ਆਕਲੈਂਡ, 6 ਦਸੰਬਰ (ਪੋਸਟ ਬਿਊਰੋ)- ਇਮੀਗ੍ਰੇਸ਼ਨ ਬਾਰੇ ਨਿਊਜ਼ੀਲੈਂਡ ਨੂੰ ਇੱਕ ਅਦਾਲਤੀ ਦਖ਼ਲਤੋਂ ਬਾਅਦ ਉਨ੍ਹਾਂ ਰੈਜ਼ੀਡੈਂਸ ਵਾਲੀਆਂ ਸਾਰੀਆਂ ਅਰਜ਼ੀਆਂ ਉਤੇ ਕਾਰਵਾਈ ਕਰਨੀ ਪੈ ਗਈ ਹੈ ਜਿਹੜੀਆਂ ਅਰਜ਼ੀਆਂ ਪਿਛਲੇ ਸਾਲ ਕੋਰੋਨਾ ਲਾਕਡਾਊਨ ਤੋਂ ਪਹਿਲਾਂ ਦਾਖ਼ਲ ਹੋ ਗਈਆਂ ਸਨ। ਇਮੀਗ੍ਰੇਸ਼ਨ ਨੇ ਲਾਕਡਾਊਨ ਦੇ ਕਾਰਨ ਉਸ ਉਤੇ ਕੰਮ ਨਹੀਂ ਕੀਤਾਸੀ। ਇਮੀਗ੍ਰੇਸ਼ਨ ਨੇ ਇਨ੍ਹਾਂ ਅਰਜ਼ੀਆਂ ਉਤੇ ਕਾਰਵਾਈ ਆਰੰਭ ਵੀ ਕਰ ਦਿੱਤੀ ਹੈ, ਜਿਸ ਦਾ ਭਾਵ ਹੈ ਕਿ ਰੈਜ਼ੀਡੈਂਸ ਵੀਜ਼ਾ ਲੈਣ ਪਿੱਛੋਂਜਦੋਂ ਵੀ ਨਿਊਜ਼ੀਲੈਂਡ ਸਰਹੱਦ ਖੁਲ੍ਹੀ ਤਾਂ ਉਹ ‘2021 ਰੈਜ਼ੀਡੈਂਸ ਵੀਜ਼ਾ’ ਮਿਲਣ ਵਾਲਿਆਂ ਵਾਂਗ ਇੱਥੇ ਆ ਸਕਣਗੇ, ਚਾਹੇ ਉਹ ਆਫ਼ਸ਼ੋਰ ਵਾਲੇ ਵੀ ਕਿਉਂ ਨਾ ਹੋਣ।
ਇਹ ਅਰਜ਼ੀਆਂ ਜਿਵੇਂ-ਜਿਵੇਂ ਪ੍ਰਾਪਤ ਹੋਈਆਂ ਹਨ, ਉਸੇ ਵਾਰੀ ਅਨੁਸਾਰ ਕਾਰਵਾਈ ਲਈ ਚੁਣੀਆਂ ਜਾਣਗੀਆਂ। ਲੱਗਭਗ 2300 ਅਰਜ਼ੀਆਂ ਅਜਿਹੀਆਂ ਹਨ, ਜਿਨ੍ਹਾਂ ਉਤੇ ਇਮੀਗ੍ਰੇਸ਼ਨ ਆਪਣਾ ਫ਼ੈਸਲਾ ਦੇਵੇਗੀ। ਇਸ ਤੋਂ ਬਿਨਾ 4000 ਦੇ ਕਰੀਬ ਉਹ ਅਰਜ਼ੀਆਂ ਹਨ, ਜਿਨ੍ਹਾਂ ਦਾ ਕੋਰੋਨਾ ਲਾਕਡਾਊਨ ਤੋਂ ਪਹਿਲਾਂ ਰੈਜ਼ੀਡੈਂਸ ਵੀਜ਼ਾ ਲੱਗ ਚੁੱਕਾ ਸੀ, ਪਰ ਕੋਰੋਨਾ ਤਾਲਾਬੰਦੀ ਅਤੇ ਸਰਹੱਦਾਂ ਬੰਦ ਹੋਣ ਕਰ ਕੇ ਆ ਨਹੀਂ ਸਕੇ। ਇਸ ਉਤੇ ਵੀ ਹਾਈ ਕੋਰਟ ਨੇ ਆਪਣਾ ਪ੍ਰਤੀਕਰਮ ਦਿੱਤਾ ਹੈ। ਇਹ ਲੋਕ ਵੀ ਇੱਥੇ ਬਾਰਡਰ ਖੁੱਲ੍ਹਦੇ ਸਾਰ ਆ ਸਕਣਗੇ। ਇਸ ਵੇਲੇ ਉਹ ਪੱਕੇ ਜਾਂ ਨਾਗਰਿਕ ਲੋਕ ਹੀ ਆ ਸਕਦੇ ਹਨ, ਜਿਨ੍ਹਾਂ ਕੋਲ ਪ੍ਰਬੰਧਕੀ ਇਕਾਂਤਵਾਸ ਦਾ ਪ੍ਰਬੰਧ ਹੋਵੇ।