Welcome to Canadian Punjabi Post
Follow us on

17

May 2022
 
ਮਨੋਰੰਜਨ

ਬਿਜਲੀ ਬਣ ਕੇ ਛਾਈ ਪਲਕ ਤਿਵਾੜੀ

December 23, 2021 02:25 AM

ਸ਼ਵੇਤਾ ਤਿਵਾੜੀ ਦੀ ਧੀ ਪਲਕ ਤਿਵਾੜੀ ਦੀ ਡੈਬਿਊ ਫਿਲਮ ਜਲਦੀ ਆਉਣ ਵਾਲੀ ਹੈ, ਪਰ ਇਸ ਤੋਂ ਪਹਿਲਾਂ ਹੀ ਉਹ ਖੂਬ ਸੁਰਖੀਆਂ ਖੱਟ ਚੁੱਕੀ ਹੈ। 21 ਸਾਲਾਂ ਦੀ ਉਮਰ ਵਿੱਚ ਹੀ ਆਪਣੇ ਬੋਲਡ ਅਵਤਾਰ ਨਾਲ ਉਹ ਸੋਸ਼ਲ ਮੀਡੀਆ ਉੱਤੇ ਸਨਸਨੀ ਮਚਾ ਚੁੱਕੀ ਹੈ ਅਤੇ ਪਿੱਛੇ ਜਿਹੇ ਰਿਲੀਜ਼ ਹੋਏ ਉਸ ਦੇ ਗੀਤ ‘ਬਿਜਲੀ’ ਵਿੱਚ ਉਸ ਦੀਆਂ ਖੂਬਸੂਰਤ ਅਤੇ ਗਲੈਮਰਸ ਅਦਾਵਾਂ ਦੇ ਬਾਅਦ ਉਸ ਦੀ ਪ੍ਰਸਿੱਧੀ ਵਿੱਚ ਦਿਨ ਦੁੱਗਣੀ ਰਾਤ ਚੌਗੁਣੀ ਤਰੱਕੀ ਹੋ ਰਹੀ ਹੈ। ‘ਬਿਜਲੀ' ਗੀਤ ਵਿੱਚ ਹਾਰਡੀ ਸੰਧੂ ਨਾਲ ਉਹ ਬਿਲਕੁਲ ਬਿਜਲੀ ਵਾਂਗ ਹੀ ਡਾਂਸ ਕਰਦੀ ਨਜ਼ਰ ਆਈ ਹੈ। ਇਸ ਮਿਊਜ਼ਿਕ ਵੀਡੀਓ ਵਿੱਚ ਪਲਕ ਨੂੰ ਖੂਬ ਤਾਰੀਫਾਂ ਮਿਲ ਰਹੀਆਂ ਹਨ। ਸਲਮਾਨ ਖਾਨ ਨੇ ਵੀ ਪਲਕ ਅਤੇ ਹਾਰਡੀ ਦੀਆਂ ਤਾਰੀਫਾਂ ਕਰਦੇ ਹੋਏ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਉੱਤੇ ਪੋਸਟ ਕੀਤਾ ਸੀ।
ਪਿੱਛੇ ਜਿਹੇ ਉਹ ‘ਬਿਜਲੀ’ ਗੀਤ ਦੀ ਸਕਸੈੱਸ ਪਾਰਟੀ ਵਿੱਚ ਆਪਣੀ ਮਾਂ ਦੇ ਨਾਲ ਪਹੁੰਚੀ ਸੀ। ਇਸ ਮੌਕੇ ਉੱਤੇ ਦੋਵਾਂ ਨੇ ‘ਬਿਜਲੀ’ ਗੀਤ ਉੱਤੇ ਧਮਾਕੇਦਾਰ ਡਾਂਸ ਵੀ ਕਤਾ ਸੀ। ਦੱਸਣਯੋਗ ਹੈ ਕਿ ਪਲਕ ਫਿਲਮ ‘ਰੋਜ਼ੀ : ਦਿ ਸੈਫ੍ਰਾਨ ਚੈਪਟਰ’ ਨਾਲ ਬਾਲੀਵੁੱਡ ਵਿੱਚ ਬਤੌਰ ਹੀਰੋਇਨ ਡੈਬਿਊ ਕਰਨ ਵਾਲੀ ਹੈ। ਫਿਲਮ ਗੁਰੂਗਰਾਮ ਦੀ ਇੱਕ ਸੱਚੀ ਘਟਨਾ ਉੱਤੇ ਆਧਾਰਤ ਹੈ। ਵਿਵੇਕ ਓਬਰਾਏ ਦੀ ਇਸ ਫਿਲਮ ਵਿੱਚ ਪਲਕ ਦੇ ਇਲਾਵਾ ਅਰਬਾਜ਼ ਖਾਨ ਅਤੇ ਤਨੀਸ਼ਾ ਮੁਖਰਜੀ ਵੀ ਨਜ਼ਰ ਆਵੇਗੀ। ਫਿਲਮ ਅਗਲੇ ਮਹੀਨੇ ਰਿਲੀਜ਼ ਹੋਵੇਗੀ।

 
Have something to say? Post your comment