* ਕਾਰੋਬਾਰੀ ਪੁਨੀਤ ਵੀ ਮੁੰਬਈ ਫਰੈਂਚਾਈਜ਼ੀ ਨਾਲ ਜੁੜੇ
ਨਵੀਂ ਦਿੱਲੀ, 30 ਜੂਨ (ਪੋਸਟ ਬਿਊਰੋ)- ਲੋਕਪ੍ਰਿਯ ਗਾਇਕ (ਰੈਪਰ) ਬਾਦਸ਼ਾਹ ਅਤੇ ਪ੍ਰਸਿੱਧ ਫਿਲਮ ਨਿਰਮਾਤਾ ਅਤੇ ਕਾਰੋਬਾਰੀ ਪੁਨੀਤ ਬਾਲਨ ਅਲਟੀਮੇਟ ਖੋ-ਖੋ (ਯੂ ਕੇ ਕੇ) ਲੀਗ ਵਿੱਚ ਮੁੰਬਈ ਫਰੈਂਚਾਈਜ਼ੀ ਦੇ ਸਹਿ-ਮਾਲਕ ਵਜੋਂ ਜੁੜ ਗਏ ਹਨ।ਮੁੰਬਈ ਦੀ ਇਸ ਟੀਮ ਦੇ ਆਨਬੋਰਡ ਹੋਣ ਦੇ ਨਾਲ ਅਲਟੀਮੇਟ ਖੋ-ਖੋ ਦੇ ਉਦਘਾਟਨ ਪ੍ਰੋਗਰਾਮ ਦਾ ਲਾਈਨ-ਅਪ ਪੂਰਾ ਹੋ ਗਿਆ ਅਤੇ ਇਸ ਸਾਲ ਹੋਣ ਵਾਲੀ ਇਸ ਲੀਗ ਵਿੱਚ ਛੇ ਟੀਮਾਂ ਹੋ ਗਈਆਂ ਹਨ।
ਬਾਦਸ਼ਾਹ ਨੇ ਕਿਹਾ, ‘‘ਮੇਰੀ ਮਾਂ ਆਪਣੇ ਕਾਲਜ ਦੇ ਦਿਨਾਂ ਵਿੱਚ ਖੋ-ਖੋ ਖੇਡਿਆ ਕਰਦੀ ਸੀ ਅਤੇ ਇਹੀ ਕਾਰਨ ਹੈ ਕਿ ਜ਼ਮੀਨ ਨਾਲ ਜੁੜੀਇਹ ਖੇਡ ਮੇਰੇ ਦਿੱਲ ਦੇ ਬਹੁਤ ਨੇੜੇ ਹੈ। ਇਹ ਇੱਕ ਤੇਜ਼-ਤਰਾਰ ਇਨਡੋਰ ਖੇਡ ਹੈ ਜਿਸ ਵਿੱਚ ਬੇਹੱਦ ਤੇਜ਼ ਖਿਡਾਰੀਆਂ ਦੀ ਜ਼ਰੂਰਤ ਹੁੰਦੀ ਹੈ। ਆਮ ਤੌਰ ਉੱਤੇ ਮੰੁਬਈ ਦਾ ਸਭਿਆਚਾਰ ਤੇਜ਼ ਤੇ ਕੁਸ਼ਲ ਹੈ ਅਤੇ ਇਸੇ ਕਾਰਨ ਅਸੀਂ ਇਸ ਟੀਮ ਨੂੰ ਚਾਹੁੰਦੇ ਸੀ। ਅਸੀਂ ਖਿਡਾਰੀਆਂ ਦੇ ਲਈ ਸਭ ਤੋਂ ਵਧੀਆ ਵਾਤਾਵਰਣ, ਬੁਨਿਆਦੀ ਢਾਂਚਾ, ਟਰੇਨਿੰਗ ਅਤੇ ਪੋਸ਼ਣ ਯਕੀਨੀ ਕਰਨਾ ਚਾਹੁੰਦੇ ਹਾਂ।''
