ਮੌਜੂਦਾ ਦੌਰ ਵਿੱਚ ਨਿਰਮਾਤਾ ਨਿਰਦੇਸ਼ਕ ਕਹਾਣੀ ਦੇ ਪਿਛੋਕੜ ਅਨੁਸਾਰ ਵੱਡੇ ਸ਼ਹਿਰਾਂ ਨੂੰ ਛੱਡ ਕੇ ਛੋਟੇ ਸ਼ਹਿਰਾਂ ਦੀਆਂ ਅਸਲ ਲੋਕੇਸ਼ਨਾਂ ਨੂੰ ਪਹਿਲ ਦੇ ਰਹੇ ਹਨ। ‘ਲੈਲਾ ਮਜਨੂੰ’ ਅਤੇ ‘ਬੁਲਬੁਲ’ ਆਦਿ ਫਿਲਮਾਂ ਦੇ ਅਭਿਨੇਤਾ ਅਵਿਨਾਸ਼ ਤਿਵਾੜੀ ਵੀ ਇਸ ਵੇਲੇ ਝਾਰਖੰਡ ਦੇ ਪਲਾਮੂ ਵਿੱਚ ‘ਐੱਮ ਐੱਸ ਧੋਨੀ : ਦ ਅਨਟੋਲਡ ਸਟੋਰੀ’ ਅਤੇ ‘ਸਪੈਸ਼ਲ 26’ ਦੇ ਡਾਇਰੈਕਟਰ ਨੀਰਜ ਪਾਂਡੇ ਦੇ ਪ੍ਰੋਡਕਸ਼ਨ ਵਿੱਚ ਬਣ ਰਹੀ ਵੈੱਬ ਸੀਰੀਜ਼ ‘ਬਿਹਾਰ ਡਾਈਰੀਜ਼’ ਦੀ ਸ਼ੂਟਿੰਗ ਕਰ ਰਹੇ ਹਨ।
‘ਬਿਹਾਰ ਡਾਈਰੀਜ਼’ ਆਈ ਪੀ ਐੱਸ ਅਫਸਰ ਅਮਿਤ ਲੋਢਾ ਦੁਆਰਾ ਲਿਖੀ ਕਿਤਾਬ ਬਿਹਾਰ ਡਾਇਰੀਜ਼ : ਦ ਟਰੂ ਸਟੋਰੀ ਆਫ ਹਾਉ ਬਿਹਾਰਸ ਮੋਸਟ ਡੇਂਜਰਸ ਕ੍ਰਿਮੀਨਲ ਵਾਜ ਕਾਟ' ਉੱਤੇ ਆਧਾਰਤ ਵੈੱਬ ਸੀਰੀਜ਼ ਹੈ। ਅਵਿਨਾਸ਼ ਇਸ ਵੈੱਬ ਸੀਰੀਜ਼ ਵਿੱਚ ਆਈ ਪੀ ਐੱਸ ਅਮਿਤ ਲੋਢਾ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ।