ਓਨਟਾਰੀਓ, 13 ਮਈ (ਪੋਸਟ ਬਿਊਰੋ) : ਅੱਂਜ ਇੱਕ ਵਾਰੀ ਫਿਰ ਓਨਟਾਰੀਓ ਦੀ ਮੁੱਖ ਪਾਰਟੀ ਦੇ ਆਗੂ ਪ੍ਰੋਵਿੰਸ ਦੇ ਦੱਖਣ ਵੱਲ ਚੋਣ ਪ੍ਰਚਾਰ ਕਰਨਗੇ।
ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਪਾਰਟੀ ਆਗੂ ਡੱਗ ਫੋਰਡ ਵਿੰਡਸਰ ਵਿੱਚ ਹਨ, ਜਿੱਥੇ ਉਨ੍ਹਾਂ ਵੱਲੋਂ ਅੱਜ ਸਵੇਰੇ ਐਲਾਨ ਕੀਤਾ ਜਾ ਸਕਦਾ ਹੈ। ਐਨਡੀਪੀ ਆਗੂ ਐਂਡਰੀਆ ਹੌਰਵਥ ਚੈਥਮ-ਕੈਂਟ ਤੇ ਸਟ੍ਰੈਟਫੋਰਡ ਵਿਖੇ ਹਨ ਤੇ ਉਹ ਬਜ਼ੁਰਗਾਂ ਦੇ ਲੰਮਾਂ ਸਮਾਂ ਆਪਣੇ ਘਰ ਰਹਿਣ ਲਈ ਨਵੇਂ ਪਲੈਨ ਸਬੰਧੀ ਐਲਾਨ ਕਰ ਸਕਦੀ ਹੈ।
ਲਿਬਰਲ ਆਗੂ ਸਟੀਵਨ ਡੈਲ ਡੂਕਾ ਲਗਾਤਾਰ ਦੂਜੇ ਦਿਨ ਗ੍ਰੇਟਰ ਟੋਰਾਂਟੋ ਏਰੀਆ ਵਿੱਚ ਹਨ ਤੇ ਉਹ ਰਹਿਣ ਸਹਿਣ ਉੱਤੇ ਆਉਣ ਵਾਲੀ ਲਾਗਤ ਸਬੰਧੀ ਐਲਾਨ ਕਰ ਸਕਦੇ ਹਨ। ਗ੍ਰੀਨ ਪਾਰਟੀ ਆਗੂ ਮਾਈਕ ਸ਼੍ਰੇਨਰ ਵੱਲੋਂ ਗੁਐਲਫ ਵਿੱਚ ਕਈ ਈਵੈਂਟਸ ਕਰਵਾਏ ਜਾ ਰਹੇ ਹਨ ਤੇ ਇਨ੍ਹਾਂ ਵਿੱਚ ਗਰੀਬੀ ਨੂੰ ਖ਼ਤਮ ਕਰਨ ਸਬੰਧੀ ਐਲਾਨ ਕੀਤੇ ਜਾਣ ਦੀ ਵੀ ਸੰਭਾਵਨਾ ਹੈ।ਓਨਟਾਰੀਓ ਦੇ ਵੋਟਰਾਂ ਵੱਲੋਂ 2 ਜੂਨ ਨੂੰ ਪ੍ਰੋਵਿੰਸ਼ੀਅਲ ਚੋਣਾਂ ਵਿੱਚ ਹਿੱਸਾ ਲਿਆ ਜਾਵੇਗਾ।