ਸਾਲ 2018 ਵਿੱਚ ਮੁੰਬਈ ਵਿੱਚ ਹੋਏ ਅੱਤਵਦੀ ਹਮਲਿਆਂ ਵਿੱਚ ਸ਼ਹੀਦ ਹੋਏ ਮੇਜਰ ਸੰਦੀਪ ਉਨੀਕ੍ਰਿਸ਼ਨਨ ਦੀ ਬਾਇਓਪਿਕ ਫਿਲਮ ‘ਮੇਜਰ’ ਬਣ ਕੇ ਤਿਆਰ ਹੈ। ਤਿੰਨ ਜੂਨ ਨੂੰ ਰਿਲੀਜ਼ ਹੋ ਰਹੀ ਇਸ ਫਿਲਮ ਵਿੱਚ ਤੇਲਗੂ ਅਭਿਨੇਤਾ ਅਦਿਵੀ ਸ਼ੇਸ਼ ਨੇ ਮੇਜਰ ਸੰਦੀਪ ਦ ਕਿਰਦਾਰ ਨਿਭਾਇਆ ਹੈ। ਹਿੰਦੀ ਤੇ ਤੇਲਗੂ ਦੋ ਭਾਸ਼ਾਵਾਂ ਵਿੱਚ ਬਣੀ ਇਸ ਫਿਲਮ ਦਾ ਟ੍ਰੇਲਰ ਨੌਂ ਮਈ ਨੂੰ ਜਾਰੀ ਕੀਤਾ ਜਾਏਗਾ। ਉਸ ਤੋਂ ਪਹਿਲਾਂ ਫਿਲਮ ਦੀ ਟੀਮ ਵੱਲੋਂ ਇੰਟਰਨੈੱਟ ਮੀਡੀਆ ਉੱਤੇ ਇੱਕ ਵੀਡੀਓ ਸਾਂਝੀ ਕੀਤੀ ਗਈ ਹੈ, ਜਿਸ ਵਿੱਚ ਇਸ ਫਿਲਮ ਨੂੰ ਹਿੰਦੀ ਅਤੇ ਤਮਿਲ ਵਿੱਚ ਅਲੱਗ-ਅਲੱਗ ਸ਼ੂਟ ਕਰਨ ਦੀ ਪ੍ਰਕਿਰਿਆ ਵੀ ਦਿਖਾਈ ਗਈ ਹੈ।
ਐਕਟਿੰਗ ਦੇ ਨਾਲ-ਨਾਲ ਇਸ ਫਿਲਮ ਨੂੰ ਸੰਕਲਪਨਾ ਤਿਆਰ ਕਰਨ ਵਾਲੇ ਅਦਿਵੀ ਸ਼ੇਸ਼ ਇਸ ਫਿਲਮ ਦੇ ਬਾਰੇ ਵਿੱਚ ਦੱਸਦੇ ਹਨ, ‘‘ਫਿਲਮ ਵਿੱਚ ਮੇਰਾ ਲੀਡ ਰੋਲ ਹੋਣਾ ਇੱਕ ਸੁਭਾਵਿਕ ਪ੍ਰਕਿਰਿਆ ਸੀ, ਕਿਉਂਕਿ ਜਦ ਮੈਂ ਇਸ ਉਤੇ ਕੰਮ ਸ਼ੁਰੂ ਕੀਤਾ ਤਾਂ ਕਈ ਲੋਕਕਹਿੰਦੇ ਸਨ ਕਿ ਤੁਹਾਡਾ ਚਿਹਰਾ ਮੇਜਰ ਸਦੀਪ ਨਾਲ ਮਿਲਦਾ ਹੈ। ਇਸ ਦੇ ਇਲਾਵਾ ਨਵੰਬਰ 2008 ਵਿੱਚ ਅੱਤਵਦੀ ਹਮਲੇ ਸਮੇਂ ਜਦ ਮੈਂ ਅਮਰੀਕਾ ਵਿੱਚ ਟੀ ਵੀ ਉਤੇ ਉਨ੍ਹਾਂ ਦੀ ਫੋਟੋ ਪਹਿਲੀ ਵਾਰ ਦੇਖੀ ਤਾਂ ਲੱਗਾ ਕਿ ਜਿਵੇਂ ਉਹ ਮੇਰੇ ਕੋਈ ਵੱਡੇ ਭਰਾ ਹਨ। ਉਸ ਪਿੱਛੋਂ ਜਿਸ ਦਿਨ ਮੈਂ ਉਨ੍ਹਾਂ ਦੇ ਜੀਵਨ ਉਤੇ ਫਿਲਮ ਬਣਾਉਣ ਦਾ ਫੈਸਲਾ ਕੀਤਾ, ਉਸੇ ਦਿਨ ਮੰਨ ਲਿਆ ਕਿ ਮੈਂ ਉਨ੍ਹਾਂ ਦਾ ਕਿਰਦਾਰ ਨਿਭਾਵਾਂਗਾ।” ਅਦਿਵੀ ਨਾਲ ਸ਼ੋਭਿਤਾ ਧੂਲੀਪਾਲਾ, ਸਈ ਮਾਂਜਰੇਕਰ ਵਿੱਚ ਇਸ ਫਿਲਮ ਵਿੱਚ ਹਨ। ਇਹ ਫਿਲਮ ਮਲਿਆਲਮ ਵਿੱਚ ਵੀ ਡਬ ਹੋ ਕੇ ਰਿਲੀਜ਼ ਹੋਵੇਗੀ।