ਪੌਂਟੀਐਕ, ਮਿਸ਼ੀਗਨ, 3 ਦਸੰਬਰ (ਪੋਸਟ ਬਿਊਰੋ) : ਮਿਸ਼ੀਗਨ ਹਾਈ ਸਕੂਲ ਵਿੱਚ ਚਾਰ ਵਿਦਿਆਰਥੀਆਂ ਦੀ ਜਾਨ ਲੈਣ ਵਾਲੇ ਲੜਕੇ ਵੱਲੋਂ ਇੱਕ ਗੰਨ, ਇੱਕ ਵਿਅਕਤੀ ਦੇ ਖੂਨ ਵਿੱਚ ਲਥਪਥ ਹੋਣ ਅਤੇ ਹੈਲਪ ਮੀ ਦੀ ਡਰਾਇੰਗ ਜਦੋਂ ਇੱਕ ਟੀਚਰ ਦੇ ਹੱਥ ਲੱਗੀ ਤਾਂ ਉਸ ਲੜਕੇ ਦੇ ਮਾਪਿਆਂ ਨੂੰ ਕੁੱਝ ਘੰਟੇ ਪਹਿਲਾਂ ਸਕੂਲ ਸੱਦਿਆ ਗਿਆ। ਇਹ ਜਾਣਕਾਰੀ ਪ੍ਰੌਸੀਕਿਊਟਰ ਵੱਲੋਂ ਦਿੱਤੀ ਗਈ।
ਓਕਲੈਂਡ ਕਾਊਂਟੀ ਦੀ ਪ੍ਰੌਸੀਕਿਊਟਰ ਕੈਰਨ ਮੈਕਡੌਨਲਡ ਨੇ ਸੁ਼ੱਕਰਵਾਰ ਨੂੰ ਇਹ ਖੁਲਾਸਾ ਕੀਤਾ ਤੇ ਉਨ੍ਹਾਂ 15 ਸਾਲਾਂ ਦੇ ਈਥਨ ਕ੍ਰੰਬਲੇ ਦੇ ਮਾਪਿਆਂ ਜੈਨੀਫਰ ਤੇ ਜੇਮਜ਼ ਕ੍ਰੰਬਲੇ ਖਿਲਾਫ ਇਨਵਾਲੰਟੀਅਰੀ ਕਤਲੇਆਮ ਦੇ ਚਾਰਜਿਜ਼ ਲਾਏ। ਮੈਕਡੌਨਲਡ ਨੇ ਆਖਿਆ ਕਿ ਆਕਸਫੋਰਡ ਹਾਈ ਸਕੂਲ ਵਿੱਚ ਹੋਈ ਸ਼ੂਟਿੰਗ ਵਿੱਚ ਵਰਤੀ ਗਈ ਗੰਨ ਇੱਕ ਹਫਤੇ ਪਹਿਲਾਂ ਹੀ ਜੇਮਜ਼ ਕ੍ਰੰਬਲੇ ਵੱਲੋਂ ਖਰੀਦੀ ਗਈ ਸੀ ਤੇ ਫਿਰ ਲੜਕੇ ਨੂੰ ਵੀ ਦਿੱਤੀ ਗਈ ਸੀ।
ਈਥਨ ਕ੍ਰੰਬਲੇ ਆਪਣੀ ਕਲਾਸ ਵਿੱਚ ਪਰਤਿਆ ਤੇ ਬਾਅਦ ਵਿੱਚ ਉਹ ਬਾਥਰੂਮ ਤੋਂ ਬਾਹਰ ਆਇਆ ਤੇ ਉਸ ਨੇ ਵਿਦਿਆਰਥੀਆਂ ਉੱਤੇ ਗੰਨ ਚਲਾਉਣੀ ਸੁ਼ਰੂ ਕਰ ਦਿੱਤੀ।ਉਸ ਉੱਤੇ ਕਤਲ ਤੇ ਹੋਰ ਚਾਰਜਿਜ਼ ਲਾਏ ਗਏ। ਮੈਕਡੌਨਲਡ ਨੇ ਆਖਿਆ ਕਿ ਜੈਨਿਫਰ ਕ੍ਰੰਬਲੇ ਨੇ ਆਪਣੇ ਲੜਕੇ ਨੂੰ ਟੈਕਸਟ ਭੇਜ ਕੇ ਆਖਿਆ ਕਿ ਈਥਨ, ਇਹ ਸੱਭ ਨਾ ਕਰੀਂ।