ਸਿੰਗਾਪੁਰ, 24 ਜੂਨ (ਪੋਸਟ ਬਿਊਰੋ)- ਸਿੰਗਾਪੁਰ ਵਿੱਚ ਇੱਕ ਨਿਰਮਾਣ ਸਥਾਨ ਉੱਤੇ ਇੱਕ ਕਰੇਨ ਦੇ ਦੋ ਹਿੱਸਿਆਂ ਵਿੱਚ ਦਬਣ ਕਾਰਨ ਇੱਕ 32 ਸਾਲਾ ਭਾਰਤੀ ਮਜ਼ਦੂਰ ਦੀ ਮੌਤ ਹੋ ਗਈ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਹਾਦਸਾ ਕੱਲ੍ਹ ਸਵੇਰੇ 10.15 ਵਜੇ ‘1 ਮੰਡਾਲੀ ਕਵੇਰੀ ਰੋਡ' ਉੱਤੇ ਵਾਪਰਿਆ। ਚੈਨਲ ਨਿਊਜ਼ ਏਸ਼ੀਆ ਨੇ ਕਿਰਤ ਮੰਤਰਾਲਾ ਦੇ ਬੁਲਾਰੇ ਦੇ ਹਵਾਲੇ ਨਾਲ ਕਿਹਾ, ‘ਹਵਾ ਯਾਂਗ ਇੰਜੀਨੀਅਰਿੰਗ ਕੰਪਨੀ ਦਾ ਭਾਰਤੀ ਕਰਮਚਾਰੀ ਮੋਬਾਈਲ ਕਰੇਨ ਦੀ ਚੈਸੀ ਦੇ ਹੇਠਾਂ ਇੱਕ ਟੂਲ ਬਾਕਸ ਵਿੱਚੋਂ ਕੁਝ ਸਮਾਨ ਕੱਢ ਰਿਹਾ ਸੀ, ਉਦੋਂ ਕਰੇਨ ਮੁੜ ਗਈ। ਉਸਦੀ ਛਾਤੀ ਕਰੇਨ ਦੇ ਦੋ ਹਿੱਸਿਆਂ ਵਿਚਕਾਰ ਦਬ ਗਈ।'ਬੁਲਾਰੇ ਨੇ ਕਰਮਚਾਰੀ ਦਾ ਨਾਮ ਨਹੀਂ ਲਿਆ ਅਤੇ ਕਿਹਾ ਕਿ ਉਸ ਨੂੰ ਕਹੁ ਟੇਕ ਪੁਆਟ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸਦੀ ਮੌਤ ਹੋ ਗਈ। ਚੈਨਲ ਨੇ ਦੱਸਿਆ ਕਿ ਇਸ ਸਾਲ ਸਿੰਗਾਪੁਰ ਵਿੱਚ ਕੰਮ ਵਾਲੀ ਥਾਂਮੌਤ ਦਾ ਇਹ 27ਵਾਂ ਕੇਸ ਹੈ। ਸਾਲ 2021 ਵਿੱਚ ਕੰਮ ਦੀ ਥਾਂ ਉੱਤੇ 37 ਲੋਕਾਂ ਦੀ ਮੌਤ ਹੋਈ ਹੈ। ਇਕੱਲੇ ਅਪ੍ਰੈਲ ਵਿੱਚ 10 ਲੋਕਾਂ ਦੀ ਮੌਤ ਹੋਈ ਸੀ। ਪ੍ਰਧਾਨ ਮੰਤਰੀ ਲੀ ਹਸੀਨ ਲੂੰਗ ਨੇ ਪਿਛਲੇ ਮਹੀਨੇ ਕਿਹਾ ਸੀ ਕਿ ਕੰਮ ਵਾਲੀ ਥਾਂਮੌਤਾਂ ਹੋਣਾ ‘ਸਵੀਕਾਰਯੋਗ ਨਹੀਂ'।ਲੀ ਨੇ ਕਿਹਾ ਸੀ ਕਿ ਆਰਥਿਕਤਾ ਦੇ ਮੁੜ ਖੁੱਲ੍ਹਣ ਅਤੇ ਵੱਧ ਕੰਮ ਅਤੇ ਸਮਾਜਕ ਗਤੀਵਿਧੀਆਂ ਦੇ ਮੁੜ ਸ਼ੁਰੂ ਕਰਨ ਦੌਰਾਨ ‘ਸੁਰੱਖਿਆ ਮਾਪਦੰਡਾਂ ਅਤੇ ਤਰੀਕਿਆਂ ਵਿੱਚ ਗਿਰਾਵਟ ਆਈ’ ਅਤੇ ਹਾਦਸਿਆਂ ਦੀ ਗਿਣਤੀ ਵਧੀ ਹੈ।