* ਕਸ਼ਮੀਰ ਦੇ ਕੁਝ ਇਲਾਕਿਆਂ ਵਿੱਚ ਇੰਟਰਨੈੱਟ ਸੇਵਾਵਾਂ ਬੰਦ
* ਯਾਸੀਨ ਨੂੰ ਸਜ਼ਾ ਦੇ ਸਵਾਲ ਉੱਤੇ ਪਾਕਿ ਸਰਕਾਰ ਭੜਕੀ
ਨਵੀਂ ਦਿੱਲੀ, 25 ਮਈ, (ਪੋਸਟ ਬਿਊਰੋ)-ਟੈਰਰ ਫੰਡਿੰਗ ਕੇਸ ਵਿੱਚ ਅੱਜ ਪਟਿਆਲਾ ਹਾਊਸ ਕੋਰਟ ਨੇ ਪ੍ਰਮੁੱਖ ਦੋਸ਼ੀ ਯਾਸੀਨ ਮਲਿਕ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਅਤੇ 10 ਲੱਖਰੁਪਏ ਜੁਰਮਾਨਾ ਕੀਤਾ ਹੈ।
ਵਰਨਣ ਯੋਗ ਹੈ ਕਿ ਯਾਸੀਨ ਮੁਲਕਵੱਲੋਂ ਆਪਣੇ ਉੱਤੇ ਲੱਗੇ ਸਾਰੇ ਦੋਸ਼ਮੰਨ ਲੈਣਪਿੱਛੋਂ ਐੱਨਆਈਏ ਦੀ ਵਿਸ਼ੇਸ਼ ਅਦਾਲਤ ਨੇ 19 ਮਈ ਨੂੰ ਹੁਰੀਅਤ ਆਗੂਅਤੇ ਪਾਬੰਦੀਸ਼ੁਦਾ ਜਥੇਬੰਦੀ ਜੰਮੂ-ਕਸ਼ਮੀਰ ਲਿਬਰੇਸ਼ਨ ਫਰੰਟ ਦੇ ਮੁਖੀ ਯਾਸੀਨ ਮਲਿਕ ਨੂੰਸਾਲ 2017 ਦੇ ਦਹਿਸ਼ਤਗਰਦੀ ਫੰਡਿੰਗ ਕੇਸ ਦਾ ਦੋਸ਼ੀ ਕਰਾਰ ਦਿੱਤਾ ਸੀਅਤੇ ਐੱਨਆਈਏ (ਨੈਸ਼ਨਲ ਇਨਵੈੱਸਟੀਗੇਸ਼ਨ ਏਜੰਸੀ) ਨੂੰ ਜੁਰਮਾਨੇ ਦੀ ਰਕਮ ਤੈਅ ਕਰਨ ਲਈ ਯਾਸੀਨ ਮਲਿਕ ਦੀ ਮਾਇਕ ਹਾਲਤ ਦਾ ਮੁਲੰਕਣ ਕਰਨ ਨੂੰ ਕਿਹਾ ਸੀ।ਇਸ ਦੇ ਨਾਲ ਯਾਸੀਨ ਮਲਿਕ ਨੂੰ ਆਪਣੀ ਜਾਇਦਾਦ ਦਾਐਫੀਡੇਵਿਟ ਪੇਸ਼ ਕਰਨ ਨੂੰ ਵੀ ਕਿਹਾ ਸੀ।ਉਸ ਤੋਂ ਪਹਿਲਾਂ 10 ਮਈ ਨੂੰ ਯਾਸੀਨ ਮਲਿਕ ਨੇ ਅੱਤਵਾਦੀ ਫੰਡਿੰਗ ਕੇਸ ਵਿੱਚ ਗੈਰ-ਕਾਨੂੰਨੀ ਗਤੀਵਿਧੀਆਂ ਰੋਕੂ ਕਾਨੂੰਨ (ਯੂ ਏਪੀਏ) ਹੇਠ ਸਾਰੇ ਦੋਸ਼ਾਂ ਬਾਰੇ ਅਦਾਲਤ ਨੂੰ ਕਿਹਾ ਸੀ ਕਿ ਉਹ ਆਪਣੇਵਿਰੁੱਧ ਦੋਸ਼ਾਂ ਦਾ ਸਾਹਮਣਾ ਨਹੀਂ ਕਰਨਾ ਚਾਹੁੰਦਾ। ਮਲਿਕ ਨੂੰ ਅੱਤਵਾਦੀ ਵਾਰਦਾਤਾਂ ਲਈ ਫੰਡ ਇਕੱਠਾ ਕਰਨ, ਸਾਜਿ਼ਸ਼ ਰਚਣ, ਅੱਤਵਾਦੀ ਸੰਗਠਨ ਦਾ ਮੈਂਬਰ ਹੋਣ, ਭਾਰਤ ਦੇ ਖਿਲਾਫ਼ ਪ੍ਰਚਾਰ ਅਤੇ ਰਾਜ-ਧ੍ਰੋਹ ਸਮੇਤ ਹੋਰ ਅਪਰਾਧਾਂ ਦਾ ਦੋਸ਼ੀ ਮੰਨਿਆ ਗਿਆ ਸੀ।
