ਕਿਆਰਾ ਅਡਵਾਨੀ ਉਨ੍ਹਾਂ ਬਾਲੀਵੁੱਡ ਅਭਿਨੇਤਰੀਆਂ ਵਿੱਚੋਂ ਨਹੀਂ ਹੈ, ਜਿਨ੍ਹ ਨੂੰ ਪਹਿਲੀ ਹੀ ਫਿਲਮ ਤੋਂ ਸਫਲਤਾ ਮਿਲ ਗਈ ਹੋਵੇ। ਸਾਲ 2014 ਵਿੱਚ ਫਿਲਮ ‘ਫਗਲੀ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕਰਨ ਪਿੱਛੋਂ ਕਿਆਰਾ ਨੂੰ ਲੰਬਾ ਇੰਤਜ਼ਾਰ ਕਰਨਾ ਪਿਆ। ਸਾਲ 2016 ਵਿੱਚ ਆਈ ਫਿਲਮ ‘ਐੱਮ ਐੱਸ ਧੋਨੀ’ ਦੀ ਸਫਲਤਾ ਤੋਂ ਬਾਅਦ ਉਸ ਨੂੰ ਪਿੱਛੇ ਮੁੜ ਕੇ ਨਹੀਂ ਦੇਖਣਾ ਪਿਆ। ਅੱਜ ਬਾਲੀਵੁੱਡ ਦੀ ਸਭ ਤੋਂ ਸਫਲ ਤੇ ਹਰ ਡਿਮਾਂਡ ਵਿੱਚ ਰਹਿਣ ਵਾਲੀ ਅਭਿਨੇਤਰੀ ਬਣ ਚੁੱਕੀ ਕਿਆਰਾ ਦੀਆਂ ਪਿਛਲੀਆਂ ਫਿਲਮਾਂ ‘ਸ਼ੇਰਸ਼ਾਹ’, ‘ਭੂਲ ਭੁਲੱਈਆਂ 2’ ਅਤੇ ‘ਜੁਗ ਜੁਗ ਜੀਓ’ ਨੂੰ ਕਾਫੀ ਪਸੰਦ ਕੀਤਾ ਗਿਆ ਹੈ। ਕਰੀਅਰ ਦੇ ਅੱਠ ਸਾਲਾਂ ਵਿੱਚ ਆਪਣੇ ਵਿੱਚ ਉਸ ਨੇ ਕਿੰਨਾ ਵਿਕਾਸ ਮਹਿਸੂਸ ਕੀਤਾ ਹੈ, ਇਸ ਉੱਤੇ ਉਹ ਕਹਿੰਦੀ ਹੈ, ‘‘ਇੱਕ ਵਿਅਕਤੀ ਤੇ ਅਭਿਨੇਤਰੀ ਵਜੋਂ ਮੇਰੇ ਵਿੱਚ ਵਿਕਾਸ ਹੋਇਆ ਹੈ। ਪਹਿਲਾਂ ਦੇ ਮੁਕਾਬਲੇ ਕਾਫੀ ਬਦਲ ਗਈ ਹਾਂ। ਮੇਰੇ ਵਿੱਚ ਜੋ ਪਾਜ਼ੇਟਿਵ ਬਦਲਾਅ ਆਏ, ਇਸ ਦਾ ਸਿਹਰਾ ਮੈਂ ਡਾਇਰੈਕਟਰਾਂ ਨੂੰ ਦੇਣਾ ਚਾਹਾਂਗੀ, ਜਿਨ੍ਹਾਂ ਨੇ ਵਿਸ਼ਵਾਸ ਕਰ ਕੇ ਮੈਨੂੰ ਚੰਗੇ ਕਿਰਦਾਰ ਸੌਂਪੇ। ਫਿਲਮ ‘ਕਬੀਰ ਸਿੰਘ’ ਅਤੇ ‘ਗੁੱਡ ਨਿਊਜ਼’ ਦੀ ਸਫਲਤਾ ਨਾਲ ਦਰਸ਼ਕਾਂ ਨੂੰ ਵਿਸ਼ਵਾਸ ਹੋ ਗਿਆ ਕਿ ਮੈਂ ਸਿਰਫ ਗਲੈਮਰ ਡੌਲ ਨਹੀਂ, ਮੈਂ ਐਕਟਿੰਗ ਵੀ ਕਰ ਸਕਦੀ ਹਾਂ।”
ਕਿਆਰਾ ਅੱਜ ਬਾਲੀਵੁੱਡ ਦੇ ਨਾਲ ਕਈ ਭਾਸ਼ਾਵਾਂ ਵਿੱਚ ਬਣ ਰਹੀਆਂ ਫਿਲਾਂ ਵਿੱਚ ਕੰਮ ਕਰ ਰਹੀ ਹੈ। ਬਾਲੀਵੁੱਡ ਦੇ ਨਾਲ ਸਾਊਥ ਦੀਆਂ ਫਿਲਮਾਂ ਵਿੱਚ ਕੰਮ ਕਰਨਾ ਉਸ ਲਈ ਕਿਵੇਂ ਸੰਭਵ ਹੁੰਦਾ ਹੈ, ਪੁੱਛਣ ਤੋਂ ਉਹ ਕਹਿੰਦੀ ਹੈ, ‘‘ਮੈਂ ਹਿੰਦੀ ਤੇ ਤੇਲਗੂ ਫਿਲਮਾਂ ਇਕੱਠੀਆਂ ਕਰਦੀ ਹਾਂ। ਤੇਲਗੂ ਫਿਲਮ ਮੇਕਰਸ ਨੂੰ ਮੈਂ ਰਿਕਵੈਸਟ ਕਰ ਚੁੱਕੀ ਹਾਂ ਕਿ ਮੈਂ ਉਨ੍ਹਾਂ ਦੀ ਫਿਲਮਾਂ ਦੀ ਪ੍ਰਮੋਸ਼ਨ ਲਈ ਸਮਾਂ ਨਹੀਂ ਦੇ ਸਕਾਂਗੀ। ਤੇਲਗੂ ਫਿਲਮਾਂ ਵਿੱਚ ਮੈਂ ਸ਼ੰਕਰ, ਰਾਮਚਰਨ ਤੇਦਾ, ਮਹੇਸ਼ ਬਾਬੂ ਵਰਗੇ ਸਿਤਾਰਿਆਂ ਨਾਲ ਕੰਮ ਕਰ ਰਹੀ ਹਾਂ। ਪੈਨ ਇੰਡੀਅਨ ਫਿਲਮਾਂ ਕਰਨ ਦਾ ਵੱਖਰਾ ਮਜ਼ਾ ਹੈ। ਉਥੇ ਦੀ ਇੰਡਸਟਰੀ ਵਿੱਚ ਕੰਮ ਕਰਨਾ ਇੱਕ ਯਾਦਗਾਰ ਅਤੇ ਰੂਹ ਭਰਿਆ ਤਜਰਬਾ ਹੈ।”