ਸ੍ਰੀਨਗਰ, 16 ਮਈ (ਪੋਸਟ ਬਿਊਰੋ)- ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਜ਼ਿਲੇ੍ਹ ਵਿੱਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਗੋਲੀਬਾਰੀ ਦੌਰਾਨ ਇੱਕ ਆਮ ਨਾਗਰਿਕ ਦੀ ਮੌਤ ਹੋ ਗਈ ਹੈ।
ਪੁਲਸ ਅਨੁਸਾਰ ਸ਼ੋਪੀਆਂ ਵਿੱਚ ਲਿਟਲ ਪੁਲਵਾਮਾ ਨੂੰ ਤੁਰਕਵਾਂਗਮ ਨਾਲ ਜੋੜਨ ਵਾਲੇ ਪੁਲ ਨੇੜੇ ਅੱਤਵਾਦੀਆਂ ਨੇ ਸੀ ਆਰ ਪੀ ਐਫ ਅਤੇ ਪੁਲਸ ਦੀ ਸਾਂਝੀ ਗਸ਼ਤ ਟੀਮ ਉੱਤੇ ਗੋਲੀਆਂ ਚਲਾਈਆਂ। ਇਸ ਦੌਰਾਨ ਇੱਕ ਨਾਗਰਿਕ ਜ਼ਖਮੀ ਹੋ ਗਿਆ, ਜਿਸ ਦੀ ਪਛਾਣ ਸ਼ੋਇਬ ਗਨੀ ਵਜੋਂ ਹੋਈ। ਸ਼ੋਇਬ ਦੀ ਇਲਾਜ ਦੌਰਾਨ ਮੌਤ ਹੋ ਗਈ।ਅੱਤਵਾਦੀ ਥੋੜ੍ਹਾ ਸਮਾਂ ਮੁਕਾਬਲਾ ਕਰਨ ਮਗਰੋਂ ਨੇੜਲੇ ਬਾਗਾਂ ਵੱਲ ਖਿਸਕ ਹੋ ਗਏ। ਪੁਲਸ ਨੇ ਤਲਾਸ਼ੀ ਸ਼ੁਰੂ ਕਰ ਦਿੱਤੀ ਹੈ।
ਹੋਰ ਜਾਣਕਾਰੀ ਅਨੁਸਾਰ ਜੰਮੂ ਵਿਖੇ ਕੂੜੇ ਦੇ ਢੇਰ ਵਿੱਚੋਂ ਜੰਗ ਲੱਗਾ ਮੋਰਟਾਰ ਦਾ ਖੋਲ ਮਿਲਿਆ ਹੈ। ਕੁੰਜਵਾਨੀ ਇਲਾਕੇ ਵਿੱਚ ਇੱਕ ਦੁਕਾਨ ਨੇੜੇ ਲੱਗੇ ਕੂੜੇ ਦੇ ਢੇਰ ਤੋਂ ਕਿਸੇ ਰਾਹਗੀਰ ਨੇ ਇੱਕ ਗੋਲੇ ਦਾ ਖੋਲ ਪਿਆ ਹੋਣ ਦੀ ਸੂਚਨਾ ਦਿੱਤੀ। ਬੰਬ ਵਿਰੋਧੀ ਦਸਤੇ ਨੇ ਖੋਲ ਨੂੰ ਕਬਜ਼ੇ ਵਿੱਚ ਲੈ ਲਿਆ। ਗੋਲੇ ਵਿੱਚ ਕੋਈ ਧਮਾਕਾਖੇਜ਼ ਸਮੱਗਰੀ ਨਹੀਂ ਸੀ।