ਜੰਮੂ-ਕਸ਼ਮੀਰ ਵਿੱਚ ਅੱਤਵਾਦੀ ਫੰਡਿੰਗ ਦੇ ਕੇਸ ਵਿੱਚਦਿੱਲੀ ਦੀ ਅਦਾਲਤ ਵੱਲੋਂ ਯਾਸੀਨ ਮਲਿਕ ਨੂੰ ਦੋਸ਼ੀ ਮੰਨੇ ਜਾਣ ਤੋਂ ਬਾਅਦ ਪਾਕਿਸਤਾਨ ਨੇ ਇਸ ਬਾਰੇ ਭਾਰਤ ਦੇ ਹਾਈ ਕਮਿਸ਼ਨਰ ਨੂੰ ਵਿਦੇਸ਼ ਮੰਤਰਾਲੇ ਵਿੱਚ ਤਲਬ ਕੀਤਾ ਅਤੇ ਮਲਿਕ ਉੱਤੇ ਲਾਏ ਦੋਸ਼ਾਂਬਾਰੇ ਵਿਰੋਧ ਪ੍ਰਗਟ ਕੀਤਾ ਹੈ।
ਦੂਸਰੇ ਪਾਸੇ ਜੰਮੂ-ਕਸ਼ਮੀਰ ਦੀ ਗਰਮੀਆਂ ਦੀ ਰਾਜਧਾਨੀ ਸ੍ਰੀਨਗਰ ਦੇ ਡਾਊਨਟਾਊਨ ਸਣੇ ਵੱਖ-ਵੱਖ ਖੇਤਰਾਂ ਦੇਦੁਕਾਨਦਾਰਾਂ ਨੇ ਪੱਥਰਬਾਜ਼ਾਂ ਦੇ ਡਰੋਂ ਆਪਣੀਆਂ ਦੁਕਾਨਾਂ ਬੰਦ ਰੱਖੀਆਂ, ਪਰ ਸਥਿਤੀ ਆਮ ਰਹੀ। ਚੌਕਸੀ ਵਰਤਦੇ ਹੋਏ ਪ੍ਰਸ਼ਾਸਨ ਨੇ ਲੱਖਣਪੁਰ ਤੋਂ ਕੁਪਵਾੜਾ ਤੱਕ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਰੱਖੇ, ਤਾਂ ਜੋ ਸ਼ਰਾਰਤੀ ਅਨਸਰ ਕੋਈ ਗੜਬੜ ਨਾ ਕਰ ਸਕਣ। ਯਾਸੀਨ ਮਲਿਕ ਦੇ ਇਲਾਕੇ ਅਤੇ ਹੋਰ ਸੰਵੇਦਨਸ਼ੀਲ ਖੇਤਰਾਂ ਦੀ ਨਿਗਰਾਨੀ ਲਈ ਡਰੋਨ ਦੀ ਮਦਦ ਲੈਣ ਤੋਂ ਇਲਾਵਾ ਪੁਲਿਸ ਨੇ ਕਈ ਥਾਂ ਇੰਟਰਨੈਟ ਸੇਵਾਵਾਂ ਬੰਦ ਰੱਖੀਆਂ। ਬਹੁਤੇ ਦੁਕਾਨਦਾਰਾਂ ਨੇ ਸ੍ਰੀਨਗਰ, ਖਾਸ ਤੌਰ ਉੱਤੇ ਲਾਲ ਚੌਕ ਦੇ ਨਾਲ ਮੇਸੂਮਾ ਤੇ ਡਾਊਨ-ਟਾਊਨ ਦੇ ਵੱਖ-ਵੱਖ ਹਿੱਸਿਆਂ ਦੁਕਾਨਾਂ ਬੰਦ ਰੱਖੀਆਂ। ਸ਼੍ਰੀਨਗਰ ਦੇ ਰਾਜਬਾਗ, ਜਵਾਹਰ ਨਗਰ, ਬਟਮਾਲੂ, ਰਾਮਬਾਗ, ਚੰਨਾਪੋਰਾ ਆਦਿ ਕਈ ਇਲਾਕਿਆਂ ਵਿੱਚ ਦੁਕਾਨਾਂ ਬੰਦ ਨਹੀਂ ਹੋਈਆਂ। ਮੈਸੂਮਾ, ਜਿੱਥੇ ਯਾਸੀਨ ਮਲਿਕ ਦਾ ਘਰ ਹੈ ਅਤੇ ਡਾਊਨ ਟਾਊਨ ਦੇ ਕੁਝ ਹੋਰ ਹਿੱਸਿਆਂ ਦੀ ਚੌਕਸੀ ਲਈ ਡਰੋਨ ਨੂੰ ਲਿਜਾਇਆ ਗਿਆ। ਮਲਿਕ ਦੇ ਸਮਰਥਕਾਂ ਨੇ ਭੜਕਾਊ ਨਾਅਰੇਬਾਜ਼ੀ ਕਰਦੇ ਹੋਏ ਜਲੂਸ ਕੱਢਣ ਦੀ ਕੋਸਿ਼ਸ਼ ਕੀਤੀ, ਪਰ ਦਸ਼ਨਾਮੀ ਅਖਾੜਾ ਚੌਕ ਅੱਗੇ ਸੀਆਰਪੀਐੱਫ ਅਤੇ ਪੁਲਿਸ ਨੇ ਉਨ੍ਹਾਂ ਨੂੰ ਰੋਕ ਕੇ ਵਾਪਸ ਭੇਜ ਦਿੱਤਾ।