤ ਅਨੇ ਨੇਨੁ’ ਨਾਲ ਆਪਣੀ ਕਾਮਯਾਬੀ ਦਾ ਝੰਡਾ ਗੱਡ ਦਿੱਤਾ। ਸ਼ਾਹਿਦ ਕਪੂਰ ਦੇ ਆਪੋਜ਼ਿਟ ‘ਕਬੀਰ ਸਿੰਘ’ ਕਿਆਰਾ ਦੇ ਜੀਵਨ ਦੀ ਅੱਜ ਤੱਕ ਦੀ ਸਭ ਤੋਂ ਹਿੱਟ ਹੈ। ਸ਼ਹੀਦ ਕੈਪਟਨ ਬੱਤਰਾ ਦੀ ਬਾਇਓਪਿਕ ‘ਸ਼ੇਰਸ਼ਾਹ’ ਵਿੱਚ ਸਿਧਾਰਥ ਮਲਹੋਤਰਾ ਦੇ ਆਪੋਜ਼ਿਟ ਵਿਕਰਮ ਬੱਤਰਾ ਦੀ ਗਰਲਫਰੈਂਡ ਡਿੰਪਲ ਚੀਮਾ ਦੇ ਕਿਰਦਾਰ ਵਿੱਚ ਨਜ਼ਰ ਆ ਚੁੱਕੀ ਹੈ। ਕਿਆਰਾ ਅਡਵਾਨੀ ਅੱਜਕੱਲ੍ਹ ਜ਼ਬਰਦਸਤ ਡਿਮਾਂਡ ਵਿੱਚ ਹੈ। ਕਿਆਰਾ ਅਡਵਾਨੀ ਸਾਊਥ ਦੇ ਕਾਮਯਾਬ ਸਟਾਰ ਰਾਮਚਰਨ ਦੇ ਨਾਲ ‘ਆਰ ਸੀ 15’ ਕਰ ਰਹੀ ਹੈ। ਪੇਸ਼ ਹਨ ਕਿਆਰਾ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
*ਤੁਸੀਂ ਅੱਜ ਤੱਕ ਕਈ ਤਰ੍ਹਾਂ ਦੇ ਰੋਲ ਨਿਭਾ ਚੁੱਕੇ ਹੋ, ਤੁਹਾਡਾ ਡਰੀਮ ਰੋਲ ਕਿਹੜਾ ਹੈ?
-‘ਡਰੀਮ’ ਰੋਲ ਨਹੀਂ, ਬਲਕਿ ‘ਡ੍ਰੀਮ ਰੋਲਸ’। ਅਜੇ ਤਾਂ ਸ਼ੁਰੂਆਤ ਹੈ। ਮੈਨੂੰ ਕਾਫੀ ਕੁਝ ਕਰਨਾ ਹੈ। ਮੈਂ ਅਜਿਹੇ ਕਈ ਸਾਰੇ ਰੋਲਸ ਕਰਨਾ ਚਾਹੁੰਦੀ ਹਾਂ, ਜੋ ਮੈਂ ਅਜੇ ਨਹੀਂ ਕੀਤੇ। ਸਭ ਤੋਂ ਪਹਿਲਾਂ ਕਿਸੇ ਪੀਰੀਅਡ ਫਿਲਮ ਦਾ ਹਿੱਸਾ ਬਣਨਾ ਚਾਹੁੰਦੀ ਹਾਂ। ਮੈਂ ਐਕਸ਼ਨ ਫਿਲਮਾਂ ਵੀ ਕਰਨੀਆਂ ਹਨ। ਮੈਂ ਸੰਜੇ ਲੀਲਾ ਭੰਸਾਲੀ ਦੇ ਨਾਲ ਕੰਮ ਕਰਨ ਚਾਹੁੰਦੀ ਹਾਂ। ਮੈਂ ਇੰਡੀਅਨ ਲੀਜੈਂਡਸ ਦੀ ਬਾਇਓਪਿਕ ਕਰਨਾ ਚਾਹੁੰਦੀ ਹਾਂ। ਮੇਰੀ ਇਹ ਲਿਸਟ ਕਾਫੀ ਲੰਬੀ ਹੈ।
* ‘ਲਛਮੀ’ ਵਿੱਚ ਤੁਸੀਂ ਅਕਸ਼ੈ ਨਾਲ ਸੀ, ਪਰ ਫਿਲਮ ਦਰਸ਼ਕਾਂ ਨੂੰ ਪਸੰਦ ਨਹੀਂ ਆਈ। ਅਕਸ਼ੈ ਕੁਮਾਰ ਦਾ ਵਕਤ ਅੱਜਕੱਲ੍ਹ ਠੀਕ ਨਹੀਂ ਚੱਲ ਰਿਹਾ ਹੈ ਜਾਂ ਇਸ ਦੇ ਨਾ ਚੱਲਣ ਦੀ ਵਜ੍ਹਾ ਕੁਝ ਹੋਰ ਸੀ?
