ਤਾਈਪੇਈ, 11 ਅਗਸਤ (ਪੋਸਟ ਬਿਊਰੋ)- ਤਾਈਵਾਨ ਸਰਹੱਦ ਉੱਤੇ ਹਮਲਾਵਰ ਜੰਗੀ ਐਕਸਰਸਾਈਜ਼ ਕਰ ਚੁੱਕਣ ਦੇ ਇੱਕ ਹਫ਼ਤੇ ਬਾਅਦ ਚੀਨ ਨੇ ਨਵੀਂ ਧਮਕੀ ਦੇ ਮਾਰੀ ਹੈ। ਉਸ ਨੇ ਕਿਹਾ ਹੈ ਕਿ ਤਾਈਵਾਨ ਨੂੰ ਆਪਣੇ ਨਾਲ ਜੋੜਨ ਲਈ ਉਸ ਦਾ ਫ਼ੌਜੀ ਤਾਕਤ ਦੀ ਵਰਤੋਂ ਕਰਨ ਦਾ ਬਦਲ ਖੁੱਲ੍ਹਾ ਹੈ।
ਕੱਲ੍ਹ ਚੀਨ ਨੇ ਸਵੈ-ਖੁਦਮੁਖਤਾਰ ਤਾਈਵਾਨ ਨੂੰ ਆਪਣੇ ਕੰਟਰੋਲ ਵਿੱਚ ਲਿਆਉਣ ਲਈ ਫ਼ੌਜੀ ਤਾਕਤ ਦੀ ਵਰਤੋਂ ਦੀ ਆਪਣੀ ਧਮਕੀ ਦੇ ਦਿੱਤੀ, ਜਦੋਂ ਦੋਵਾਂ ਵਿਚਾਲੇ ਤਣਾਅ ਸਭ ਤੋਂ ਉਚੇ ਪੱਧਰ ਉੱਤੇ ਬਣਿਆ ਹੋਇਆ ਹੈ।ਅਮਰੀਕੀ ਪਾਰਲੀਮੈਂਟ ਦੀ ਸਪੀਕਰ ਨੈਨਸੀ ਪੇਲੋਸੀ ਦੇ ਤਾਈਵਾਨ ਦੌਰੇ ਪਿੱਛੋਂ ਚੀਨ ਨੇ ਖੁੱਲ੍ਹ ਕੇ ਧਮਕੀ ਦਿੱਤੀ ਸੀ ਤੇ ਇਸੇ ਤਹਿਤ ਉਸ ਨੇ ਹਮਲਾਵਰ ਜੰਗੀ ਐਕਸਰਸਾਈਜ਼ ਕੀਤਾ ਸੀ।ਚੀਨੀ ਨੇ ਕਿਹਾ ਹੈ ਕਿ ਬੀਜਿੰਗ ਤਾਈਵਾਨ ਨਾਲ ਸ਼ਾਂਤੀਪੂਰਨ ਮੁੜ ਏਕਤਾ ਚਾਹੁੰਦਾ ਹੈ, ਪਰ ਫੌਜੀ ਤਾਕਤ ਦੀ ਵਰਤੋਂ ਨਾ ਕਰਨ ਦਾ ਵਾਅਦਾ ਨਹੀਂ ਕਰਦਾ, ਉਸ ਕੋਲ ਤਾਈਵਾਨ ਨੂੰ ਸ਼ਾਮਲ ਕਰਨ ਲਈ ਸਾਰੇ ਜ਼ਰੂਰੀ ਬਦਲ ਕਾਇਮ ਹਨ।ਈਸਟਰਨ ਥੀਏਟਰ ਕਮਾਂਡ ਦੇ ਬੁਲਾਰੇ ਸੀਨੀਅਰ ਕਰਨਲ ਜੀ ਯੀ ਦੇ ਹਵਾਲੇ ਨਾਲ ਕਿਹਾ ਗਿਆ ਕਿ ਪੀ ਐਲ ਏ ਦੀ ਯੂ ਐਸ ਥੀਏਟਰ ਕਮਾਂਡ ਤਾਈਵਾਨ ਸਟੇਟ ਵਿੱਚ ਬਦਲ ਰਹੀ ਸਥਿਤੀ ਦੀ ਨੇੜਿਓਂ ਨਿਗਰਾਨੀ ਕਰੇਗੀ ਅਤੇ ਸਿਖਲਾਈ ਤੇ ਲੜਾਈ ਦੀ ਤਿਆਰੀ ਕਰਵਾਏਗੀ, ਬਾਕਾਇਦਾ ਲੜਾਕੂ ਤਿਆਰੀ ਨਾਲ ਪੁਲਸ ਗਸ਼ਤ ਕਰੇਗੀ ਅਤੇ ਪ੍ਰਭੂਸੱਤਾ ਤੇ ਖੇਤਰੀ ਅਖੰਡਤਾ ਦਾ ਜ਼ੋਰਦਾਰ ਬਚਾਅ ਕਰੇਗੀ। ਚੀਨ ਦੇ ਰੱਖਿਆ ਮੰਤਰਾਲਾ ਨੇ ਕਿਹਾ ਕਿ ਇਹ ਤਾਈਵਾਨ ਪ੍ਰਸ਼ਾਸਨ ਨੇ ਫੈਸਲਾ ਕਰਨਾ ਹੈ ਕਿ ਕੀ ਸਹੀ ਹੈ ਅਤੇ ਕਿੱਥੇ ਜਾਣਾ ਹੈ।