ਮੁੰਬਈ ਫਰੈਂਚਾਈਜ਼ੀ ਦੇ ਸਹਿ-ਮਾਲਕ ਬਾਲਨ ਨੇ ਕਿਹਾ, ‘‘ਜੇ ਤੁਸੀਂ ਕੁਝ ਵਿਕਸਤ ਕਰਨਾ ਚਾਹੁੰਦੇ ਹੋ ਤਾਂ ਸਹੀ ਦਿ੍ਰਸ਼ਟੀਕੋਣ ਅਪਣਾਉਣਾ ਬਹੁਤ ਮਹੱਤਵਪੂਰਨ ਹੈ। ਮੈਂ ਕਾਫੀ ਸਮੇਂ ਅਤੇ ਕਈ ਲੀਗਾਂ ਦੇ ਜ਼ਰੀਏ ਖੇਡਾਂ ਦੇ ਵਿਕਾਸ ਵਿੱਚ ਸ਼ਾਮਲ ਰਿਹਾ ਹਾਂ ਅਤੇ ਅੱਗੋਂ ਅਲਟੀਮੇਟ ਖੋ-ਖੋ ਨਾਲ ਮੈਂ ਸਫਲਤਾ ਦੀ ਯਾਤਰਾ ਵਿੱਚ ਭੂਮਿਕਾ ਨਿਭਾਉਣਾ ਚਾਹੁੰਦਾ ਹਾਂ।''ਅਲਟੀਮਟੇ ਖੋ-ਖੋ ਦੇ ਸੀ ਈ ਓ ਤੇਨਜਿੰਗ ਨਿਯੋਗੀ ਨੇ ਕਿਹਾ, ‘‘ਅਸੀਂ ਛੇਵੀਂ ਫਰੈਂਚਾਈਜ਼ੀ ਦੇ ਸਹਿ-ਮਾਲਕ ਵਜੋਂ ਬਾਦਸ਼ਾਹ ਅਤੇ ਪੁਨੀਤ ਬਾਲਨ ਦਾ ਸਵਾਗਤ ਕਰ ਕੇ ਰੋਮਾਂਚਿਤ ਹਾਂ। ਸਾਡੇ ਕੋਲ ਟੀਮ ਮਾਲਕਾਂ ਦੇ ਰੂਪ ਵਿੱਚ ਪਹਿਲਾਂ ਹੀ ਵੱਡੇ ਕਾਰਪੋਰੇਟਸ ਦੇ ਨਾਲ ਉੜੀਸਾ ਸਰਕਾਰ ਵੀ ਹੈ ਅਤੇ ਅੱਗੋਂ ਮਨੋਰੰਜਨ ਖੇਤਰ ਦੇ ਇਹ ਦੇ ਮਸ਼ਹੂਰ ਨਾਂਅ ਲੀਗ ਦੀ ਸਥਿਤੀ ਅਤੇ ਸਮਰੱਥਾ ਨੂੰ ਦਰਸਾਉਂਦੇ ਹਨ। ਖੋ-ਖੋ ਦੀਆਂ ਮਹਾਰਾਸ਼ਟਰ ਵਿੱਚ ਡੂੰਘੀਆਂ ਜੜ੍ਹਾਂ ਹਨ ਅਤੇ ਇਸ ਸੂਬੇ ਦੀ ਰਾਜਧਾਨੀ ਦੀ ਅਗਵਾਈ ਕਰਨ ਵਾਲੀ ਇੱਕ ਟੀਮ ਪੱਕੇ ਰੂਪ `ਚ ਖੇਡ ਦੀ ਲੋਕਪ੍ਰਿਅਤਾ ਨੂੰ ਵਧਾਉਣ ਵਿੱਚ ਸਾਡੀ ਮਦਦ ਕਰੇਗੀ।'' ਅਲੀਟਮੇਟ ਖੋ-ਖੋ ਇਸ ਘਰੇਲੂ ਖੇਡ ਵਿੱਚ ਕ੍ਰਾਂਤੀ ਦੇ ਮਿਸ਼ਨ ਦੀ ਦਿਸ਼ਾ ਵਿੱਚ ਵੱਡੇ ਕਦਮ ਉਠਾ ਰਹੀ ਹੈ।