- ਮੈਂ ਹਾਂ ਜਾਂ ਅਕਸ਼ੈ ਸਰ ਜਾਂ ਕੋਈ ਹੋਰ, ਐਕਟਰ ਹੋਣ ਦੇ ਨਾਤੇ ਹਰ ਕੋਈ ਆਪਣੀ ਹਰ ਫਿਲਮ ਤੇ ਕਿਰਦਾਰ ਉੱਤੇ ਸਖਤ ਮਿਹਨਤ ਕਰਦਾ ਹੈ ਅਤੇ ਚਾਹੁੰਦਾ ਹੈ ਕਿ ਉਸ ਦੀ ਫਿਲਮ ਬਹੁਤ ਚੰਗੀ ਕਰੇ, ਪਰ ਇਹ ਦਰਸ਼ਕਾਂ ਉੱਤੇ ਨਿਰਭਰ ਹੈ ਕਿ ਉਹ ਫਿਲਮ ਨੂੰ ਕਿਸ ਤਰ੍ਹਾਂ ਲੈਂਦੇ ਹਨ। ਹੋ ਸਕਦਾ ਹੈ ਕਿ ਉਨ੍ਹਾਂ ਨੂੰ ਫਿਲਮ ਦਾ ਕੰਸੈਪਟ ਹੀ ਪਸੰਦ ਨਾ ਆਇਆ ਹੋਵੇ।
* ਕੀ ਕਦੇ ਤੁਹਾਡੇ ਨਾਲ ਅਜਿਹਾ ਹੋਇਆ ਹੈ ਕਿ ਪ੍ਰਪੋਜਲ ਦੇ ਨਾਲ ਤੁਹਾਨੂੰ ਲੱਗਣ ਲੱਗਾ ਹੋਵੇ ਕਿ ਫਿਲਮ ਦੇ ਕੰਸੈਪਟ ਨੂੰ ਦਰਸ਼ਕ ਐਕਸੈਪਟ ਨਹੀਂ ਕਰਨਗੇ, ਇਸ ਦੇ ਬਾਵਜੂਦ ਉਸ ਨੂੰ ਕਰਨ ਲਈ ਤੁਹਾਡੀ ਕੋਈ ਮਜ਼ਬੂਰੀ ਰਹੀ ਹੋਵੇ?
- ਮੇਰੇ ਨਾਲ ਜ਼ਿਆਦਾਤਰ ਇਹੀ ਹੁੰਦਾ ਹੈ ਕਿ ਮੈਂ ਚਾਹ ਕੇ ਵੀ ‘ਨਾਂਹ’ ਨਹੀਂ ਕਰ ਸਕਦੀ। ਇਸ ਦੀ ਸਭ ਤੋਂ ਵੱਡੀ ਵਜ੍ਹਾ ਹੈ ਕਿ ਮੈਂ ਹਮੇਸ਼ਾ ਤੋਂ ਆਪਣੇ ਆਪ ਨੂੰ ਉਨ੍ਹਾਂ ਲੋਕਾਂ ਵਿੱਚ ਰੱਖਿਆ ਜਿਨ੍ਹਾਂ ਨੂੰ ਨਾ ਕੇਵਲ ਚੰਗੀ ਤਰ੍ਹਾਂ ਜਾਣਦੀ ਹਾਂ ਬਲਕਿ ਉਨ੍ਹਾਂ ਨੇ ਮੈਨੂੰ ਜ਼ਮੀਨ ਨਾਲ ਜੋੜੀ ਰੱਖਿਆ ਹੈ। ਇਹ ਉਹ ਲੋਕ ਹਨ, ਜਦ ਮੈਂ ਕੁਝ ਵੀ ਨਹੀਂ ਸੀ, ਤਦ ਤੋਂ ਮੇਰੇ ਨਾਲ ਹਨ।
* ਸਿਧਾਰਥ ਮਲਹੋਤਰਾ ਨਾਲ ਤੁਹਾਡੇ ਅਫੇਅਰ ਦੀਆਂ ਖਬਰਾਂ ਵਿੱਚ ਕਿੰਨੀ ਸੱਚਾਈ ਹੈ?
