ਕ੍ਰਿਤੀ ਸਨਨ ਜਲਦੀ ਹੀ ਫਿਲਮ ‘ਗਣਪਤ’ ਵਿੱਚ ਨਜ਼ਰ ਆਉਣ ਵਾਲੀ ਹੈ। ਇਸ ਵਿੱਚ ਉਸ ਦੇ ਨਾਲ ਟਾਈਗਰ ਸ਼ਰਾਫ ਲੀਡ ਰੋਲ ਵਿੱਚ ਹੈ। ਜਾਣਕਾਰੀ ਮਿਲੀ ਹੈ ਕਿ ਕ੍ਰਿਤੀ ਫਿਲਮ ਦੇ ਆਖਰੀ ਸ਼ਡਿਊਲ ਦੀ ਸ਼ੂਟਿੰਗ ਲਈ ਲੱਦਾਖ ਜਾ ਸਕਦੀ ਹੈ। ਜਿੱਥੇ ਟਾਈਗਰ ਤੇ ਕ੍ਰਿਤੀ ਐਕਸ਼ਨ ਸੀਨਸ ਨੂੰ ਸ਼ੂਟ ਕਰਨਗੇ। ਉਨ੍ਹਾਂ ਦੇ ਇਹ ਸ਼ਡਿਊਲ 15 ਦਿਨਾਂ ਵਿੱਚ ਪੂਰਾ ਹੋਣ ਦੀ ਉਮੀਦ ਹੈ। ਇਹ ਇੱਕ ਥ੍ਰਿਲਰ ਜੋਨਰ ਦੀ ਫਿਲਮ ਹੈ।
ਫਿਲਮ ਵਿੱਚ ਕ੍ਰਿਤੀ ਜੱਸੀ ਦੇ ਕਿਰਦਾਰ ਵਿੱਚ ਆਉਣ ਵਾਲੀ ਹੈ। ਇਹ ਨਿਰਮਾਣ ਪੂਜਾ ਇੰਟਰਟੇਨਮੈਂਟ ਦੇ ਬੈਨਰ ਹੇਠ ਕੀਤਾ ਜਾਣਾ ਹੈ। ਵਿਕਾਸ ਬਹਿਲ ਇਸ ਦੇ ਡਾਇਰੈਕਟਰ ਹਨ ਤੇ ਇਹ ਇਸੇ ਸਾਲ ਕ੍ਰਿਸਮਸ ਉਤੇ ਰਿਲੀਜ਼ ਹੋਵੇਗੀ। ਵਰਕਫਰੰਟ ਵਜੋਂ ਕ੍ਰਿਤੀ ਇਸ ਸਾਲ ਬੈਕ-ਟੂ-ਬੈਕ ਕਈ ਫਿਲਮਾਂ ‘ਆਦਿਪੁਰਸ਼’, ‘ਭੇੜੀਆ’, ‘ਸ਼ਹਿਜ਼ਾਦਾ’ ਆਦਿਵਿੱਚ ਆਵੇਗੀ। ਉਸ ਨੂੰ ਆਖਰੀ ਫਿਲਮ ਵਿੱਚ ਪਿੱਛੇ ਜਿਹੇ ਰਿਲੀਜ਼ ਹੋਈ ਫਿਲਮ ‘ਬੱਚਨ ਪਾਂਡੇ’ ਵਿੱਚ ਦੇਖਿਆ ਗਿਆ ਹੈ।