ਕੈਮਰੇ ਮੂਹਰੇ ਆਪਣੇ ਐਕਟਿੰਗ ਦਾ ਲੋਹਾ ਮੰਨਵਾਉਣ ਵਾਲੀ ਅਭਿਨੇਤਰੀ ਆਹਨਾ ਕੁਮਰਾ ਲੇਖਿਕਾ ਵੀ ਬਣ ਗਈ ਹੈ। ਕੋਰੋਨਾ ਕਾਲ ਵਿੱਚ ‘ਖੁਦਾ ਹਾਫਿਜ਼' ਫਿਲਮ ਦੀ ਅਭਿਨੇਤਰੀ ਆਹਨਾ ਨੇ ਘਰ ਬੈਠੇ ਦੋ ਸਕ੍ਰਿਪਟ ਉੱਤੇ ਕੰਮ ਸ਼ੁਰੂ ਕਰ ਦਿੱਤਾ ਸੀ। ਇਨ੍ਹਾਂ ਵਿੱਚੋਂ ਇੱਕ ਸਕ੍ਰਿਪਟ ਫਿਲਮ ਦੀ ਅਤੇ ਦੂਸਰੀ ਵੈੱਬ ਸੀਰੀਜ਼ ਦੇ ਲਈ ਹੈ।
ਆਹਨਾ ਨੇ ਕਿਹਾ ਕਿ ਮੈਂ ਹਮੇਸ਼ਾ ਕੈਮਰੇ ਸਾਹਮਣੇ ਕੰਮ ਕੀਤਾ ਹੈ, ਪਰ ਲੇਖਨ ਰਾਈਟਿੰਗ ਦਾ ਸਫਰ ਵੀ ਮਜ਼ੇਦਾਰ ਹੈ। ਰਾਈਟਿੰਗ ਦਾ ਸ਼ੌਕ ਮੈਨੂੰ ਬਹੁਤ ਪਹਿਲਾਂ ਤੋਂ ਹੈ, ਪਰ ਕੰਮ ਕਾਰਨ ਉਹ ਕਈ ਵਾਰ ਹੋ ਸੀ ਨਹੀਂ ਸਕਦਾ। ਮਹਾਮਾਰੀ ਅਤੇ ਲਾਕਡਾਊਨ ਦੌਰਾਨ ਕਹਾਣੀਆਂ ਲਿਖਣ ਤੇ ਸੋਚਣ ਦਾ ਸਮਾਂ ਮਿਲਿਆ। ਮੈਂ ਆਪਣੇ ਆਸਪਾਸ ਜੋ ਚੀਜ਼ਾਂ ਦੇਖਦੀ ਹਾਂ, ਉਨ੍ਹਾਂ ਤੋਂ ਪ੍ਰਭਾਵਤ ਤੇ ਪ੍ਰੇਰਿਤ ਹੋ ਕੇ ਕਹਾਣੀਆਂ ਲਿਖਦੀ ਹਾਂ। ਆਸਪਾਸ ਦੇ ਲੋਕਾਂ ਨੂੰ ਇੱਕ ਕਿਰਦਾਰ ਮੰਨਦੀ ਹਾਂ। ਫਿਲਮ ਦੀ ਕਹਾਣੀ ਮੈਂ ਦਸ ਸਾਲ ਪਹਿਲਾਂ ਲਿਖੀ ਸੀ। ਅੱਜਕੱਲ੍ਹ ਉਹ ਫਿਰ ਲਿਖ ਰਹੀ ਹਾਂ। ਵੈੱਬ ਸੀਰੀਜ਼ ਦਾ ਇੱਕ ਆਈਡੀਆ ਲਾਕਡਾਊਨ ਦੌਰਾਨ ਆਇਆ ਸੀ। ਆਹਨਾ ਨੇ ਪਿੱਛੇ ਜਿਹੇ ਲੰਡਨ ਵਿੱਚ ਇੱਕ ਕਰਾਈਮ ਥ੍ਰਿਲਰ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਇਸੇ ਦੌਰਾਨ ਉਨ੍ਹਾਂ ਦੀ ਨੈਟਫਲਿਕਸ ਸੀਰੀਜ਼ ‘ਕਾਲ ਮਾਇ ਏਜੰਟ : ਬਾਲੀਵੁੱਡ’ ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ।