ਪਰਿਣੀਤੀ ਚੋਪੜਾ ਦੇ ਰਣਬੀਰ ਕਪੂਰ ਦੀ ਫਿਲਮ ‘ਐਨੀਮਲ’ ਨੂੰ ਛੱਡਣ ਦੀ ਚਰਚਾ ਹੈ। ਉਹ ਇਮਤਿਆਜ਼ ਅਲੀ ਦੀ ਫਿਲਮ ‘ਚਮਕੀਲਾ’ ਵਿੱਚਜਲਦੀ ਹੀ ਲੀਡ ਰੋਲ ਵਿੱਚ ਆਵੇਗੀ। ਇਹ ਪਹਿਲੀ ਵਾਰ ਹੈ ਜਦ ਪਰਿਣੀਤੀ ਇਮਤਿਆਜ਼ ਅਲੀ ਨਾਲ ਕੰਮ ਕਰੇਗੀ। ਇੱਕ ਖਾਸ ਗੱਲਬਾਤ ਦੌਰਾਨ ਇਮਤਿਆਜ਼ ਅਲੀ ਨੇ ਦੱਸਿਆ ਕਿ ਉਸ ਦੀ ਫਿਲਮ ‘ਚਮਕੀਲਾ’ ਵਿੱਚ ਅਜਿਹਾ ਕੀ ਹੈ, ਜਿਸ ਦੇ ਲਈ ਪਰਿਣੀਤੀ ਨੇ ਰਣਬੀਰ ਦੀ ਫਿਲਮ ‘ਐਨੀਮਲ' ਛੱਡ ਦਿੱਤੀ।
ਇਮਤਿਆਜ਼ ਨੇ ਕਿਹਾ, ‘‘ਇਸ ਦਾ ਜਵਾਬ ਤਦ ਦੇਣਾ ਵੱਧ ਸਹੀ ਹੋਵੇਗਾ, ਜਦ ਤੁਸੀਂ ਫਿਲਮ ਦੇਖੋਗੇ। ਮੈਂ ਅਜੇ ਫਿਲਮ ਦੇ ਬਾਰੇ ਜ਼ਿਆਦਾ ਕੁਝ ਨਹੀਂ ਦੱਸ ਸਕਦਾ, ਕਿਉਂਕਿ ਅਜੇ ਅਸੀਂ ਉਸ ਫਿਲਮ ਨੂੰ ਸ਼ੁਰੂ ਨਹੀਂ ਕੀਤਾ, ਪਰ ਇੱਕ ਗੱਲ ਕਹਿ ਸਕਦਾ ਹਾਂ ਕਿ ਉਸ ਵਿੱਚ ਕਲਾਕਾਰ ਨੇ ਗਾਣਾ ਵੀ ਖੁਦ ਗਾਉਣਾ ਹੈ, ਤਾਂ ਇਹ ਫਿਲਮ ਦੀ ਬਹੁਤ ਅਟ੍ਰੈਕਟਿਵ ਚੀਜ਼ ਹੈ ਅਤੇ ਪਰਿਣੀਤੀ ਖੁਦ ਇੱਕ ਸਿੰਗਰ ਵੀ ਹੈ ਤਾਂ ਉਸ ਦੇ ਲਈ ਇਹ ਇੱਕ ਵੱਡੀ ਵਜ੍ਹਾ ਹੋ ਸਕਦੀ ਹੈ। ਇਸ ਵਿੱਚ ਪਰਿਣੀਤੀ ਗਾਣਾ ਵੀ ਗਾਏਗੀ।”ਅਮਰ ਸਿੰਘ ਚਮਕੀਲਾਪੰਜਾਬੀ ਗਾਇਕ ਸਨ, ਜੋ ਬੇਖੌਫ ਹੋ ਕੇ ਆਪਣੇ ਗੀਤਾਂ ਨਾਲ ਸਮਾਜ ਦੀ ਗੱਲ ਲੋਕਾਂ ਸਾਹਮਣੇ ਰੱਖਦੇ ਸਨ ਤੇ ਇਸ ਲਈ ਉਹ ਕਈ ਲੋਕਾਂ ਦੀਆਂ ਅੱਖਾਂ ਵਿੱਚ ਰੜਕਦੇ ਸਨ। ਉਨ੍ਹਾਂ ਦੀ ਇੱਕ ਮੋਟਰ ਸਾਈਕਲ ਗਿਰੋਹ ਨੇ ਅੱਠ ਮਾਰਚ 1988 ਨੂੰ ਦਿਨ ਦਿਹਾੜੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ।