ਮਾਧੁਰੀ ਦੀਕਸ਼ਿਤ ਕਾਫੀ ਸਮੇਂ ਤੋਂ ਡਿਜੀਟਲ ਡੈਬਿਊ ਬਾਰੇ ਸੁਰਖੀਆਂ ਵਿੱਚ ਸੀ। ਪਿੱਛੇ ਜਿਹੇ ਨੈੱਟਫਲਿਕਸ ਦੀ ਸੀਰੀਜ਼ ਵਿੱਚਉਸ ਨੇ ‘ਦ ਫੇਮ ਗੇਮ’ ਨਾਲ ਓ ਟੀ ਟੀ ਉੱਤੇ ਆਪਣਾ ਡੈਬਿਊ ਕੀਤਾ ਹੈ। ਅੱਗੋਂ ਖਬਰਾਂ ਹਨ ਕਿ ਫਿਲਮ ‘ਮਜ਼ਾ ਮਾ’ ਵਿੱਚ ਮਾਧੁਰੀ ਦੀਕਸ਼ਿਤ ਇੱਕ ਸਮਲਿੰਗੀ ਦਾ ਕਿਰਦਾਰ ਕਰੇਗੀ। ਇਸ ਵਿੱਚ ਦਿਖਾਇਆ ਜਾਏਗਾ ਕਿ ਕਿਵੇਂ ਉਸ ਦਾ ਸੈਕਸੁਅਲ ਇੰਟ੍ਰੈਸਟ ਵਿਵਾਦ ਦਾ ਕਾਰਨ ਬਣਦਾ ਹੈ। ਇਹ ਫੈਮਿਲੀ ਡਰਾਮਾ ਫਿਲਮ ਹੋਵੇਗੀ। ਫਿਲਮ ਵਿੱਚ ਉਹ ਇੱਕ ਅਜਿਹੀ ਮਾਂ ਦੀ ਭੂਮਿਕਾ ਨਿਭਾਏਗੀ, ਜੋ ਆਪਣੇ ਬੇਟੇ ਦੇ ਵਿਆਹ ਵਿੱਚ ਰੁਕਾਵਟ ਬਣ ਜਾਂਦੀ ਹੈ।
ਸੂਤਰਾਂ ਅਨੁਸਾਰ ‘ਸਮਾਂ ਬਦਲ ਗਿਆ ਹੈ। ਪਿੱਛੇ ਜਿਹੇ ਭੂਮੀ ਪੇਡਨੇਕਰ ਨੇ ‘ਬਧਾਈ ਦੋ’ ਵਿੱਚ ਲੇਸਬੀਅਨ ਦਾ ਕਿਰਦਾਰ ਨਿਭਾਇਆ ਸੀ ਅਤੇ ਉਸ ਦੇ ਕਰੈਕਟਰ ਨੂੰ ਖੂਬਸੂਰਤੀ ਨਾਲ ਪੇਸ਼ ਕੀਤਾ ਗਿਆ ਸੀ। ਇਸੇ ਤਰ੍ਹਾਂ ਮਾਧੁਰੀ ਦੇ ਕਿਰਦਾਰ ਨੂੰ ‘ਮਜ਼ਾ ਮਾ’ ਵਿੱਚ ਸੰਵੇਦਨਸ਼ੀਲਤਾ ਨਾਲ ਹੈਂਡਲ ਕੀਤਾ ਗਿਆ।” ਫਿਲਮ ਵਿੱਚ ਗਜਰਾਜ ਰਾਓ, ਰਿਤਵਿਕ ਭੌਮਿਕ, ਰਜਿਤ ਕਪੂਰ, ਬਰਖਾ ਸਿੰਘ ਅਤੇ ਸਿਮੋਨ ਸਿੰਘ ਵੀ ਹਨ।