- ਸਾਰੇ ਜਾਣਦੇ ਹਨ ਕਿ ਮੀਡੀਆ ਇਸ ਤਰ੍ਹਾਂ ਦੀਆਂ ਚਟਪਟੀਆਂ ਖਬਰਾਂ ਬਣਾਉਣ ਵਿੱਚ ਮਾਹਰ ਹੁੰਦਾ ਹੈ ਅਤੇ ਕਿਉਂ ਨਾ ਹੋਵੇ, ਇਹੀ ਤਾਂ ਉਨ੍ਹਾਂ ਦਾ ਕੰਮ ਹੈ ਅਤੇ ਉਹ ਲੋਕ ਆਪਣਾ ਕੰਮ ਪੂਰੀ ਇਮਾਨਦਾਰੀ ਨਾਲ ਕਰਦੇ ਹਨ, ਪਰੰਤੂ ਮੈਂ ਸਾਫ ਕਰ ਦੇਣਾ ਚਾਹੁੰਦੀ ਹਾਂ ਕਿ ਰੋਮਾਂਸ, ਅਫੇਅਰ ਅਤੇ ਡੇਟਿੰਗ ਵਰਗੀਆਂ ਚੀਜ਼ਾਂ ਲਈ ਫਿਲਹਾਲ ਮੇਰੇ ਕੋਲ ਵਿਹਲ ਨਹੀਂ ਹੈ। ਜਦ ਵਿਹਲ ਮਿਲੇਗੀ, ਇਸ ਬਾਰੇ ਜ਼ਰੂਰ ਸੋਚਾਂਗੀ। ਫਿਲਹਾਲ ਮੇਰਾ ਸਾਰਾ ਧਿਆਨ ਕੰਮ ਉੱਤੇ ਹੈ।

 
Have something to say? Post your comment
ਹੋਰ ਮਨੋਰੰਜਨ ਖ਼ਬਰਾਂ
ਦਿਲਜੀਤ ਨੇ ਹੋ ਰਹੀ ਆਲੋਚਨਾ ਵਿਚਕਾਰ ਕਿਹਾ: ਪੰਜਾਬ ਨੇ ਬਹੁਤ ਕੁਝ ਸਿਹਾ, ਫਿਰ ਵੀ ਪ੍ਰਤੀਭਾਸ਼ਾਲੀ ਲੋਕਾਂ ਨੂੰ ਜਨਮ ਦਿੱਤਾ, ਧੰਨ ਹੈ ਪੰਜਾਬ ਸਾਬਕਾ ਮਚਮਿਊਜਿ਼ਕ ਹੋਸਟ ਅਤੇ ਪ੍ਰਸਟ ਬਲੈਕ ਮਿਸ ਕੈਨੇਡਾ ਜੂਲੀਅਟ ਪਾਵੇਲ ਦਾ 54 ਸਾਲ ਦੀ ਉਮਰ `ਚ ਦਿਹਾਂਤ ਜ਼ੀ5 ਨੇ ਦਿਲਜੀਤ ਦੋਸਾਂਝ ਦੀ ਫਿ਼ਲਮ ‘ਡਿਟੈਕਟਿਵ ਸ਼ੇਰਦਿਲ’ ਦਾ ਟ੍ਰੇਲਰ ਕੀਤਾ ਰਿਲੀਜ਼ ਆਮਿਰ ਖਾਨ ਦੀ ਨਵੀਂ ਫਿਲਮ 'ਸਿਤਾਰੇ ਜ਼ਮੀਨ ਪਰ' ਦਾ ਟ੍ਰੇਲਰ ਹੋਇਆ ਰਿਲੀਜ਼, 20 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਹੋਵੇਗੀ ਰਿਲੀਜ਼ ਆਪ੍ਰੇਸ਼ਨ ਸਿੰਦੂਰ 'ਤੇ ਫਿਲਮ ਬਣਾਉਣ ਲਈ ਮੱਚੀ ਹੋੜ, ਟਾਈਟਲ ਲਈ 50 ਤੋਂ ਵੱਧ ਨਿਰਮਾਤਾਵਾਂ ਨੇ ਦਿੱਤੀ ਅਰਜ਼ੀ ਭਾਰਤ-ਪਾਕਿਸਤਾਨ ਤਣਾਅ ਕਾਰਨ ਰਾਜਕੁਮਾਰ ਰਾਓ ਦੀ ਫਿਲਮ ਸਿਨੇਮਾਘਰਾਂ ਵਿੱਚ ਨਹੀਂ ਹੋਵੇਗੀ ਰਿਲੀਜ਼, ਹੁਣ ਹੋਵੇਗੀ ਓਟੀਟੀ `ਤੇ ਸੁਨੀਲ ਸ਼ੈਟੀ ਦੀ ਫਿ਼ਲਮ 'ਕੇਸਰੀ ਵੀਰ’ ਹੁਣ 16 ਮਈ ਨੂੰ ਹੋਵੇਗੀ ਰਿਲੀਜ਼ ਸੰਨੀ ਦਿਓਲ ਦੀ ਫਿਲਮ 'ਜਾਟ' ਦਾ ਨਵਾਂ ਟੀਜ਼ਰ ਰਿਲੀਜ਼ ਗਾਇਕ ਅਤੇ ਅਦਾਕਾਰ ਗੁਰੂ ਰੰਧਾਵਾ ਸ਼ੂਟਿੰਗ ਦੌਰਾਨ ਹੋਏ ਜ਼ਖ਼ਮੀ ਮਨਜਿੰਦਰ ਸਿਰਸਾ ਦੇ ਘਰ ਮੁਲਾਕਾਤ ਕਰਨ ਲਈ ਪਹੁੰਚੇ ਦਿਲਜੀਤ...!!