ਜਲੰਧਰ, 24 ਮਈ (ਪੋਸਟ ਬਿਊਰੋ)- ਜਲੰਧਰ ਕੈਂਟ ਥਾਣਾ ਸਦਰ ਦੇ ਪਿੰਡ ਧੀਣਾ ਵਿੱਚ ਕੱਲ੍ਹ ਰਾਤ ਮੀਂਹ ਝੱਪੜ ਹਨੇਰੀ ਕਾਰਨ ਵਾਪਰੇ ਹਾਦਸੇ ਵਿੱਚ ਤਿੰਨ ਮੰਜਿਲਾ ਨਵੀਂ ਬਣਦੀ ਇਮਾਰਤ ਦੀ ਕੰਧ ਡਿੱਗਣ ਨਾਲ ਥੱਲੇ ਆਣ ਕੇ ਦੋ ਔਰਤਾਂ ਦੀ ਮੌਤ ਹੋ ਗਈ ਅਤੇ ਪਿਉ ਅਤੇ ਦੋ ਪੁੱਤ ਗੰਭੀਰ ਜ਼ਖ਼ਮੀ ਹੋ ਗਏ। ਮ੍ਰਿਤਕਾਂ ਦੀ ਪਛਾਣ ਮਨਪ੍ਰੀਤ ਅਤੇ ਵੰਦਨਾ ਵਜੋਂ ਹੋਈ ਹੈ, ਜੋ ਰਿਸ਼ਤੇ ਵਿੱਚ ਨਨਾਣ ਭਰਜਾਈ ਸਨ।
ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਧੀਣਾ ਵਿਖੇ ਤਿੰਨ ਮੰਜਿਲਾ ਬਣ ਰਹੀ ਨਵੀਂ ਇਮਾਰਤ ਦੀ ਕੰਧ ਬਣਾਈ ਗਈ ਸੀ ਤੇ ਨਾਲ ਵਾਲੇ ਘਰ ਦੀ ਛੱਤ ਉੱਤੇ ਇਹ ਸਾਰਾ ਪਰਵਾਰ ਸੁੱਤਾ ਸੀ। ਰਾਤ ਇੱਕ ਵਜੇ ਦੇ ਕਰੀਬ ਆਏ ਮੀਂਹ ਝੱਖੜ ਕਾਰਨ ਇਮਾਰਤ ਦੀ ਕੰਧ ਸੁੱਤੇ ਪਏ ਪਰਵਾਰ ਉੱਤੇ ਡਿੱਗ ਗਈ। ਦੋਵਾਂ ਔਰਤਾਂ ਦੀ ਮੌਕੇ ਉੱਤੇ ਮੌਤ ਹੋ ਗਈ।